Wednesday 20 July 2011

Blogger Hmangchang!

A hmasain mi tam zawk chuan blog hi enge  nih a, blogger hi tunge a nih hre mah ila blog rei tak lo enkawl tawh zingah pawh chiang lo kan awm fo. Blog chu web-page (Eg: www.facebook.com/Muankima.Khawlhring) ang deuh, miin a vei zawng leh ngainat zawng, a tuina zawng internet kaltlanga a tarlanna hmun ti ta mai ila a awlsam mai awm e. Kha a thil siam kha blog chu a ni a, a siamtu kha blogger chu a ni. Blog hi blogger emaw i ti tlat tawh lo ang u!!

A tawi thei ang ber, a chip chiar thei ang bera sawi kan tum anga, a then te chu kan tan ho deuh leh chhiar man hla deuh te pawh a ni ang. Mahse thalaite zingah blog siam chak tak tak, a ngaihna hre vak chuang si lo an awm nual a nih hmel a (Facebook lamah zawhna ka dawn tam em vangin, thiam bik em em vang pawh ni lovin he thu pawh hi ka buatsaih ta hial reng a nih hi!); chuvang chuan a bul atangin kan hrut ang.


Blog chu engtin nge kan siam ang?
www.blogger.com ah lutin "Get Started" tih lo awm kha kan click tawp anga. Create account tih ah khan kan profile vel kan fill up zung zung anga. chu mi kan zawh chuan a next step chu kan blog hming tur kha a ni leh mai. Blog hming kan siam zo a nih chuan Template thlan tur hrang hrang a lo awm anga, kan duhthusam ang zan kan thlan hnu-ah kan siam zo chu a ni deuh nghal mai. Awlsam tak a ni. Kan ziah leh zel turte pawh thui duaha ziah a ngaih loh nan tuna blog siam dan kan sawi zawh chiah bik kha a tawi zawngin kan ziak chhin anga, a dang chu chutiang chuan kan ziak zel tawh ang.
 Blog siam dan entirna:
(www.blogger.com -> Get Started -> Create account -> Name Blog -> Choose Template -> apply to blog)



Template Designing:
Step 1: www.blogger.com -> Design -> Template designer -> Choose Template  -> apply to blog
Step 2: Layout -> Choose lay-out -> apply to blog
Step 3: Background and choose blog background colour -> apply to blog
Step 4: Adjust widths ->Adjust blog lay-out (entire blog upto 1000px s& sidebar upto500px) i duh ang tawka hlaiin i siam mai dawn nia) -> apply to blog
Step 5: Advanced -> Page Text -> Choose Font & Size -> Choose color (text color tih hnuaia down arrow hmang khan) -> apply to blog
           (Step 5 ang tho hian backgrounds, links, blog title, blog text te pawh kha i edit thei vek a ni. Mahse i edit tur hming zel kha i click a ngai dawn a nih chu. Short form hian ziak dawn ta ila Advanced zawhah zel khian i edit tur apiang kha a awm ang!)


Arranging Template:
www.blogger.com ah kalin Design ah i lut leh anga, gadget chi hrang hrang lo awm thut kha i hmu ang. I gadget duh loh a awm emaw, a indawt dan i rem tha duh a nih chuan hetiang hian i ti ang:-
Step 1: Gadget tin bulah khan Edit tih i hmu anga. Kha kha i click chuan new window a lo pop-up anga tichuan remove tih kha i click zel mai dawn nia.
Step 2: Add a Gadget tih kha i click anga, new window lo pop-up leh anga, chuan Gadget chi hrang hrang zing atang khan a hnuai bera awm tur i duh kha i thlang nalh anga, a bula Plus button kha i hmet anga, Save tih lo lan hunah i save keuh dawn nia.
           (Like box/button etc i dah duhna kha a laihawl vel a nih chuan HTML/Javascript kha add tur a ni ang! Content ah khan i duh duh type-in i save phawt ang, a hnu-ah content kha edit tih hmanga click chhuak lehin i la siam tha leh dawn nia. Tin, Title kha blog-a a lan dan tur hming a nia, i duh chuan Mizo tawng pawhin i thlak thei..)


Facebook lama blog tih lar dan:
Fan Page: www.facebook.com/pages/create.php ah kalin page i siam phawt anga i thiante 25 hnenah i page kha lo like sak turin i ngen phawt ang (mi 25 talin i page kha an like phawt loh chuan i page username i siam thei lo anga, Like Box/Button i siam thei lo ang). Tichuan mi 25 ai tlem lovin an like hun hunah http://www.facebook.com/username ah kalin i page username i siam ang.


Like Box: http://developers.facebook.com/docs/reference/plugins/like-box ah i kal anga, Like Box siamna a lo awm anga. A chung berah khan i page address thar (A hma chuan Hmangchang page pawh hi www.facebook.com/Hmangchang tih ringawt nilovin serial no nen a kawi duah thin tih kan la hre hlawm turah ngai ang!) kha i paste anga, Get Code tih kha i click leh tawp ang. A rawn in generate zawh veleh iframe & XFBML tih leh a hnuaia mi kha i copy ve ve anga, notepad-ah i save dawn nia. (Blog set-up tih sual palh ah Like bo/button dahthat leh dawnah code generate chawp tura luh kual dun dun ngai lovin i code siam sa, notepad-a i save that sa atanga khan i copy tawh mai ang). www.blogger.com ah kalin Design ah i lut leh anga, Like Box dahna tura i lo reserve sa kha edit i click leh anga, new window lo pop-up ah khan content ah khan iframe emaw XFBML code i copy kha i pastet anga, i save leh mai ang.


Like Button: http://developers.facebook.com/docs/reference/plugins/like ah i kal angaa dang chu Like Box siam dan nen khian a in ang vek tawh.. I ti thra leh vek anga, Like Button dahna tura i reserve ah khan i va dah ve leh mai dawn a nih chu. 



Backup:
Post Backup: A bikin Mizo blogger zingah, rei fe lo blogging ve tawh te pawn kan thil post tawh sa backup dan a awm tih hre lo kan awm nual mai.. Backup siam hi tum loh deuha post sa delete palh recover nan a that avangin hriat ve ngei chi a ni. www.blogger.com ah kalin Setting ah i lut leh anga Export blog tih lo awm khaa click zeuh la i thil post sa backup i siam a ni der mai!! A van awlsam tehreng em..

Template Backup: Mizo hi chu kuthlei tak kan ni a, blog pawh a lay-out leh design thlak deuh chhen hi kan ching hlawm khawp mai. Chung vang chuan hei pawh kan hriat ngei chi! www.blogger.com ah kalin Design ah i lut leh anga. Edit HTML ah lut lehin Backup/Restore Template tih hnuaia Download Full Template tih i click zeuh khan tuna i template hman lai mek kha i PC-ah backup a siam anga I template pawh kha thlak mah la set buai ngai tawh miah loin i duh hun hunah i upload anga, i template save that kha a rawn in load leh mai dawn a ni.I upload dawn ve thung chuan Download Full Template tih hnuaia Browse tih atang khan i Template backup kha i select anga i upload leh anga a tawk a ni mai!!


Blog dang aia danglam zawk leh nalh zawka blog chei i duh chuan:
Free Template demo hi nalh tak tak a tam em em a, mahse a setup sa ang bak hian Template Designer atang khana edit ve theih loh thung. Chung chu i hmang chhin duh a nih chuan heng:
http://freetemplates.blogspot.com/
http://btemplates.com/, http://blogger-templates.blogspot.com/
http://www.instantshift.com/2009/03/09/120-best-free-blogger-templates-around/
http://templates.raycreationsindia.com/free-blogspot-templates.aspx
http://www.hongkiat.com/blog/40-free-beautiful-blogger-templates-part-iii/
                ah te hian free template download tur i hmu ang. Tin site dang pawh a la tam lutuk. Heng hi chu a lar zual chauh an ni. I template duh ang ang chu download-in nangma template siam i upload-na hmun atang tho khan upload theih a ni bawk. A nalh thu ah chuan heng ho hi a nalh thei hlawm ngang mai. A hmaa Blackberry lem, he blog template-a kan hman thin pawh kha chung zinga pakhat chu a ni.. A bak chu a hre zawkte'n an rawn ziah zawm zel turah ngai phawt ang.. :)

12 comments:

  1. A tha hle mai. Ka'n hmang tangkai nghal dawn teh ang!

    ReplyDelete
  2. van bon tak em

    ReplyDelete
  3. Hmang tang kai hle mai, ka lawm e ka lawm e

    ReplyDelete
  4. This comment has been removed by the author.

    ReplyDelete
  5. ka blog kha edit/ design ka hmu ve thiam miah lo mai a, enge mole a chhan ni ang le

    ReplyDelete
  6. Tsa hian min lo chet khalh ziah mai:D (Y)

    ReplyDelete
  7. Tha hle mai,hmanțagkai kan tum teh ang

    ReplyDelete
  8. A chipchiar sia ka bo tulh tulin ka hria.haha

    ReplyDelete
  9. Tha hle mai,Website hi neih ve ka duh si a,direct in a neih theih em?khawngaihin min lo hrilh chiang hram teh khai.

    ReplyDelete

Blog Follow hmasa lo chuan Comment hi a dah theih loh ang!!