Saturday, 9 July 2011

Nokia Tip: Phone Contact Copy dan awlsam!

Kan sawi fo tawh thrin. He blog hi chu a la hre lo te tan liau liau kan tih tawh kha. hei pawh hi a tam zawk chuan kan hre tawh. Mahse kan tana tip hlui lutuk kha a hre lo te tan chuan a thar a la ni thei tho. Chuvangin a hre lo te hian an hriat loh reng kan phal bik tur a ni lo. A in awlsam hleih em mai!!

Nokia phone i hmanga, bluetooth device i nei a nih chuan i tan Nokia phone dang atanga Contact Copy hi thil awlte a ni tih i hre tawh em? SIM Card a move khan phone Memory a Contact zawng zawng hi a leng mawh khawp mai. SIm vuah kual sek a ngaih phah fo. Phone tharah phone hlui atanga Contact i copy duh emaw, i contact i tih bo pal vek vanga i thiante/chhungte phone a mi i copy dawna, Nokia phone i hmang a nih chuan hetiang hian awlsam tein i ti mai dawn nia. (Duhthusamah chuan chung phone pahnih te chu paired hmasa ila a tha ber, phone thenkhat hian a hmu lo leh khut thin avangin. Tichuan, bluetooth on sain i dah dawn nia!)

1. Setting-ah lutin Sync and backup-ah khan i lut ang.
2. Phone Switch-ah khan i lut leh ang -
    a) I luh mekna kha Contact i lakluhna tur zawk a nih chuan Copy to this thih kha i click leh mai ang.
    b) I luhna kha Contact i copy tur awmna zawk a nih chuan Copy from this tih kha i click thung dawn nia

Tichuan phone contact zawng zawng kha bluetooth hmangin i copy lut tawh mai dawn a ni. Nokia phone thenkhat Sync and backup awm si lova bluetooth device awm lawi si a awm thei. Chung phone atanga Contact lakchhuah emaw dah luh emaw i ngai a nih chuan a pakhat zawk, Sync and backup awm zawk atang kha i ti hlauh mai dawn nia.. Contact kha 900 leh a aia tam pawh lo awm ta pawh nise, rei lote-ah i phone-ah i copy lut mai dawn a nih chu.. I la hmang ngai lo a nih chuan lo chhin ve teh le!!

1 comment:

Blog Follow hmasa lo chuan Comment hi a dah theih loh ang!!