Friday 15 July 2011

Symbian Vrs Java: Phone lei thar tum ten bih ngei chi!!

Symbian:
Symbian hi mobile operating system (OS) leh computing platform smartphones ho hman tura duan chhuah a ni a, a tirah Symbian Ltd. duan chhuah ni mahse 2008 khan Symbian Ltd. chu Nokia Company hian leiin tun thlengin an ta a la a ni. Symbian platform hi Symbian OS leh Nokia Series 60 ten additional user interface system an mamawh avanga a thlaktu atana siam ni. Symbian hian user interface component, S60 5th Edition beh chhanin a keng tel nghal a. A Version hnuhnung ber, Symbian 3 chu 2010 khan released in Nokia N8-ah hian a vawi khatna atan hman a ni. Heng smartphone Nokia C6-01, Nokia E7-00, Nokia C7-00, Nokia E6, and Nokia X7 te hian Symbain version 3 hi an hmang ve tawh nghe nghe a ni

Dt. 11th February, 2011, khan Nokia chuan Symbian kalsana Windows Phone lama tan lak an tum thu an puang ta dum dum mai. Dt. 22nd June, 2011 khan Nokia chuan Accenture nen inremna siamin an ni hian Symbian based software chu 2016 thleng Nokia company tan an lo buaipui tawh thung dawn a ni.

Sawi tur a tam dawn lutuka kan hriat tura pawimawh zual deuh chiah hei pawh kan hrut thuak thuak ang. Symbian hmang phone hi helamah kan hlut em em laiin a siamtu lamah chuan a tlahniam chak hle mai a. June 2011 vel bawra research an neih phei chuan tuna Symbian hmang phone siamtu 39% zet chuan Symbian platform hi thlauhthlak an tum a ni awm e.

Dt. 15th February, 2010-a an released Symbian 3 hi chu ‘next generation’ smartphone platform tan bik liau liau-a design a ni bawka thil thar, 2D leh 3D graphics architecture external display quality tha tak leh thil dang dang bilh tel nual tawh a ni.

Hetiang khawp hian Symbian hi tih changkan ni tawh mahse he platform rohsana Python (S60-a hman ang chi) emaw Adobe Flash/Java ME/Flash Lite/Ruby/.NET/Web Runtime (WRT)/Widgets leh Standard C/C++ hman chhoh an tum tak dan hian ngaihtuah a ti thui khawp mai.

A in ti hre deuh zawk leh lo zir chiang zawk tam tak chuan Symbian platform hi chu a tuanfum leh security that tawk loh em vanga rohsan tum an ni tia an sawi laiin thenkhat chuan hmasawnna kal zelah, a aia changtlung zawk zawn an duh vang niin an sawi bawk!! A enga pawh chu nise Nokia Engineer te ngei ngei pawn J2ME chu Security leh Speed ah chuan Symbian hian a pha hlawl lo tih an pha lo. Mahse kan ramah chuan Symbian OS hmang hi chu kan la induh deuh larh tho tho chu a ni hi maw!!!


Java:
Java hi programming language, James Gosling (Sun Microsystems) a butsaih a ni a, 1995 khan released a ni. A thui lutuk loh nan atlangpui zawr zawr kan hrut ang. Java applications te hi atlangpuiin bytecode (class file) a siam niin Java Virtual Machine (JVM) zawng zawng chuan an run thei tura ngaih a ni. Chuvang chuan Java tunah hian programming languages hman lar ber a lo ni ta hial a ni.

James Gosling, Mike Sheridan, leh Patrick Naughton te chu Java language project buaipui turin June 1991 khan Sun Microsystem chuan mawhphurhna an pe a. Java hi interactive television atana siam ni mahse, a hun laia Cable Television ho hmanah chuan a changkang mah mah ta si! Gosling-a office kawta Oak thing ding changchawiin Oak tiin chung hun lai chuan an ko nghe nge. A hnu deuhah Green tia hriat a hlawh leh renrawn hnu-ah Java tia vuah that a lo ni ta a ni.

Sun Microsystems hian Java 1.0 chu 1995 khan a released-a. Java tangkaizia hria chuan web browsers lam pawn an web page-a Java run dan kawng an hre chhuak ve thuaia, chu chuanJava chu a vawrh lar ta hluai reng a ni. December 1998–1999 a an released Java 1.2 hi chuan platform hrang hrang tan variety hran a rawn nei ta thliah bawka. Entirna’n: Enterprise applicationsa atan J2EE, Mobile application atan J2ME (Mobile Java) a rawn nei hrang thlap tawh tihna a nih chu. J2SE hi chu Standard Edition tihna mai chauh a ni. Heng application full-form hi akn lo la hriat loh takin: J2EE = Java Version 1.2 Enterprise Edition, J2ME = Java Version 2 Mobile Edition, J2SE = Java Version 2 Standard Edition tihna mai a nih chu.

A thu lutuk dawn, Java that em em na te hmangin hian kai tawi mai ang! Java lar bik em em na chhan chu - a chakin a him tha tawk em em a, portable (LG Phone ho phei chuan Bluetooth pawn a thawn thei J2ME application ho hi!) a ni bawka, a speed lah hi programming language dang ho let tamin a sang zawka, tawng hrang hrang hmangin application a siam zung zung theiha, application leh programming language dang ho nen pawh a inman/inmil tha em emin a size hi a lian em em ngai lo bawk. Java Champion an tih mai Heinz Kabutz, Java development lama sulsutu ber pakhat chuan Java hi a fak ngang mai!! “A hma kha chuan hetiang khawpa programming language lian lo, chak tha si, security him tawk si, application dang nena inman tha hi a awm theih pawh ka lo ring ngai lo a ti hial. J2ME chung chang sawi zuiin “A fuh a ni a fuh thlawt, website tin deuh mai hian Java mobile application hi free download turin an lo nei fur bawk nen, he language tan hian virus a hlauhawm der bawk si loh, a chakin a rang em em mai bawk si, 2025-ah chuan phone zawng zawng hian Java an hmang tawh ngeiin ka ring tlat” a ti tawp mai a ni. (Helaia in ti hre em2 a J2ME phone hmag renga phone memory-a virus luh kan lo hlauh em em ang chuan a ni hi chuan a hlauh hmel loh khawp mai!)

A sei luat hlauhna lamah duh ang pawn kan ziak chip chiar thei lo a, induh a fah khawp zo lo ang tih kan hlau khawp mai.. Tin, hei hi chu a hre zawkte cho chhuahna mai a ni tih min hriatpui hlawm turah ngai phawt ang.. :)

2 comments:

  1. tha hle mai. symbian char2 hi ka hmang thin a, a speed ber hi a ni ka sawisel ni. mahse ka lawm ve tok viau tho mai.


    Godspeed Khawlhring

    ReplyDelete
  2. QUANTUM BINARY SIGNALS

    Get professional trading signals sent to your cell phone every day.

    Start following our trades right now & make up to 270% daily.

    ReplyDelete

Blog Follow hmasa lo chuan Comment hi a dah theih loh ang!!