Sunday 21 August 2011

Nokia Mobile Server Synchronisation!!

Mizo ṭawng a tam thei ang bera hman han tum ṭhin mah ila, IT lamah hi chuan a la harsa deuh ṭhin chu a ni e. Mobile Synchronisation Manual Setting ka buaipui a talangin blog pawh duh angin ka update ṭha hman lo a, min hlutpuituten min lo hriatthiam hram ka beisei..

Synchronisation  chungchang phei hi chu sawizui ngaiah pawh ka lo ruat lem lo a, mahse hmanni lawk khan kan ṭhianpa pakhat, IT lam zir chhuak ve meuh khan Mobile Server Synchronisation Manual setting ka buaipui thu leh a puihna ka mamawh thu ka hrilh chuan chutiang ka hre ngai reng reng lo a lo ti ta hu mai si a, chuvang chuan tam tak tan ho viau pawn a lan theih laiin a hre lo tam tak kan la awm ringin ka rawn thai lang ta a ni...

Mawlmang thei ang berin kan ṭan ang. Server Synchronisation chu website-a i mobile-a contact, note leh calender a i thil chhinchiah ho han save dan ti ila a awlsam mai awm e. Tunlaiah MMS leh Email vanga GPRS/EDGE kan hman nasat tawh avang hian phone firmware te hian update leh flash an mamawh hma ta riau a. Tin phone pawh kan thlak sek hlawm avangin Server Synchronisation hi a pawimawh hle a ni. Memory Card leh PC ah chuan backup thei tho mah la, kan restore duh hun hma khan a lo chhe thei a.. Chutiang lo thlen hlauh leh phone tih bo thil thu ah a awlsam bik em em a ni, Server-a i data save sa kha awlsam te in i phone thar/siam ṭhat hlimah chuan i dah lut leh mai thei dawn tihna a nih chu..

I Mobile kha Java a nih chuan heti hian lo en chhin teh: Menu ---> Settings ---> Sync and Backup ---> Data Transfer ---> Tah hian Server Sync tih lo awm chuan Server Synchronisation hi i support tihna a ni mai. Mahse support ngawt mahla setting i la nei lo tih erawh i lo hre dawn nia..

A hmasa setting i duh chuan Ovi-ah account i neih phawt a ngai a, tah chuan i phone model leh i Mobile no thlengin i register ang. Mobile modem-a hmanga 'net connect ṭhin ho hi chuan account hi an siam deuh tlangpui zawka, eng pawh nise https://contactsui.ovi.com/ ah i kal anga, i sign up fel tawh a nih chuan i sign in anga, la sign up lo a nih chuan i Register tih button pawl a mi khu i click mai dawn nia..


I sign in hnu ah synchronise button kha i click anga chun lo pop out ah khan i Ovi Username, phone no (+91 telin) leh Time Zone (India chu + 5:30) kha i fill up anga, chuan i next/ok chuan aetting kha i phone ah an rawn thawn anga, mahse la close suh ang che. I PIN no a lo lang anga, kha kha setting save nan i la mamawh dawn tlat. I phone a setting lo thleng kha i open chuan i PIN enter na tur lo awm anga, chuan i computer lamah i PIN kha enin i enter anga, chuan setting kha i save ang.

Tichuan, i phone ah khan Menu ---> Settings ---> Sync and Backup ---> Data Transfer ---> Server Sync ah i lut anga.. I synchronise turah khan Contact, Calender leh Note a lo awm anga, a vai khan tick vekin i save anga chuan automatic in a in synchronise nghal ang.. I tih tur awm leh zawng chu a khat tawka he method hi apply a ni tawh mai.. :)

5 comments:

  1. A thain a tangkai dawn hle mai. Java lovah hian a tih theih loh em ni?

    ReplyDelete
  2. I blog hi a tha hle mai. Ka tana la tangkai tur hlir vawmkhawmna hmun a lo nih reng hi le.

    ReplyDelete
  3. A bengvar thlak thin hle mai, thil dang deih. internet ka thlun zawm ve zauh zauh a, eng antivirus nge hmang ila tha ber ang, i hriat danin.

    ReplyDelete
  4. @ TS Khupchong: Theih tho turah ka ngai.. Lo try ve chhin teh
    @ Caribou: Thanx
    @ Puia: Internet Security wm tel gei hmag thei la duhwm. Kei cuan Avast Internet Security k hmag. I3 inpuanna kha lo bih ciag rwh..

    ReplyDelete
  5. QUANTUM BINARY SIGNALS

    Professional trading signals sent to your mobile phone daily.

    Start following our signals right now and earn up to 270% a day.

    ReplyDelete

Blog Follow hmasa lo chuan Comment hi a dah theih loh ang!!