Monday 10 October 2011

Facebook Hmangchang!

Facebook Hmangchang han tih ngawt mai chuan sawi tur a tam hle dawn a, ka peih chin chin ka sawi phawt anga, a bak chu peih tak leh kan la chhun zawm turah ngai phawt ila ṭha mai awm e. Kan hre fur tawh emaw tih laiin hre lo kan la awm nual a niang zawhna ka dawng ve ta zeuh zeuh kei teh lul pawn.. Kan sawi ṭan ang!! :)

Facebook autotagging disabled dan

I facebook ṭhian te zingah pictures upload peih em em mai leh application hmanga eng picture emaw ni siam hrat deuh an tam hian i tan lu haina tham a ni, A chhan chu tagged i nih theih na chance a sang ting tihna ni miau hek. I duh emaw duh lo emaw pawh nise facebook default setting ang kha i thlak danglam lo a nih chuan a hman nazawngin an tag ngei ngei ang che. Chu mi setting thlak dan simple tak mai chu a ni ka hrilh tur che u hi:
Step 1: I facebook account-ah Log-in la, a dinglam kil chunglam sir a menu (downward arrow) kha click ang che.

Step 2: Menu bar lo pop-out aṭang khan Privacy Settings kha i select leh anga, a hnuai a mi ang hi a lo lang ang
Step 3: Tichuan How tag work zawna Edit setting khi i click leh keuh anga, a hnuaia mi ang hian a lo lang tawh anga..


Step 4: A chunga pop-up menu khi a hnuaia mi ang hian i edit leh keuh dawn a nia..

Step 5: A chunga a hringa kual khung chhunga custom tih khi an tag na che picture kha i profile-ah a luh huna hmu theitu tur te an ni a.. Kha kha chu hmu thei tura kan duh dan a in an dawn loh avangin i duh ang thlap in i set mai dawn nia, ti mai ang! Awlsam mai... :)


Privacy Setting Thar Hi!
Facebook hian setting an thlak chho mawlh mawlha, tam tak chuan a privacy na a bo tulh tulh nia an sawi laiin a then ve thung chuan a privacy tulh tulh an ti ve mek bawk! Eng vangin nge chung ho chuan a privacy tulh tulh an tih chhan chu helai bikah hi chuan kan sawi zawk anga, i duh ve a nih chuan i lo hmang ve mai dawn nia!!
Step 1: A hmasain Account --> Privacy Setting ah kalin Privacy ah lut la, a hnuaia picture ang hi i hmu ang..

Step 2: Control your default privacy tiha Friends a in select sa khi custome khi i click chuan a hnuai a mi ang hi a lo pop-out ang..

Step 3: Make this visible to tih ah khian Friends thlang la Hide this from tih ah khian Restricted tih kha thlang ang che..
Step 4: I thian ni ve si, i update leh nangma kaihhnawih hmu ve lo tura i duh si ho pawh i lo nei thei a. I nei a nih chuan chung ho wall ah chuan kal la, friends tih lo in tick kalh kha mouse in han tin la, option lo pop-out ah khan Restricted i thlang hmak mai dawn nia..
Tikhian i update hre lo tura i duh te chuan an hre ve thei tawh dawn lo tihna a nih chu.. Privacy tawh mai mai!! :)



Subscription Off Dan!
I hriat loh hlanin, i tum reng ni lova subscription i lo ON palha, a tih tawp dan i thiam leh ta chiah lo a nih pawn lungai suh. Kawng awlsam te a tih tawp leh theih tho a lawm. Hetiang in:
Step 1: I Profile page-ah lut la, Subscriber ah khan lut leh rawh le.
Step 2: Tichuan a page chung veilam kilah khan Edit Setting button a lo awm anga, click kauh rawh le. Tichuan a hnuaia picture ang hi a lo Pop-Out ang.



Step 3: A chunga picture ang lo Pop-Out ah khan button chung ber khi click-in i off mai dawn nia.
Step 4: A chung ber dawttu ah khian i status update comment thei tur te i siam thei ang. Tunah setting ang khi chuan a duh apiangin an comment thei a ni. Tin, button hnuai ber aṭang khian i ṭhiante update i hmuh duh chin i siam thei ang. Tuna setting ang khi chuan i ṭhiante ṭhian leh chhawng update thlengin i hmu thei dawn a nih chu.

Facebook Mizo Group & Page zawn dan
Facebook hmang ṭan tir te tan phei chuan eng group nge join tura eng page nge like tur, eng tih te, eng tin nge chung chu ka zawn hmuh theih ang tih ngawt pawh hi buaina tham a ni. Chutah tak chuan a hnuai page hi i tan a pawimawh khawp ang...


He page, Mizo Links ah hian Mizo tu pawhin a website/blog/webpage/Facebook Group/Facebook Page sum seng lova a advertise-na tur leh kan Mizo puite website/blog/webpage/Facebook Group/Facebook Page zawn hmuh zung zungna atana siam a nih miau avangin https://www.facebook.com/LinkMizo ah hian i luh sen loh link chi hrang hrang i hmu ang. Facebook lam mai ni lovin website, blog leh webpage tlawh regu' deuh tur awm ang chi pawh i zawng hmu zung zung tawh mai dawn a ni.

Tin, nang pawh i bel tak tak hunah chuan website/blog/page/group vel te pawh i la nei ang, chung hunah chuan he link ah tho hian kalin a chunga picture a Piture leh Video inkara Link tih khi i click keuh anga, i link chu paste in attach kha i click leh dawn nia. An in load zuai anga (i net chak loh chuan rei deuh hlek pawh a ni thei) a hnu ah i link share tur sawifiahna tur space lo awm ah khan midang hip thei ang berin i link share tur chu i advertise anga, share tih kha i click leh keuh mai dawn nia. Tichuan, i link leh a description chu he page wall ah hian a awm vang tawh anga, a tlawh apiangin an lo hmuh ve dawn mai bakah i share hma-a he page lo LIKE hman te chuan notification kha an dawng thlap dawn bawk a ni. Mizo te kan in link ṭhat leh zualna'n he Mizo Links page hi i lo hmang ṭangkai ve dawn nia..



Mizo Milarte Zawn Chhuah Dan Awlsam
Kan milar neih, kan ngaihsan ve em em te hi te hi chu biak kan chak theuhin a rinawma. Tin hmelhriat ve emaw, an chanchin tharlam hriat ve te pawh kan duh tlangpui ang. Eng ang pawn va kawm/subcribe duh ma ila, Facebook lamah chuan Pro Pic/Nick dang hmangin an lo log-in daih si a nih chuan zawn hmuh ngaihna awm lo a ni mai.. Chuvang chuan awlsam zawka kan zwn hmuh zung zung theihna atan leh kan mi ngaihsan te kan pho chhuaha, kan chawimawi ve na atan Mizo Walk Of Fame hi siam a ni a.



He page ah hian Mizoram chhim leh hmar, chhak leh thlang mai bakah Mizoram pawn lam pawh tiamin,hmun hrang hranga milarte a duh duh tan phho chhuak theih a ni a. I mi ngaihsan khan fans a ngah theihnan i duh chuan i chawp chhuak thei a nih chu.. Fiamthuna tur a ni lo tih erawh kan hre tlang theuh dawn nia,, Tin i tlawh chhin duh a nih chuan Mizo Walk Of Fame tih hi click keuh mai tur a ni e..

Tin, a hnuaia post ho pawh hi enchhin ve hrim hrim chi khawp mai :D



  1. I facebook account him zawkna'n.. - Recover zung zung a awlsam dan..
  2. Facebook-a SPAM block/remove dan hmangchang! - Spam vanga facebook lamah i hminga link a lo in post ṭhin a nih chuan..
  3. Facebook Memes & Profile Picture Smiley! - Midang aia smiley nalh leh danglam ngah zawk i duh chuan en ngei ngei chi a pahnih hian..
  4. 92-FACEBOOK - A awmzia hrilhfiahna..
  5. Facebook Mail Hmangchang - A hrilhfiahna leh sawi zauna..
  6. Facebook Keyboard Layout (MKlayouT) thar hi!! - Facebook a hman tur liau liau a Keyboard Layout thar ber leh hman nuam ber hi i bel chiang duh a nih chuan..
  7. Facebook Checkpoint paltlang dan awlsam! - Tagging Verification guide..
  8. Facebook Notification Sound Settings - Turn-off leh Turn-on dan..
  9. Facebook Language Settings hi! - Language settings buai siamthat dan..
  10. Facebook friend request hi! - A pawimawh dan leh sawizauna..
  11. Facebook a follow hi engnge ni!? - A sawifiahna leh sawizauna
  12. Facebook-a limit awm lova hmingthlak dan! - Settings an thlak hma kha chuan duh tawkin hetiang hian hming kan thlak thei ṭhin..
  13. Facebook tips & tricks.. - Ziah pawl dan, blank comment, fake update e.t.c.
  14. Facebook vanga i lu na tur veng ang aw! - I mit a lo him zawkna'n..
  15. Facebook tobul.. - A bul lo intan dan chanchin tawi..
  16. Facebook pending Request leh Confirmation hi! - A hlawm a friend request cancel, confirm leh a kaihhawih thil pawimawh..
  17. Facebook friendlist thliarfel rawh! - A pawimawhna leh tangkai dan sawizauna

A chunga point hrang hrang hi a thupui khi i click chuan khi mi link ah khian i kal nghal zel ang. Hai let buai chawp ngai lovin. Desktop atanga i luh chuan new tab in a inhawng mai ang.. Enjoy :)

7 comments:

  1. Post tha tak a ni e. Hetianga rawn post nachang i hria hi hmangchang a tling tak meuh meuh! Midang zawta buai chuk chuk ngai lovin tihian awlsam takin a tih theih tawh dawn a, mi tam takin an hman tangkai ngei ka beisei.

    ReplyDelete
  2. Ts Khupchong: Midang ngaihlu thiam chuan ngaihsan an la hlawh ang tih kha nangmah ah khan a chiang khawpin ka hria.. Ka hriat ve ang chhun chun te, a hre lo zawk te tana ka rawn share mawl mang tak tak pawh i lo ngai hlu thiam thin a.. Ka lawm tak zet zet a ni e.. He blog hian i blog http://chhemdamthlifim.blogspot.com/ erawh a tluk lo tih ka hria lawm.. I blog hi chhiar manhla hle mahse comment hi ka lo dah peih thin lova, min hrethoiam dawn nia.. Kei pawn lo dah hram hram ka lo tum tawh dawn nia.. Nangmah ah ka zir nasa khawp mai.. Ka lawm lutuk e

    ReplyDelete
  3. He blog hi internet lampang kaihnawihah chuan ka chhawr ber a ni awm e.Hriat loh zawh pawn tha takin min chhang thei zel a, a chungah lawmthu ka sawi tak meuh meuh e.

    ReplyDelete
  4. a van tha ve leee, ka hmang tangkai dawn lutuk ringot. Ka lawm em2 e :)

    ReplyDelete
  5. a bengvar thlak hle mai, zawhna pakhat, keihian network chaklo tak mai 2G ka hmang a, chutichuan computerah hian google chrome hmangin kanlut ve thin a, misual.com te, i blog te, zofooty etc hote hi chu ka lut thei mai zel a, mahse facebook bikhi a lut hleithei reng renglo mai thin a, webpage not available a inti reng mai thin a heihi engtia han solve chinge niangle aw, ka net speed 20KB/sec vel anih chouh hian ka FB thei thin a

    ReplyDelete

Blog Follow hmasa lo chuan Comment hi a dah theih loh ang!!