Monday, 13 February 2012

Printer Spooler Problem hi!!



Mi tam tak chuan kan computer-ah printer kan install dawn hian “print spooler service” error notice "Operation could not be completed. The printer spooler service is not running" tih ang chi hi kan dawng leh nawlh nawlh thin a. A hma chuan ngaihsak ngai-ah ka ruat lo, mahse kan thianpa pakhat chuan ka hman loh vangin dawr-ah a lo va siam tir a, Rs. 500/- ngawt an lo charge takah chuan chutiang ang in tawh ve lohna tura he thil ho te share hi ka tih makmawh niiin ka hria. Hetiang in tawk ve a nih chuan heti hian lo tive chhin ta che u.

Network connection i nei a nih chuan MicrosoftFixit.printing.Run.exe hi download la, he set-up hi install in automatic-in installation guide ang khan i siam thei maiin a rin awm.

Network Connection i nei lo a nih pawn lungngai chuang suh, tih dan a la awm zel tho a nia. Connection i nei lo a nih thung chuan a hnuaia mi ang hi lo try ve teh le:
1. Window key (Ctrl leh Alt key inkara mi kha) leh R kha hmet la, Run dialog a lo pop-out ang.
2. Open tih lai awlah khan Services.msc tih hi chhuin OK kha click leh la a hnuai picture a mi ang hi a lo pop-out leh ang.



3. Services list awm thla diat diat-ah hian Printer Spooler service tih zawngin i hmuh hunah i double click anga, tichuan a startup type kha Automatic ah i thlak dawn nia. Hetia i set hian Spooler service computer i on rualin automatic in a lo in start ve zel tawh dawn tihna a nih chu. Chuan OK kha click leh nei ngei tur aw.
4. I computer restart la, han install leh dawn teh.
5. A la dik thei lo cheu a nih chuan i printer lo install tum tawh khan i system-ah printer driver corrupted file a siam a ni theia, chuvangin printer install sa zawng zawng kha zawng chhuakin uninstall leh vekin i computer i restart leh hnu-ah i install tha leh mai dawn nia

I harsatna a sutkian pui ngei che beisei chungin duhsakna sang ber ka hlan a che. Rs. 500/- chawinan chuan a ho mah mah in ti ve ngeiin ka ring!! :)

No comments:

Post a Comment

Blog Follow hmasa lo chuan Comment hi a dah theih loh ang!!