Tuesday, 13 March 2012

I computer a tang (hang) vung vung thin em!?

I computer i on dawn in harsatna nei miah lovin i on a, i hman laklawh laiin mouse pawh che thei miah lo, keyboard pawh function miah lo in a awm ngai em!? A nih loh pawn i programe hawn lai te Not Responding state ah a awm vung vung ngai em!? a nih chuan hei hi chhiar la, a puih loh vek che pawhin i bengvar phah ngei ka beisei. Khatianga a tang vung vung kha "HANG" an tih chu a ni a, a chhan awm thei hrang hrang te chu:

  1. Processor/Motherboard kha a over-heat a ni thei. Cooling fan khan a thawh tur ang a thawh loh chuan, processor kha a lo sa lutuk a, chu chuan a temperature ngai a awh leh hma chu a tan tir vung vung thei.
  2. Hard disk drive buai vang a ni thei bawk. Computer smooth taka in run nana Operating System files pawimawh te kha access theih loh a nihin a tang vung vung thei bawk.
  3. Software related issue vang a ni thei bawk.
  4. Driver related issue a ni thei tho bawk.
  5. Hardware issue vang a ni thei a.
  6. Windows file corrupt nasat vang a ni thei.
  7. A rualin programe a in run tam lutuk a ni thei bawk.
  8. Registry Problem



Engtin nge computer hang chu kan tih reh ang!?
A hmasa in Computer hang nachhan hi tam tak a awm a, tuna kan sawi mek te hi chu a tlanglawn zualpui chauh a ni tih hriat tur a ni a, heng hi i tih vek hnu-ah a la dik thei lo cheu a nih chuan a chhan dang a awm a ni mai tih hria-in heng step tlem te hmang hian computer hang zawng zawng a siam vek theih kher loh tih erawh kan hre dawn nia. Mahse He problem tam zawk hi chu a solve thei ngeiin a rinawm..

Step 1Processor bula cooling fans kha a vir that theih leh theih loh check hmasa ber ang che. A vir tha theia a fai tha bawk a nih chuan thildang vang a ni mai. A nih loh chuan a fan kha i thlak mai dawn nia. Tin, PC thenkhatah chuan fan dang awm telna a awm nual thin a, chutiang chi chu a nih chuan a fan awm zawng zawng kha i check vek dawn nia.

Step 2: Hei hi chu awlsam te a hriat chhuah theih a ni. I hard drive a drive tinah khan han right mouse la, properties ah lut lehin tab hran hran lo awmah khan Tools tih ah khan i click zeuh anga, Check Now tih kha click lehin Disk check option 2 a lo awm anga i tick/check ve ve anga, start kha i click keuh mai dawn nia. Duhthusam ah chuan Tuneup Disk Doctor hi hman theih a tha hle he case ah chuan. Tuneup i la hmang ve ngai lo a nih chuan HMANGCHANG Thil Thlawn Pek 2012!! ah hian i download theih dan tur leh i computer mamawh hrang hrang a awm nual ang. Tuneup i install a nih chuan Disk Doctor hmang ngei khan i check dawn nia. Buai a awm a nih chuan a restart anga, a in start-up dawnah a buai chu a repair mai ang. Minor Case chu tihian chin fel mai theih a ni a. Mahse Disk Doctor hian a repair theih loh chuan i Hard Disk kha thlak a ngai ve thei tho bawk.

Step 3: I computer-a software hrang hrang zingah khan a khawi emaw ber pawh lo buai ta se hetiang hian a tang vung vung thei tho a nia. Chutianga a tang a nih chuan case tam zawkah chuan i computer khan chu software buai a chu a update a lo detect ve zuk si a, a in update zo hman lo emaw, a in update lo hrim hrim emaw a ni duh chawk. Chuvangin i software neih ang ang te, update theih chin zawng chu, i online thin a nih chuan update vek ang che. Tin, software/ programe hriat chian loh leh hman ngai lem loh hi chu install lo ila a tha ber. Eng anga tha pawh nise kan hman ngai loh chuan install loh ngam a tha. Computer tangkaina chu software/programe tha tak tak install tam lam aiin a neitu-in a hman duhna takah rang takin a hman zung zung theih leh theih loh-ah a in nghat si a.

Step 4 & 5: Computer hang nachhan tam tak hi Driver/Hardware problem hi a ni duh chawk! I computer ah khan Hardware/camera/mobile/USB Device etc i vih/vuah chuan i vih rual khan a driver automatic in lo install a tum thin a. A install thei lo a nih chuan Unknown Device angin a awm anga, makna chhin chhiahna ang hi a lo awm kuau thin. Tin, software ang bawk khan a update a detect zuka a in update leh si loh emaw, a update zawh hman leh si loh chuan hetiang hian a awm thei bawk niin an sawi thin. I desktop a My Computer emaw Computer emaw kha right mouse la, manage ah khan lutin device manager ah khan lut la driver hrang hrang a category in a lo awm thap ang (For eg: Computer, Disk Drive, Display Adapters etc). Khang ho kha han click la a in expand anga, makna chhinchhiahna lo awm vu a awm chuan i right mouse anga update i tum anga, i thei lo a nih chuan i uninstall tawp dawn nia. Tin, RAM, Graphic Card leh hetiang lam nget lo emaw, a invuahna laia bawlhhlawh awm vang a ni thei bawk a, chuvang chuan heng pawh hi check vek chi a ni. Tin, UPS i hmang lo a current rawn su thut vanga i PC a thi thut a nih chuan kha khan i system ah failure a siam thei a, chutiang a nih chuan Step 2 khi i apply leh mai dawn nia..

Step 6: Malware hian a tlangpuiin windows file hi an bitum deuh chat zel a, windows file hi a eichhia/replace/delete thin avangin windows file hi a ti corrupt thina. A bikin XP phei chuan a tuar hma em em a hang mai ni lo, nung thei tawh lo tawp hialin a awm phah fo thin. Mahse windows 7 hi chuan XP in a thihpui tawp tawh ang pawh a la nunpui zel thei fova, mahse a muan phahin hang vung vung a tam duh hle. Windows load that tirhin backup siam hi a tha hle. A buai leh pawn backup kha restore zung zung theih mai a ni a. Tin, theih phei chuan backup hi regu taka siam thin a tha. Kan Hard Disk a lian lem lo a nih chuan windows load zawh hllim, kan programe duh ang kan load zawh fel chiah ah backup hmak mai tur a ni. Mahse backup pawh hi malware thenkhat chuan luhchilh dan an la zawn leh hram hram thin avangin CD-a backup siam daih hi a la him leh zual. Chuvangin windows file a corrupt loh nan kan computer maintenance kan uluk a ngai hle a, kan hmang thei a nih chuan anti-virus tha thei ang ber zel hman a tha, chu pawh update nitin thei ila a tha leh zual. Backup kan lo siam si lo a, windows file a corrupt tawh a nihi si chuan kei chuan windows load that vat hi a fuh berin ka hria :D

Step 7: I computer i hman lai khan programe tul chiah a in run a ni tih hi chian a pawimawh, a tul ve lem lo a dang a lo in run ve reng a nih chuan i computer zawh bak RAM kha an hmang thei a, chu chuan a timuang mai ni lovin rei tak tak chhung a hang tir thei bawk. Chuvang chuan application hawng rual thup thup lo la, a nih loh vek pawn i RAM kha i computer zawh tawka sang thei ang berin upgrade ang che.

Step 8: Registry hi windows in hna a thawh theihna'na information & setting a hmuhna ber ti ila hriat thiam a awlsam mai awm e. Mahse kan tih ni miah si lo hian heng registry ah hian adware leh thil dang dang vanngin entry thar te a lo awm a, lo in edit te a awm thin a. Chuchuan nasa takin computer a timuangin a tibuai thei a ni tih hriat reng a a tha hle bawk. Kei chuan registry manage nan chuan CCleaner hi ka hmangin ka fak khawp mai. Ka install laiin recycle bin a awm tel turin ka tick a, internet luh zawh chiah ah ngei ngeiin desktop-a recycle bin kha va right mouse zeuhin run Ccleaner kha ka click keuh maia, awlsam phian. HMANGCHANG Thil Thlawn Pek 2012!! ah hian registry manage tel thei software i.e TuneUp, Advance System Care, Uniblue Power Suite te i hmu thei bawk ang. Heng pawh hi kei chuan ka fak thlawt a ni. Tin, mi tam tak chuak RegGenie hi an fak hle bawka, registry manage na atana no 1 tihiala fak tawk te pawh an awm. RegGenie hi i hmang duh a nih chuan download in install la a hnuaia key khawi emaw ber hmang hian i register mai dawn nia.


RegGenie Resgistration Keys:
19791199537993194879
19795099575993795399
19797009783905190459
19790249741920694289
19791519076976799839

I hlawkpuia i lo chhawr tangkai ngei beisei chungin duhsakna kan hlan leh ngawt phawt mai teh ang che.. :D

1 comment:

  1. I've been using Kaspersky protection for a few years, and I'd recommend this Anti-virus to everyone.

    ReplyDelete

Blog Follow hmasa lo chuan Comment hi a dah theih loh ang!!