Sunday 1 April 2012

Windows 7 Problem 5 te leh a siam that dan!

Windows 7 hi tam tak chuan fakin complete hle ah ngai mah ila, famkim lohna khawvel a ni miau a, complete lohna tam tak a nei ve tho tih kan hre vek awm e. Amah erawh chu network connection lamah chuan no 1 a dah loh chi zia zang ni lo khawpa siam fuh a ni he windows zet hi zawng.. Windows 7 an complain nachhan thin lang sar zual 5 te leh a solve dan te chu:




1. Windows a muang lutuk: Windows 7 hian visual effects chi hran hran a ken hnem avangin i RAM, system memory leh graphic card memory te kha a lo la hek ve teuh thei a. I PC khan windows 7 system requirement a pha tho a nih chuan, a muan chhan chu hei hi a ni tlangpui. Chuvangin a hnuaia mi hi lo ti ve chhin teh le:

Start Button kha click in Computer tih kha right-mouse la, Properties tih ah khan lutin Performance Information and Tools tih ah khan i lut leh anga, tichuan Adjust visual effects tih kha i click leh chuan a hnuai picture ang hi a lo pop out anga. Option kha custom ah a lo awmsa ngeiin a rin awma, tichuan option dang 3, a chunga awm te khu i PC in a mamawh ber tur kha i select mai dawn nia.

windows 7 problems



2. Windows Aero buai: Hei hi chu fimkhur a ngai hle. I tih dik loh palh veih chuan windows load that a ngaih phah thei. Tin, computer chinchang kan her ve nual a, registry edit kan ching viau a nih chuan registry back-up hi edit hmain siam ngei ngei tur a ni a. Mahse hei bik hi chu a chiang tawk viau dawn a, ngai lo ah ka dah phawt ang. Chiang lo chunga lo edit ai chuan a thiam zawk rawn hreh lo ang che. A hnuaia mi hi lo zir chiang teh le..
Windows key (Ctrl leh Alt inkara mi kha) leh R hmet kawp la, a hnuaia mi ang hi a lo pop-out ang.



Open tih zawh chiaha awl ah khan regedit tih kha chhu lutin i OK anga, registry edit na a lo in hawng ang (Hei hi registry editor hawn dan a ni a, no 4 ah pawh khuan hemi chin hmalam zawng hi hman mai tur a ni ang!). Tichuan HKEY_CURRENT_USER tih kha i expand anga, Software kha i expand leh anga, Microsoft tih lo awm kha expand lehin khami chhunga Windows tih kha i expand leh anga, chumi chhunga DWM tih lo awm kha i click chuan a hnuai picture ang hian a lo awm ang.

windows 7 problems

‘EnableAeroPeek‘ tih kha right-mouse in modify kha i click keuh anga Value Data kha 1 ah dahin base ah Hexadecimal kha i thlang anga, i OK keuh mai dawn nia.



3. Program Compatible loh a nei: Windows 7 i load thara, XP i hman laia i hawn theih games/application thenkhat i hmang hlei thei tawh lo a nih chuan hetiang hian i lo tichhin dawn nia:

I program/application hawn theih tak loh setup file kha right-mouse la, Properties ah khan i lut dawn nia. Compatibility tab lo awm kha han click keuh la, ‘Run this program in compatibility mode for:' tih hma a mi kha i click keuh anga, pull-down menu atang khan i windows hmasa zawk, chu program/application i hman theihna windows kha i select mai dawn nia a hnuaia picture ang hian..

problems with windows 7

I install zawhah installation file ah khan lutin a icon ah khan a ngai chiaha i tih nawn leh ngai chi pawh a awm thin bawk. Tin, Compatibilty tab hnuai lamah khan hetiang hi a lo awm bawk anga

problems with windows 7

Khi mi hmang khian resolution pawh i thlak danglam nghal thei bawk ang.



4. DVD Drive Not Found: Windows 7 buai fona thin langsar ber pakhat a tih ngam awm e. Registry edit hmang bawka siam that theih a ni a, mahse i edit hmain no 2 a warning kha i hre hmasa tur a ni ang.. Tin, a edit-na tur hawn dan pawh no 2 ah kan sawi tawh avangin kan sawi nawn lo ang :D

Tichuan HKEY_LOCAL_MACHINE tih kha expand in a chhunga SYSTEM folder kha i expand leh anga, CurrentControlSet kha expand lehin Control i expand leh ang a. Class tih kha select-in right-hand panel lamah khan ‘UpperFilters‘ leh ‘LowerFilters‘ tih hi registry ah khan a lo awm tel chuan i delete ve ve anga PC restart nghal la a dik ngei tura ngaih a ni. :D



5. Themes thara Icon dik lo: I windows theme i thlaka, icon a lo dik lo ta nuaih em ni!? Chuvanga i lo buai ru viau a nih chuan hei hi lo try ve teh le!

I desktop kha Right-mouse la, Personalize ah khan lutin, Change Desktop Icons-ah khan i luh leh chuan Desktop Icon Settings window a lo pop-out anga, ‘Allow themes to change desktop icons‘ tih lo in tick sa kha i tick lo anga, APPLY in i OK mai dawn nia.

problems with windows 7

Heng a chunga kan sawi te hian heng problem 5 vanga buaina tam zawk chu a solve thei a, mahse i system leh settings dang vangin a pui lo ve thei tho tih hriat tel bawk tur a ni e..

8 comments:

  1. zawhna ka nei a khawngaihin min chhan sak thei chua kak lawm hle ang..A hmasa in computer hi ka thiamlo hle a.. ka harsatna hi min pui thei chuan ka lom hle ang..comuter ka lei trh khan avast antivirus ka thian ten min thun saka..a hnu deuah Kasperky hman ka duh lh avang khan ahmasa zawk a ka hman a pawh uninstall chuang lo chuan ka install ve lh mai bawka..mahse a hnu ah ka computer hi a muan phah hle my a..unistall ka tum in PRoq install ho zing ah khan a lang tawh silo a..afile delete ka tum pawn a thei tlat lo a.. ka thiamna in a tlin tawh si lo..a chhan lh sove dan a awm mal lo mo?

    ReplyDelete
  2. Windows load that mai a va ngaih hmel ve.. Iobit Uninstaller hmang chhin phawt la, i thei lo a nih chuan load tha tawp mai teh

    ReplyDelete
  3. lawmawm thin hle mai, i zarah kan hriat belh leh ta nih hi

    ReplyDelete
  4. XP ka bel tawh viau a, Win7 ka kai ve chauh a, ka mamawh khawp mai.Desktop backround tretch,centre,tile a thlakna ka hmu ta miahlo mai a, tretch turin photoshop atangin ka resize vel ta mai2.Tin, game thenkhat a phe tlat bawk a

    ReplyDelete
    Replies
    1. Hope this help :D
      http://windows.microsoft.com/en-US/windows7/change-your-desktop-background-wallpaper

      Delete
    2. Heti hian a awlsam zawk ang :D
      Right Mouse your desktop >>> Personalize >>> Desktop Background >>> Fill: Option a lo pop-out anga i duh ber i select mai dawn nia :D

      Delete
  5. kei chu 'let windows choose...' ah a awm a, chuan a in tick deuh vek bawk. Eng ber nge hmang ila tha ang min lo hrilh leh law law mai teh. chuan eng eng nge ka tick ang? App/software ka hmang tam vak lo va, ka zawhna hi a mawlmang deuh maithei, mahse i blog hi ka blog ngainat ber a ni, min hrilh theih chuan ka lawm hle ang.

    ReplyDelete

Blog Follow hmasa lo chuan Comment hi a dah theih loh ang!!