Printer Installation Problem Hi!

Tam tak tan chuan a ho ngawt ang, a bikin Printer nei lo leh he problem lo solve thiam tawh sa tan. Mahse kan zawhna dawn tam ber chu he lam hawi hi a nih vangin tun tum chu heti lam hi kan thlur bing ang.  Tin, kei ni’n hote a kan ngaih hi a chhiartu tam zawk tan a lo tangkai thei a, bakah zawhna kan dawn tam dan ang zela rawn ziak kan ni tih erawh min hrethiam turah kan ngai ve ngawt a! :D

Zawhna rawn zawttu te hian Printer Model hran hran an hmanga, example ka pekna tur Printer lah a dang. Tin, kan windows hman pawh a in ang kher lo ang. Mahse a kal phung a in an vek tho avangin in hrethiam tho turah ngai phawt ang.

I printer i hmang fo thina, eng emaw vangin driver i install that leh dawnah, a CD rawn chhawm atanga i setup dawn emaw, i vawi khat install tumna-ah pawh he problem hi awm thei a ni a. Set-up ah i lut a, i install ve pur pur a, mahse i printer chu a hmu thei ta tlat lova emaw cable in connect lo anga a detect zel chuan a hnuai a mi ang hian lo ti ve chhin dawn teh le.

Step 1: Start Button Click in Devices & Printers ah khan i luh chuan a hnuaia Picture ang hi i hmu anga, HP Laserjet P1008 tih a hringa in tick aiah khuan i Printer Model leh error symbol a lo awm thung ngei ang. Chutianga a lo awm lo a nih chuan i cable kha a dik lo a ni ve thei tho bawk. I cable kha Printer-ah connect in Printer kha on la, driver install a tum anga, a failed ngei bawk ang. Tichuan kan sawi ang khan a lo awm tawh anga. Tichuan Printer chu off lehin error symbol awmna Printer lem kha i right mouse anga, i remove daih dawn nia.

Step 2: Add a printer tih khi click la, a hnuaia picture ang hi a lo lang leh ang.

Step 3: Add a local printer tih khi click la, a hnuaia picture ang hi a lo lang leh ang.

Step 4: A chunga milem kan hmuh ah khian Use an existing port leh Create a new port khi hman theih ve ve mahse Use an existing port  tih khi hmang la a awlsam zawk ang. Tin, khitah khian i Printer vih luhna Port dik tak i thlan a ngai. Ka Printer ang hi chu CPU nen USB Port hmanga thlun zawm a nih vangin tikhian ka hmanga, USB Port hmang lo tan chuan khi khi duh thlan tur zingah a awm lo ang. USB Port a hmang a nih chuan a lo awm sa anga, i thlang mai dawn nia Virtual Printer Port for USB tih kha. I thlan fel tawh chuan next button kha click la, a hnuaia Picture ang hi a lo lang ve thung ang.

Step 5: A chunga mi ang deuh hian Printer siamtu hrang hrang leh an Product hrang hrang hming a lo lang anga, i Printer mil siamtu company kha han select la, i Printer model kha a awm leh awm loh Printers tih chhungah khan en ang che. A lo awm hlauh a nih chuan kha kha select in next i click anga, set-up i complete tawh mai dawn nia. Mahse kan sawi lai mek angah hi chuan a awm loh zel avangin Have Disk tih khi kan click thung anga, a hnuaia mi ang hi a lo lang ang.

Step 6: Have Disk tih i click zawh chuan a hnuai a mi ang hian duh i thlanna tur a lo awm leh anga, i Printer Installation Disk emaw, i extract chhuahna folder ah emaw lutin a lema kan hmuh ang khuan autorun.inf tih kha i select dawn nia.

Step 7: Autorun.inf i select zawh chuan open kha i click keuh anga, Open kha i click chuan a hnuai mi ang hi a lo lang leh ang..

Step 8: Ok khi i click keuh anga, tichuan Printer Model lo lang zingah khuan i model mil pui i zawng anga, i Printer model i select hunah Next tih khu i click keuh dawn nia.

Step 9: I next zawh chuan a hnuaia mi ang hi a lo lang leh anga, Printer Name kha chu duh leh i Edit thei tho na-a kei chuan Autogenerate hman mai kha a fuh zawk mahin ka hria.

Step 10: A chunga kan sawi lai khi i tih fela Next tih kha i click a nih chuan a hnuai a mi ang hi i hmu anga, LAN i hmang a nih loh chuan option chung zawk, Do not this printer tih khu i thlang anga, i Next leh mai dawn nia. LAN i hmanga, i share duh a nih chuan option hnuhnung zawk khu i thlang anga, Next keuhin set-up i complete mai dawn nia. 

Tichuan i computer thlunzawmpuite chuan i printer ah khan an duh duh an lo print ve thei dawn a nih chu. Option khawi emaw zawk zawk khi i hmang a nih pawn i set-up a hlawhtlin chuan a hnuai a mi ang hi a lo lang leh anga

I thil install chu a dik leh dik loh i test duh a nih chuan, i printer chu on la, Print a test page tih khi i click anga, i nghak zeuh anga, a rawn in print per per tawh mai ang. A tul kher love, print tur awm hunah a ni mai i tih chuan Finish khi i click mai dawn nia. I hlawkpui ngei beisei chungin duh tawk leh phawt ang.. :D