Saturday, 16 June 2012

Pendrive leh Memory Card Write Protected Problem Hi!?




A khuh hawnna!
Write Protected problem nei hi kan awm chho ve ta nawk nawk mai a. A tlangpuiin a hnuaia mi ang deuh hi notice rawn kal dan a ni deuh ber. Zawhna ka dawn tak nual vangin chu ti nafam chu tiin ka google ta chiam a, keiman ka la tawh ve miau loh avangin ka expirience aṭanga sawi thei ka ni si lo. Tichuan a rintlak awm nia ka hriat chu tihian Mizo ṭawng ngeiin ka rawn chhawp chhuak ta a ni. He harsatna hi i tawk mek a nih chuan lo tichhin ve teh le..


usb-drive-write-protected


Write protected problem neite'n error notice an hmuh tlanglawn tak te chu:
*  Cannot copy files and folders, drive is write protected
*  Cannot format the drive, drive is write protected
*  The disk is write protected
*  Remove write protection or use another disk
*  Media is write protected


Mi ṭhenkhat chuan thawklehkhatah an drive/pendrive/memory card te chu Write Protected in a rawn awm thut a, tichuan an USB portable drive ah chuan file dang an dah lut thei tawh lova, an delete ṭhen thei tawh hek lo niin an sawi.


I portable devices, entirna'n pendrive, memory card, iPod leh USB mass storage devices dang hova write protection lo awm ṭhin chu remove in tum dawn ang hmiang.


Engtin nge ni ang!?
Portable USB Device ṭhenkhat-ah chuan Write Protection  hi a card/drive sir lama adjust-na awmsa hmanga on leh off mai theih a ni a. A hmasa in hei hi i on nge i off tih chian phawt ang che. Floppy hmang hman ho kha chuan kan hrethiam mai ang chu maw.
Tin, write protection problem hi virus action vang a awm pawh a lo ni thei tho a. Virus emaw script lamin emaw registry kha write protected anga a lo thlak ṭhin vanga hetianga awm pawh hi a awm thei. Chutiang ang case chu a hnuai a mi ang hian remove theih a ni thung:


1.      Windows Key + R hmet la >> regedit tih hi chhuin Enter rawh, tichuan registry editor a lo in hawng ang.


2. A hnuai a mi hi zawng chhuak ang che:
HKEY_LOCAL_MACHINE\SYSTEM\CurrentControlSet\Control\StorageDevicePolicies


Note: StorageDevicePolicies registry key hi i hmu lo a nih chuan i siam a ngai ang!


add.bat hi click-in download la, i download zawhah double click in i open anga, automatic in registry ah a lo in add mai dawn a ni awm e.


write-protection-registry


3. A chung milem a WriteProtect tih khi double click in a hnuaia picture ang hian i set dawn a nia.


disable-write-protection


4. Ok click keuhin registry Editor kha close la, i computer i restart dawn nia. I USB chu i computer ah chuan han connect leh teh le. 


A lo la dik lo cheu a ni chuan WriteProtection hi click in he file hi download la Enable key zawk kha open in registry ah i entry anga. Chuan i computer restart-in i retry leh dawn nia. Chutah pawh nangmah bik a la dik thei lo cheu a nih chuan Microsoft Answer a mi ang hian mahniin i siam chawp mai dawn nia.. :D


Hope it helps.. \o/

4 comments:

  1. ka ti chhin vek a tih thei chuang hauh loh mai... pendrive protect na OS kher kha ngai mawnile.... computer dang a tang chuan atheihloh nge ni...

    ReplyDelete
  2. camera memory card hi haw hian short cut in awm vek a eng tia tih chi nge format chuan ovek dawn bawk c amin han pui teh u

    ReplyDelete
  3. Videocon prepaid mobile recharge anytime, anywhere – Recharge online instantly and stay connected with your loved ones. online recharge

    ReplyDelete

Blog Follow hmasa lo chuan Comment hi a dah theih loh ang!!