Monday, 19 August 2013

SBI MOBILE BANKING HI!

SBI hi khawi hmunah pawh staff indaih tak an awm mang lo a. Chuvang chuan mobile banking hian nasa takin customer te min chhawk zangkhai thei. Zokhaw lam, ATM awm lohna hmunah phei chuan a tangkai hle a. Balance check tur ngawta rei deuh deuh nghak hman lo te, balance transfer tura Branch a kal hman mang lo te, top-up dealer awm mumal lohna hmun a mi te tan chuan tangkai tak a ni. A hman dan chu mahni a zirthiam mai chi a ni (device hran hranah tlem tlema a dan vang leh thui dawn lutuk vangin..), registration tih dan te hi i han bih dawn teh ang..

SMS BASED MBS
(Bluetooth awm lohna phone-ah hetiang MBS hi hman tur)

Step 1: Mbsreg tih hi 9223440000-ah thawn tur. Chuan, inbox-ah UserID leh default MPIN a lo thleng ang. (e.g userID - abc123; MPIN - 123456)

Step 2: Smpin UserID default MPIN New MPIN - 9223440000-ah thawn tur. A tira MPIN lo thleng, default MPIN hi thlak nghal ngei ngei a ngai a, step 2 hi a thlak dan tur chu a ni. (e.g Smpin abc123 123456 654321)"MPIN is changed" tih msg i dawn hnuah a hnuaia mi ang hian...

Step 3: Accept UserID New MPIN - 9223440000-ah thawn tur. (e.g Accept abc123 654321) "Thank you for accepting terms & conditions...."tih i dawn hnuah a hnuai mi ang hian...

Step 4: Hetah hian tih dan chi 3 a awm thei a, i tana remchang ber pakhat chauh tih a tawk. A hnuaia tarlan 3 zinga i duh ber hmang hian i complete tawh dawn nia.

Option 1: ATM Booth-ah kal la. I card i thai hnuah hetiang hian - Mobile Registration – ATM PIN i chhu ang - Mobile Banking – Registration – Enter 'i mobile number i chhu ang' - YES i thlang leh ang a - i Mobile Number a rawn lang ang a- Confirm tih i thlang leh dawn nia.

Option 2: GCC (Green Channel Counter) - ah i card i thai ang a, 4-Mobile registration tih kha i select ang a. I mobile number i enter ang a, a hring i hmet leh dawn nia.

Option 3: Branch-ah i kal ang a. MBS titu bik an awm a. An hnenah i UserID, Account Number leh Phone Number i hrilh ang a, an lo register-sak mai ang che.

APPLICATION BASED MBS (STATE BANK FREEDOM)
Step 1: Mbsreg tih hi 9223440000-ah thawn tur. Chuan, inbox-ah UserID leh default MPIN a lo thleng ang. (e.g userID - abc123; MPIN - 123456).

Step 2: SBI Freedom application i download ang. Android phone hmang tan chuan Google Play Store atanga install mai tur a ni. I download thei lo a nih chuan, SBI branch-ah kal la, bluetooth hmangin i hman tur bik an lo pe ang che. Phone Brand & Model a zirin hman tur bik a awm a, inhman tawm theih awm bawk mah se, a theih loh a awm tho bawk a, mahni Phone Brand & Model mil download tur. Android phone tan chuan a inang vek thung. (For more - ah a link dah a ni e)

Step 3: State Bank Freedom i hawng ang a, UserID hmangin i log-in ang a,default MPIN i thlak nghal ang .

Step 4: A chunga SMS based nen khian a inang.★★★★★★★★★★★★★★★★★★★★★★

For more INFO:
1. Click ☞ here ☜ to download Android SBI Freedom

2. Click ☞ here ☜ to download Non-'droid SBI Freedom

3. Click ☞ here ☜ to read more information about registration process.

4. Click ☞ here ☜ to read Mobile Banking features.

Security Tips:
1. MPIN hi a him thei ang berin vawng la, midang hriat tir ve suh ang che.
2. http://www.sbi.co.in official & authorised banking software chauh download in hmang thin ang che.
3. Midang hmuh theihin i MPIN chhu ngai suh ang che.
4. I mobile kha password/pattern hmangin lock ang che.
5. SBI Freedom hi i hman zawh ah log-out thlap thin ang che.
6. I SIM/Mobile i tih bo chuan, mobile banking service hi deactivate vat ang che.
7. I user ID, MPIN, account/customer number etc. te hi midang laka tlangzarh tur a ni lo tih hre reng ang che.
8. I e-mail/SMS dawn a link hmangin i account access turin click ngai suh ang che.

4 comments:

  1. Android hmang tan blaack screen problem a awm thina rei fe ka buai hnu ah ka solved hram

    ReplyDelete
  2. obtion 2 na, gcc ah hian atm pin chhut kher a ngai em?

    ReplyDelete
  3. Switch to videocon and join largest network in India. Step by step MNP procedures help you to get videocon network with attractive plans for empowering your business. mobile number portability videocon

    ReplyDelete
  4. nice blogs
    Get videocon prepaid mobile services to explore the world with easy postpaid bill payment, online prepaid mobile recharge and much more.
    mobile data recharge, internet mobile data

    ReplyDelete

Blog Follow hmasa lo chuan Comment hi a dah theih loh ang!!