Tuesday 3 September 2013

Mizo Bible for Android hmangchang!

Mizo Bible hi hmang ve duh si, install thiam chiah si lo leh a download dan tur hre lo kan tam ang reng viau mai a. Chuvangin Android User te tan install dan tur hi guide siam a tha in ka hre ta a, tlema bangbo zawk te tan pawh hriatthiam a har lo turah ka ngai..

Open Bible install a chu mi hmang chuan Bible Data download mai theih a ni a, mahse kan ram net muan vang leh tuna ka share tur hi chu Mizo Bible tak tak, a menu leh settings engkim mai pawh Mizo țawnga ka Modded a nih vangin bangbo zawk te tana țangkai dawn riaua hriain tihian ka share ta mai..

Install dan hi chi hnih a awm leh a, Computer hmang leh Computer hmang lovin a ni a, i mamawh zawk zawk i lo zir bing mai dawn nia. Mahse a pahnih a tih kher a ngai lo tih erawh hre tel ta ila..

I mamawh tur te:
1. ES File Explorer: Hei hi i click chuan ES File Explorer siamtu lam official site ah i lut ang a, apk file a download na leh Google Play luhna tur a lo awm ang a, i duh zawk zawk hmang khan i install thei ang.

2. Mizo Bible Data: Hei hi Mizo Go Bible ho siam Mizo Bible Data a ni a, setup a awlsam zawkna atan zip file a dahkhawm sa a ni a. I click chuan a in download nghal ang.

3. Mizo Bible: Hei hi OpenBible version 6.2 ka mod thar ber a ni a. A chhan pawh OpenBible hmanga Mizo Bible hi i install chuan icon atan humberger hman a ni a, a inhmeh lo ema ka hriat avangin Holy Bible lem icon a hmangin a hmingah pawh Mizo Bible tiin ka dah a. PlayStore ah download tur a awm ve lo ang hei chu. Amah hi i click chuan a in download nghal ang. Tin, sapțawng thiam lo leh bangbo zawkte tan pawh Mizo țawng veka menu a awm avangin a awlsam sawt ang..

A hming zel khi i click chuan download na tur hmunah a hruai zel ang che. 1 khi i nei sa emaw, khitiang ni lo, zip/rar extract theihna ang chi application install sa i neih chuan download tel a ngai lo ang a, Computer atanga install tur tan pawh download tel a ngai lovang. Tin, mobile atanga he guide hi type a nih vangin a tawi zawkna'n an hminga sawi lovin a serial number zel khian ka sawi dawn a, buai phah loh tur.

Computer hmang tel tur te tan:
✆ 2 & 3 khi download rawh.
✆ 2 khi zip file a ni a, winrar/winzip hmangin a chhunga folder Open Bible tih kha extract rawh.
✆ I file extract chu i memory card ah copy lut rawh. Folder hran chhungah dah suh ang che. (Samsung device leh mobile țhenkhatah chuan internal/inbuilt/mobile memory zawkah dah a ngai zawk țhin)
✆ 3 khi i memory card ah dah lutin install la, Mizo Bible i nei ve ta der a ni mai!

Computer hmang tel lo tur te tan:
✆ 1 khi download in install rawh.
✆ 2 khi download la, Open with 1 in hawng rawh. (ES File Explorer hi i la hman ngai loh chuan > ES File Explorer Bihchianna < ah hian i inzir thei ang)
✆ Open Bible tih folder lo awm kha long press la, folder kha a in tick hunah Extract click la, Choose Path select in /sdcard/ tih a awm sa chuan ok la, a awm sa loh chuan type lut la, ok rawh. Tichuan kha folder kha Memory Card ah a in extract ang.
✆ 3 khi download in install la, Mizo Bible i nei a ni nghal mai! (Samsung leh device țhenkhatah chuan mobile file manager ațangin SD/Memory Card a OpenBibles folder kha internal/inbuilt/mobile memory a move a ngai țhin)

Mizo Bible hi i open hunah:
1. System Menu (Samsung hoah chuan press & hold a ngai țhin) ațang khan Menu hmet chhuak la, A pangngai/A chhâwng tih kha clic la, a chungah khan Mizo Bible select in a hnuaiah khan King James Version kha select rawh. Tichuan i setup zo a ni mai. Mizo tawng chiah lang tura i duh a nih chuan step ngai chiah khan A pangngai/A chhâwng button kha i click leh zeuh mai dawn nia. English nena lang kawp tura i duh leh hunah pawh chutiang zelin..

2. System Menu > More > Settings > A bu hming ziahna țawng ah khan Bible a bu hrang hrang inziah dan tur țawng (Matthew or Matthaia) i thlang thei ang.

3. System Menu > More > Zawnna ah khan lutin i thu zawn duh i type ang a, i zawn duhna select lehin Bible thu i zawng zung zung thei ang. Mahse i thu chhut luha word tin kha a zawn dawn avangin i chhut ang diak diaka zawn tir i duh chuan i thusawi angin i kual khung dawn nia. Entirna: "Nang malsawmna ni ang che"

4. System Menu > Downloads ațang khan Bible data țawng hrang hrangin i download thei ang.

5. System Menu > More > A bu hming ziahna țawng aj khan Bible chhunga bu hrang hrang (Matthew or Matthaia) te English leh Mizo ni lo țawng hrana lan tir i duh zawk chuan i download thei ang.

I hlawkpui ngei ka beisei.. Bible chhiar nuam le.. ^_^

No comments:

Post a Comment

Blog Follow hmasa lo chuan Comment hi a dah theih loh ang!!