Monday, 24 March 2014

Memory Card leh Pendrive virus hmangchang!

Pendrive leh Memory Card a data/file te hi virus in a tibuai fo thin a, shortcut anga a siam vak loh pawn a hide vek a, a virus clean hnu pawn a tha leh mai tawh hek lo. Mahse, buai duh suh, a hnuaia mi hi i apply thiam ve ve chuan i chingfel thei ve ve...

SHORTCUT VIRUS!
I pendrive/SdCard i vih lawrna lamah virus i kai a, i scan a i clean vek hnu ah i hawng a, shortcut thenkhat bak a lo awm ta si lo, a awm ho lah i hawng thei bawk si lova, i document pawimawh leh file pawimawh tak tak te an ni bawk si a, i buai em ni? A nih chuan hei hi lo try ve mah teh.. I clean vek hnu ah chiah apply tur aw..
1. I memory card emaw Pendrive emaw chu i computer nen connect rawh le. (Memory card hi card reader hmang lova usb cable hmanga i connect chuan MassStorage or USB Mode in i connect dawn nia, Suite mode ni lovin..)
2. My Computer ah lut la i memory card or pendrive label (D, E, F, G, H, I etc) kha chhin chhiah rawh.
3. Windows key (Left Cntrl leh Left Alt inkara mi) leh 'R' hmet kawp la, run lo popah khan CMD tih type in enter/run rawh.
4. CMD lo inhawngah khan 'attrib –r –a –s –h /s /d #:\*.*' tih hi a kara space awm in ang thlapin, inverted comma tel lo hian type la, # aiah i drive label chhinchiah kha i hmang dawn nia. For eg: attrib –r –a –s –h /s /d E:\*.*
5. I type zawh felah enter rawh le.
6. Nghak vang vang la, System information access denied error notice a lo lan hunah CMD kha close rawh.
7. My Computer atangin i pendrive or memory card va hawng la, shortcut file hrang hrang leh eng eng emaw nen i file, virus in a hide leh shortcut anga a siam ho zawng chu a lo awm ang a, i file duh ho zawng kha select la, copy la, i computer ah folder thar siam in paste rawh.
8. I memory card or pendrive kha format la, i format zawhah i computer chhunga i file copy luh kha i copy let leh keuh mai dawn nia.

UNHIDE VIRUS HIDDEN FILE!
I pendrive/SdCard i vih lawrna lamah virus i kai a, i scan a i clean vek hnu ah i hawng a, a memory hman zat ngai reng siin a chhungah file pakhat mah a lo lang si lova i buai em ni? A nih chuan hei hi lo try ve mah teh..
1. I memory card emaw Pendrive emaw chu i computer nen connect rawh le. (Memory card hi card reader hmang lova usb cable hmanga i connect chuan MassStorage or USB Mode in i connect dawn nia, Suite mode ni lovin..)
2. My Computer ah lut la i memory card or pendrive label (D, E, F, G, H, I etc) kha chhin chhiah rawh.
3. Windows key (Left Cntrl leh Left Alt inkara mi) leh 'R' hmet kawp la, run lo popah khan CMD tih type in enter/run rawh.
4. CMD lo inhawngah khan i label chhinchiah kha type la, a hnungah : hi chhutzawmin enter rawh. For eg: D:, E:, F:,G:, H:, I:
5. 'attrib -r -s -h *.* /s /d' tih hi a kara space awm ang thlap thlapin type la (inverted comma tel lovin) enter rawh.
6. Nghak vang vang la, System information access denied error notice a lo lan hunah CMD kha close rawh.
7. My Computer atangin i pendrive or memory card va hawng la, folder hming nei lo, file tih chhungah khan virus in i file a hide ho zawng chu a lo awm ang a, Cntrl leh 'A' hmet (Select all) la, copy la, i computer ah folder thar siam in paste rawh.
8. I memory card or pendrive kha format la, i format zawhah i computer chhunga i file copy luh kha i copy let leh keuh mai dawn nia.

I hlawkpui ngei beiseiin duhtawk leh phawt mai ang.. Blog min lo hlutpui vangin ka lawm e.. ^_^

2 comments:

  1. Ka tih ve dan:
    (Windows 7 ka hmang mek a)(Pendrive emaw kha chu kan vuah sa bawk a)
    My Computer>Organize (Top left corner)>Folder and search options>View>Single click on 'Show hidden files, folders and drives'>Unmark - 'Hide protected operation system files (Recommended)'.
    Ti hian virus ho hide chu a lo lang a, tichuan i sawi ang khan kan file duh zawng kha kan la chhuak a pendrive kha kan format a, chumi zawhah pendrive-ah chuan kan khung leh mai.
    Hei hi a awlsam zawkin midang paw'n an hriat hma zawk ka ring. :)

    ReplyDelete
  2. Hman zen zen anih loh vang hian hriat reng a har khawp mai a, hetia hmuh awlsam taka i chhawpchhuak hi a tha khawp mai

    ReplyDelete

Blog Follow hmasa lo chuan Comment hi a dah theih loh ang!!