PHONECOPY: S40 CONTACT CLOUD SYNC!

Hria tam tak leh hmang mek te pawh kan tam ang, a la hre lo te pualin, ka'n share ve hrim hrim ang e, a bangbo zawk te pualin..

Nokia java mobile an tih mai, Series/Symbian 40 emaw S40 ti a an sawi thin bawk hi i hmang a, i mobile ah Menu > Settings > Backup & Sync a awm a nih ngai chuan PhoneCopy chungah hian i lawm ve khawpin ka ring, i hmang tawh emaw, i hmang mek emaw, i hre ve chiah pawh ni se!

PhoneCopy hi contact online a backup tu service pakhat a ni a, Google Sync ang lo takin S40 ho tan pawh a backup theih mai bakah, a restore theih a, Nokia/Ovi Sync aiin hman a awlsam zawk bawk. Contact 500 thleng a free in an backup sak thei a, a aia tam erawh premium account lei te tan chiah a ni thung...

Mobile platform changkang zawk S60, Android, Windows, Blackberry, iOS etc tan chuan online a Contact sync na tur hi duhthlan theih a awm laiin S40 tan bik erawh a vang pharh lawi si a, ka rawn share ta mai a ni e.

Online a contact backup chuan mobile tih bo emaw tih chhiat pawhin a hnu ah mobile thara hman turin number a neih kir leh vek theih hi a thatna a ni a. Tin, platform changkang hmang ho tan pawh S40 la hman leh thut duh takin account neiha, sync ngei a finthlak viau mai thei.. He guide hi chu S40 tan bik chiah a ni thung..
A. ACCOUNT SIAM DAN:
PhoneCopy ah hian Registration i tih ve duh chuan i username tur, password tur leh i security email tur (hman lai mek, la access theih ngei) fill-up in a in register mai theih..

B. S40 SYNC SETTINGS GUIDE:
1. Settings siam dan: Menu » Settings » Configuration » Personal Configuration » Add new (settings dang siam sa i neih chuan Options a kal hmasak zeuh a ngai ang..) » Synchronisation ah khan lutin a hnuai a mi ang hian i fill up dawn nia..
- Account Name: I duh duh (Kei chuan kahriat pawlh lohna'n PhoneCopy Sync ka ti)
- Server Address: http://www.phonecopy.com/sync
- Username: I phonecopy username
- Password: I phonecopy password
- Contact Database: Address ah khan contacts ti tawp la, a hnuaia username leh password kha chu a ngai lo.
- Calender Database: Calender i sync tel duh chuan address ah khan calender ti tawp la, a hnuaia username leh password kha chu a ngai lo.
- Note Database: Note i sync tel duh a nih chuan address ah khan notes ti tawp la, a hnuaia username leh password kha chu a ngai lo.
- Back chhuak la, personal cofiguration i thlen hunah i phonecopy sync settings account hming a lo lang ang a, Options » Activate keuh la sync theih turin i set fel ta.

C. SYNCHRONISE DAN:
Chi hnihin a hnuai a mi ang hian i sync thei ang..
- Menu » Settings » Backup & sync » Data transfer » Server synchronisation a kalin i sync thei a.- Menu » Contacts » Sync all a kalin i sync thei bawk ang.

D. HRIAT TEL TUR:
1. Sync na tur hian internet hman a ngaihavangin net pack nei lo tan chuan chawi a ngai..
2. I sync zawh rualin PhoneCopy Website ah kalin i account thar ah khan lut la, a sync dan tur set fel nghal rawh.
3. I sync atanga darkar khat chhunga a sync zel dan tur i assign fel loh chuan i sync dawnah server in i mobile IMEI a lo zawt ang che a, i mobile battery phawiin ien loh paw'n *#06# dial in a lo lang ang a, kha number kha chhinchhiahin i pe mai dawn nia..

I hriatthiam ngei beisei chungin duh tawk leh phawt ang.. A dang chu i lo inzir hre thei tawh mai turah ngai ang.. Stay safe..