Android device lei thar tur te tan..

1. Battery: Android hi mobile operating system ah chuan power consumption sang tak a ni a. Application a nei țha hle lo phei selang chuan OS dangah kan tlansan duak ngei ang. Mahse he OS hian application a nei țha kher em maia, battery a heh em em chung pawhin nitin kan bawh ruih ruih zel chu a nih hi.. Android Mobile Battery chungchanga i hriat lawk țul țhenkhat te chu:

'mAh': Electrict Charge tehna unit atan hian Ampere-hour (Ah) hman a ni a. Mahse battery te chi hmang ho - mobile, camera etc, ah chuan chung chu a hman phak loh avangin hmun sangkhat ah țhen te lehin chu tehna unit hmingah chuan 'milliampere-hours' an ti ta a ni. Chuvangin 1000mAh leh 1Ah a intluk tihna a nih chu.. Tichuan, a awlsam zawngin, mAh chu electrict in charge khawl theih zat tam lam sawina ti ila a fiah mai awm e. Chu chuan mobile lei dawn a a battery mAh san zawng compare tawn vel țhatzia min tifiah mahna..

'mAh' sang apiangin a khawl tam kher lo em ni?: Tam tak chuan mAh san leh san loh hian battery in charge khawl tam leh tam lohah kori a tu lem lo niin an sawi fova, chu chuan inhnialna pawh a chawk chhuak tam khawp mai. Mahse, a nihna takah chuan mAh sang nafam chuan a khawl tam thei nge nge. Hetianga sawi fo țhin te hian an chhût tel loh fo chu mobile hrang hrang power consumption in an loh zia hi a ni. Tablet ho hian 3000mAh battery a hmang tlangpui a, kan android mobile leklam tam ber te hi chu 1300-2000mAh vel a ni tlangpui thung. Mahse heng mobile battery hian Tablet battery aia a daih rei zawk fe zel vangin tam takin 'mAh' san leh san loh hi engmah lo mai ah an ruat țhin. Mahse a screen inhlai hleih dan leh tablet screen kap eng tur ngawt pawha mobile screen kah enna power consumption let 2/3 hman a nih dan an chhut hmaih zawk a ni. Chuti a nih chuan application in ang rengah pawh tablet application ho chuan mobile aiin a let 2/3 in a heh zel dawn tihna a ni a. Battery tlo zawk thei a nih loh zia chu tichuan a chiang mai ang..

Chuvangin ka țhian, nang chu bumin awm ve suh. Android mobile i lei dawn reng rengin "Android ah wireless mobile a awm lo.." ti a fiamthua a battery heh zia leh charge a ngaih ngunzia an sawi hi hre reng la, 'mAh' sang apiang thlang hram hram ang che..

2. Processor: I mobile chak leh chak loh innghahna bulpui ber chu a processor chak leh chak loh a nih miau avangin dawr nghaktute fak apiang pawng lei pawp lovin a hre zawk te rawn chungin i neihin a tlin tawka țha Processor hmang hram hram rawh, i inchhir mawlh lovang.

3. RAM: I mobile lei tur chu i sum neihin a tlin tawk chinah pawh a RAM sang apiang thlang țhin ang che. Android developers te hi application upgrade lamah an țuan a țha em em a, version thar, size lian zawk leh RAM heh zawk an tichhuak chho mawlh mawlh zel si a, application thar zawkin ability a lo nei țha zawkin a lo chak zawk tlangpui zel bawk si a. I application hman apiang i update ve zel theihna'n battery 'mAh' sang i zawn piah lamah RAM sang apiang thlang țhin rawh.

4. STORAGE CAPACITY: A inbuilt memory leh SD Card zauh belh theih zat pawh a sang thei ang ber zel hman tum ang che. I Processor leh RAM pawh sang viau mahse, data store na tur space i neih tlem chuan harsat hrang hrang i tawh phah thei tih hi hre reng bawk la.. Tin, dawr ațangin i lei tur thlang lovin website hrang hranga expert review leh mobile compare na te bih kual hmasa la, i duh i thlan fel hunah dawrah i zawng zui chauh zawk dawn nia. Chinchang i hriat vak loh pawhin hre lo nih hreh suh la, a hre zawk te rawn chungin zaizap dapin thutlukna siam chauh ang che..