Android lei thar tir te tan

Android mobile i lei hlimah i lawm viau a, i khawih nghal chak viau a nih pawhin nghak hram hram la, in i thlenpui veleh switch off in full charge phawt ang che. Nakin zelah pawh, a theih hram chuan charge chungin khawih lo la. Plug/Switch spark ah leh thawlah charge lo hram rawh. I mobile battery a tlo zawk dawn si a.. Tin, charger i hmuh apiangin vit ve ngawt lo la, a default charger ngei hmang hram hram ang che..

I full charge hnu a i hriat ngei ngei tur thil chu contact save dan phung hi a ni.. I phone reset leh tih bo palhah i contact te a bo tel lohna'n a hnuaia guide hi uluk takin chhiar la, apply nghal rawh...

1. Android mobile i hman țan tirhin, Menu » Settings » Account & Sync » Add account ah kalin i gmail account, i access theih ngei hmangin login la, a log-in details kha theihnghilh ngai suh. Gmail i lo la neih loh pawhin siam thar hmasa ber rawh.

2. Contact i save dawn reng rengin Storage location ah 'Google/Gmail' kha thlang țhin ang che.

3. Gmail auto sync on la, i contact saved apiang background ah a lo in cloud backup zel ang a, mobile thar i hmang leh a nih pawhin i gmail ngai tho chuan step 1 khi apply leh la, i sync leh hunah (Menu » Settings » Account & Sync » Gmail » Contact press keuh kha) i contact saved sa zawng zawng kha a rawn sync lut leh vek mai ang.

4. Mobile i reset dawn reng rengin i reset hma in i contact hi palh thil thua bo palh a awm lohna atan sync hmasa phawt țhin ang che.

He method hi android nei reng chungin i lo la hmang ngai lo a nih phei chuan ANDROID SIM/MOBILE CONTACTS GOOGLE CONTACT A LAKLUH DAN AWLSAM! ah hian i tan tihdan awlsam tak guide a awm a. Guide a mi ang hi i device in a mil ve lo a nih palh hlauh chuan a mal mala copy in google contact ah save lut zel la, i mobile/sim memory a i lo save, google contact a i save thar apiang kha mobile/sim a mi zawk kha i delete zel mai dawn nia. A vaia i zawh fel veleh sync nghal ang che..

5. I țhian te fak apiang application install ve ngawt ngai suh la, a features kha i mamawh leh hman duh fo tur a nih leh nih loh chik hmasa țhin ang che.. Device memory lian vak lo hmang tan phei chuan hei hi zawm ngei ngei chi a ni..

6. Antivirus a hranpa in install buai duh lem suh.. Chu ai chuan Du Speed Booster hmang la, i scan duh chang pawn antivirus a ken tel mai bakah system in hnawk a siam te leh RAM eihektu te i clean thei ang a, i chhawr țangkai zawk ang..

7. System leh application settings hrang hrang check kual la, i duhthusam ang thlapin set nghal vek ang che..