Wednesday 19 November 2014

Android mobile i reset dawnin..

Eng thil vang pawhin i mobile reset dawn la, kawng a awm ngang lo a nih loh chuan a hnuaia step te hi apply hmasak tum ngei ngei ang che..

1. Menu » Settings » Accounts & Sync ah lutin i la mamawh tur zawng zawng sync leh phawt ang che. Tam takin battery saver leh task killer kan hmanga, heng hian battery save turin auto sync kha a lo block ve țhin a. Chuvangin fimkhur hmasak hi a fuh, contact leh thil dang dang hlauh teuh kan duh loh chuan..

2. I application install sa ho kha eng application hmang emaw berin back-up hmasa vek bawk ang che (Eg: ES File Explorer @ http://es-file-explorer.en.uptodown.com/android).

Tam takin hei hi nachang kan hre lo fova, reset zawhah download that leh vek an ngaih phah thin. An hun, net pack leh sum a hek phah mai mai. I backup vek chuan download leh vek ngai lovin a apk file (i backup sa) atang khan i reset zawhah net tha lo pawh nise i install nghal zung zung thei ang. (ES File Explorer khi install la, open la, a chung vei kil lama globe lem kha click in Tools » App Manager » Select all apps » Click backup in application i install ho i backup vek thei a, mahse i device a zirin backup app ho chu mobile or sd card ah a dah dawn a, i check ang a, backups folder chhunga apps folder chhungah a lo awm ang a, sd card ah i suan lut hmasa mai dawn nia..)

3. I reset hmain i battery level check ngei ang che. Reset ngei i ngai a, battery level a hniam viau chuan charge chungin reset ang che. Battery level check hmasa lova tawngpawng reset ve ngawt, nung hlei thei ta lo an awm nual a nia...

2 comments:

  1. hmanniah ka SMS ka lo backup hmasa lova bank atana SMS ka dawn ka tibo vek a a pawi duh khawp mai.

    ReplyDelete
  2. FreedomPop is Britian's only ABSOLUTELY FREE mobile phone provider.

    Voice, text & data plans always start at £0.00/month.

    ReplyDelete

Blog Follow hmasa lo chuan Comment hi a dah theih loh ang!!