Wednesday, 19 November 2014

Android Pattern Lock i tihbuai palhin..

Pattern/password tih lock vanga buai kan awm zeuh zeuh si a, a bangbo zawkte pualin tihian guide ka lo siam ve a. Device leh OS a in an vek loh avangin inmil lo palh a awm theih tho avangin 100% success ka tiam lem lo. Mahse ka tihsak tawh ho ah chuan a la thei zel hrih e..

I pattern/password risk nasat vanga i unlock dawnin, Method 1 hmanga i ti thei lo a nih a, Method 2 i hman dawn chuan warning hi chhiar chiang ang che.

Method 1: Google account hmangin
Miin i pattern lock an lo risk nasat vanga a in permanent lock tawh hnu pawh hian Device/OS țhenkhatah chuan Google Account hmanga unlock leh theih a ni a. I android device backup email atana i hman gmail kha a login details i la hrechiang a, i la access thei a nih chuan a hnuaia mi ang hian format ngai lovin i hawng thei ang.. Mahse hei erawh Device/OS zawng zawngah a theih vek loh niin a lang..

1. Vawi 5 a zawnin pattern risk leh la, a la dik loh vek chuan Message a lo pop-up ang. Duh thlan theih turin "Try again" leh "Next" option a rawn prompt ang.

2. "Next" button ah khan lo click la, option pahnih i nei ang - Security Question chhan dik leh google account a log-in.

3. Security question i lo set a, i la chhan theih dawn chuan Security Question option zawk kha click in i chhang ang a, i chhan dik chuan step 6 ah i kal ang!

4. Step 3 ah hian i chhang dik thei tawh lo a nih chuan Step 1& 2 ti țha leh la, Google Account a login na tur option zawk kha thlang rawh. (Security hre tawh lo tan chuan step 3 khi apply lovin login na zawk click mai tur). Tichuan "Next" click leh ang che.

5. I device a login na țhin Google account username (email) leh password barhin “sign in” ang che.

6. Step 3 zawhah (i chhan dik chuan) emaw step 5 zawhah (i sign in theih chuan) emaw pattern thar setna tur lo awmah khan pattern thar set la, i unlock thei ta!

WARNING: He guide hi problem nei, Method 1 hmanga recover thei tawh lo te tan bik chauh a ni a, i buai ve a nih loh chuan apply ve ngawt suh. Tin, i contact te Google Sync i hmang emaw, application hmanga i backup sa emaw a nih loh chuan a bo vek dawn a, i application install sa ho pawh a in clear vek dawn tih hria la, i mobile memory a erase vek dawn vangin i thil bo ah kei min dem dawn ai chuan apply lo mai rawh.. Hei hi chu option dang nei tawh lo te tan liau liau a ni e..

Method 2: Hard reset hmangin
Method 1 ah i hlawhchham emaw, i thei ve lo hrim hrim emaw a nih pawn lungngai suh, a hnuai ami ang hian option dang i la nei e..

1. I phone chu switch-off rawh.

2. A indawt dan ang hian press a hold zelin heng key:

- a) Up Volume Key

- b) Home/Menu/Middle Key (Device hran hranah a in ang lo nual a, i device mil ber chu test zelin i hre thei mai ang.)

- c) Power Button

te hi i phone a in boot țan hma chu i hmet (hold) char char dawn nia (Mobile țhenkhat ah chuan key 2 chiah a ngai țhin bawk, key 2 hmang ho chu volume up/down leh power button hmeh kawp a ni tlangpui).

3. I phone chu a in boot up ang a, i device a zirin codes mak deuh deuh pawh a rawn display mai thei, buai lovin lo nghak la, option dang a rawn lang mai ang.

4. Volume key hmangin “Restore Factory Defaults” tih emaw “Delete all User Data” tih emaw, a lo awm zawk zawk zawnah scroll thlain power button hmangin select rawh.

5. Step 4 i zawh tawh chuan scroll thlain “Reboot Phone” tih zawnah scroll thla in i select mai dawn nia. Device țhenkhatah chuan step 4 zawh rual hian option lo prompt in chu option chu lo "Yes" chuan a reboot nghal mai bawk..

6. I mobile a in startup hunah i gmail ngai khan login in password i set țha leh mai dawn nia..

I hlawkpui ngei beisei chungin duhtawk leh phawt mai ang..

Note: I lo him zawkna atan i google account (email) login details, security question & recovery option te hi vawng țha tlat la, i ngaihzawng takngial pawh hrilh ngai suh.. I ngaihzawng nen in ințhen hunah an lo fel viau loh chuan i buai phah erh thei a nia..

No comments:

Post a Comment

Blog Follow hmasa lo chuan Comment hi a dah theih loh ang!!