Tuesday, 26 January 2016

Mizo Bible: Latest Version

Sawihawnna: Mizo zingah Android User hi kan pung tual tuala, chutih rualin Android User zingah a hma a smartphone la hmang ngai lo leh bangbo ve tak tak pawh kan pung tual tual bawk a. Chung ho pawhin an hman thiam ngei tur Mizo Bible awm se țha a ka hriat vangin a hma a ka lo tih tawh țhin angin OpenBibles v6.3 ka khawih danglam leh a. A icon atan burger aiah Bible hmangin a hmingah pawh OpenBibles ni lovin Mizo Bible bawk ka hmang leh a. Tin, a chhunga thu leh guide te pawh Mizo țawngin a theih chin chu ka dah vek bawk a. Mahse IT lamah hian kan țhanharhna a la rei loh em avangin Mizo țawnga dah rem chiah lo te pawh a awm nual tho mai. Tun a mi hi ka vawi 3/4 vel khawih danglam ve na mah nise hei hi Version 1.0 angin ka pe țha a. OpenBibles update in feature thar a neih hunah emaw, OS thar lo chhuak support tur version a lo chhuah leh hunah emaw, kan la khawih danglam leh te a nih chuan chung hunah chuan version 2.0 te pawh kan la siam zel mahna. Update thar ka siam ve leh ta a nih pawhin he blog post hi edit in he post ah hian version thar ber ka dah zel tawh ang.

Tichuan a bangbo zawkte pawhin an mobile ah Bible an keu zung zung theih phah ngei ka beisei..

OpenBibles aia Mizo Bible țhat zawkna!?
1. Mizo țawng vek a buatsaih a nih vangin English amik amak hre lo tan pawh mahniin hman dan a zir hriat theih vek.
2. Menu hran tin tan deuhthaw (Download, Documents, Chhinchhiahsa, etc) kaihhruaina Mizo țawngin hmehchhuah mai theih turin a awm vek.
3. OpenBibles nen icon leh a hming tih loh chu engkim a in a vek tho avangin Mizo Bible Version thar data awm hunah pawh a update ve theih tho ang.
4. Google Play ah a awm ve dawn loh avangin update fo a ngai ve lo ang.

Install dan tur:
1. Mobile thar emaw, settings khawih danglam loha PlayStore ațang chauha application la install țhin tan chuan Mobile Menu > Settings > Security > Allow installation from unknown source kha tick hmasak a ngai ang. (PlayStore a awm lo/apk file a nih vangin)
2. OpenBibles emaw, a hma a ka tih danglam ho la hmang ngai lo tan chuan he application install hnu hian application ațangin emaw Bible data download leh a la ngai ang.
3. File download dawn reng rengin, Menu > Kaihhruaina kha chhiar hmasak zel a pawi lo khawp ang.

Bible data hi download thei ta lo ila?
Network muan vangin hei hi awm palh ve thei a ni a. Chutiang a awm palh chang pawhin browser ațanga download hi chu a theih ve leh mai țhin. Blog post hlui Mizo Bible for Android ah hian data download tur leh a tihdan i en thei ang. Mahse data i download dawn a nih pawhin a application kha chu download tel lo la, he post ami zawk hi i ring nghal dawn nia..

Ka coding belh a dik em ka hre duh a, khawi OS chinin nge he Mizo Bible v1.0, zanina khawrpum hi support ka hre duh sia..

Mizo Bible v1.0:
File Name: Mizo Bible_1.0
File Type: .apk
File Size: 248.7kb
Download: CLICK HERE

What's new in version 1.0!?
Mizo Bible Version 1.0 anga ka rawn dah tak, tuna version thar ber ah hi chuan:
- Device țhenkhat leh Android OS țhenkhat, OpenBibles leh a hma a ka tih danglam ho a menu button nei ve thei lo tan pawh application hian a chhawmsa tawh. Lollipop leh Marshmallow user tan chuan a lawmawm zual bik ngawtin ka ring..
- A layout tlemin a hma mi te aiin a zia tawh zawk.
- Application chhunga thu awm, a hma lama tihsual te siamțhat a ni. (Bible data erawh a ngai tho a la ni)
- A dang chu nangman lo zir chiang ve tawh mai rawh..

Mizo Bible v1.1:
File Name: Mizo Bible_1.1
File Type: .apk
File Size: 248.71kb
Download: CLICK HERE

What's new in version 1.1!?
Mizo Bible Version 1.0 anga ka rawn dah tak a dik lo zeuh zeuh siam țhat a ni:
- Bible chang long press a 'I copy tawh e' lo in ti nghal țhin chu 'I copy duh em?' tiin tih dik a ni
- Application chhunga thu awm dang te pawh, version hmasa lama tihsual te siamțhat a ni. (Bible data erawh a ngai tho a la ni)

I lo hlawkpui ngei beisei chungin i duhtawk leh phawt mai ang.. Bible chhiar nuam le...

4 comments:

  1. Ka lawm e...bible ka duh ang kaa hmu ta...Lalpan malsawm zel che u rawh se

    ReplyDelete
  2. Ka lawm e...bible ka duh ang kaa hmu ta...Lalpan malsawm zel che u rawh se

    ReplyDelete
  3. A lawmawm e... Rawtna pakhat... Bible data hi edit țhat theih ni se hawrawp dik lo tam lutuk hi.. chuan Holy Bible lehlin thar hi dah tel theih ni bawk se... a lawmawm ngawt ang..

    ReplyDelete

Blog Follow hmasa lo chuan Comment hi a dah theih loh ang!!