Tuesday 2 February 2016

ZoShare: Mizo android user tana chak taka thil inthawnna!

Mizo mipui nawlpui, harsatna hrang hrang vanga zirna lama dai thui lem lo te leh kum lama upa deuh te, IT lama bangbo chi ve hrim hrim te pawhin khawvel changkannain min nawr nasat em avangin SmartPhone hi kan hum ve ta fur hlawm a. Chung ho zinga a tam zawk mah chuan Android Device kan hmang tlangpui. Chuvangin Mizo Android user bangbo zawkte pual liau liau a hman tura ka buaipui ZoShare application chu ka zo fel ve ta a. Mi ngaiha thil hote mah nise, zirna leh thiamna nei hran lova inzir chawpa buaipui ka nih vangin ka buaipui rei ve hle mai a. Ka zo fel thei ta hi ka lawm a, thaw a veng deuh huai thei nia! Hetiang ti thei tura hriselna țha min petu Pathian hi a țha em a, hunawl min siamtu ka chhungte an fel em a, lawmthu sawina tur tam tak ka nei a ni. Ka tana malsawmna ni țhin te zawng zawng chungah lawmthu ka sawi e..

Engnge ZoShare chu!?
Wireless technology hmanga rang zawka file inthawn zung zungna tur a ni a. Mizo țawng vek a nih avangin nutling patling leh bangbo zawkte tan pawh hman thiam a har lo tura ngaih a ni..

Engnge ZoShare hamțhatna bik tur!?
1. SHAREit Mizo version ang deuha siam anih avangin ZoShare bakah SHAREit user te pawh a thawn theih ang.
2. Ultimate Version a nih avangin update dang a awm tawh dawn lova, lifetime validity a nei dawn a nih ber chu..

A nih SHAREit chu engnge ni!?
SHAREit hi platform hran hran (Android, Windows & Apple) te inhmanțawm theih chak zawka thil inthawnna application lar ber pawl a ni a. PlayStore lamah chuan tihian an insawi:
- Khawi hmun leh hunah pawh file inthawn zung zung theihna
- Bluetooth speed aia a let 200 a chak zawk
- USB leh internet a mamawh lo
- Android, iOS (iPhone/iPad), Windows Phone, Windows, leh Mac a la support zui.
- Ram 200 ațangin mi 400 Million chuangin an hmang tawh
- Ram 15 ațang a Google Play app download tu tam ber ni thei hial a ni!

ZoShare features țhenkhat
► SHAREit android application tih theih chu a ti ve thei deuh vek..
► Service provider lam network a mamawh lo
► File inthawnna chak ber
► Mizo file inthawnna application hmasa ber (hriat theih chinah)
► I mobile ami chu i thawn thei deuh vek
► A awlsamin a chak uchuak hle
ZoCom: Computer nena file inpek tawnnan, usb port hman ngai lovin.. Presentation ah pawh PPT Control nan a la hman theih zui..
ZoClone: Mobile hlui ațanga a thara contacts, SMS messages, MMS messages, music, videos, apps leh data  dang suan luh zung zungna atan.. (Game pawh level ngaiah a khelh theih dawn tihna a nih chu)

App Name: ZoShare
App Version: Ultimate
File Type: .apk
File Name: ZoShare_Ultimate.apk
File Size: 5.38mb
Download: CLICK HERE TO DOWNLOAD

Theih tawpin uluk ve mah ila, a thu nena inrem zat lo emaw, fuh tawk lo emaw awm palh thei a ni a, mahse theih tawp chuan ka uluk ve a nia.. Dik lo palh a awm chuan min lo hrilh zel thei ula ka lawm hle ang..

Bangbo zawkte tan, nang malsawmna ni ang che.. ✌😇

21 comments:

  1. Ti țha țhin khawp mai....alawmawm țhin e...

    ReplyDelete
  2. Thluak fing zar kan zo leh ta. Dam reng rawh

    ReplyDelete
  3. Application wmsa edit ge a hranpa liau2 asiam chhuah?

    ReplyDelete
  4. I thawk ropui e. Mi thiam te zar kan zo leh dawn a ni hi..

    ReplyDelete
  5. Ka la download ve miah lo a a that kan hmag ve dwn chin a ge

    ReplyDelete
  6. Amah Muankima khawlhring hia ka ngaisang hrim2 a..ka a/c chhia k mangag em2 a,amah ngei hian min siamsak a,egemaw tak thil thadeuh hi a siamchhuah ka ring hrim2.ka chhuang ltk che

    ReplyDelete
  7. Kahriatrukte.blogspot. com anih lai atang Khan I site Hi kalo tlawh fova tlawh a manhla thei khawp mai..I chhuan awm hle mai

    ReplyDelete
  8. Down load na ka van hmu mai lo ve aw

    ReplyDelete
  9. engtin nge ppt kan control dan tur chu le

    ReplyDelete
  10. share it kha i edit tih na nimaw... i original ani nage.??

    ReplyDelete
  11. A ropui hle mai.I thawhrimna hi mi dang tan malsawmna a ni zel dâwn.

    ReplyDelete
  12. Hetiang this tangkai tichhuaktu hi I fakawm la to khawp mai. This that hi hmuchhuak zel the u. Ka lawn e

    ReplyDelete
  13. zoshare emaw shareit hmang lo te kan file vel kan thawn ve thei tho em

    ReplyDelete

Blog Follow hmasa lo chuan Comment hi a dah theih loh ang!!