Tuesday, 1 March 2016

Bumble Bee™ - TTPod Mizo Version

Bumble Bee™ hi Mizo mipui, a bikin SmartPhone man tlawm hmang, RAM leh Storage nei lian lem lo te leh Pro Version Player lei thei ve lo te tana ka duan ve a ni a. Keima siam ni lovin TTPod Version 3.0.0 ka edit (Modded) a ni. Lo hmanga lo chhawr țangkai duh kan awm takin tihian ka dah ang a, error lo awm palh a awm a, ka fix leh te a nih pawhin he page ah hian a thar zel pawh post hlui edit a dah luh belh zel ka lo tum ang. Mahse Bumble Bee™ hi install chuan version 81.2.8.1 a ni nghal dawrh tih kan hre mai ang a. Kan la sawifiah chho zel ang. Mizo țawng ngeia Android Music Player hmasa ber a ni em tih hre lo mah ila, a hmasa pawl chu a ni ngeiin ka ring..

Engnge TTPod chu!?
TTPod hi Chinese mobile application a ni a, a hmang țhangte chuan Player dang aia an thlan fo a ni. A buaithlakna tak erawh Official in English version an tichhuak tawh lo niin a lang a, chuvangin mi tam zawk hian kan hmelhriat lo mai mai niin a lang. Android Developer ho pawn XDA Forum velah English Version a an tihdanglam an post hmuh tur a awm fo a, hei hian sawizui ngai vak lovin android music player theuneu lo tak a nihzia a tilang chiang sa mai awm e. He post ziah lai thleng hi chuan he TTPod Android Player ah hian version 8.3 vel thleng a awm a, chu chu 15mb vel a lian a ni.

Tinge Bumble Bee™ kher kher!?
XDA Developer lama TTPod English version chhawpchhuaktu te hi chuan TTPod English Version angin an phochhuak mai țhin a. Mahse Mizo zingah version dang lo la mod ve an awm pawhin keima duan bik hi a hriat hran theihnan hming pek țha in ka hre ta a. Tichuan, mi pakhat, ka tana mi bik tak mai hminglem atana ka hman hming chawiin Bumble Bee™ tih hi ka hmang ta a ni.

Player hi ka hmang lawr kual ve viau a, ka rilru leh hman thiam dan nen TTPod hi a inrem ber avang leh music file manage a awlsam em avangin version hrang hrang hi ka chhin kual țhin a. Version 2.8.1 kha ka duh ber țhin a ni a, chekhnawk a awm lova, a size a tein a zang a, in load țuih țuih ang chi a awm ngai loh avangin thil dang ka melh kual zui ta lo. Mahse Mobile ka thlak a, ka mobile OS in a support tak si lovah chuan TTPod Player version ka hmuh theih zawng zawng ka download vek a. Version 2.8.1 anga size lian lo, sound țha leh chekhnawk tam lo ber, mobile OS sang zawkte pawhin a support si ka zawng kual ngar ngar hnuin version 3.0.0 hi a fuh berin ka hre ta a. Mahse English Version a mod hmuh tur an awm si loh avang leh ka hman duh tho si avangin he version, Chinese hlira inziak hi ka hman tura tihdanglam ka tum ta a. Chutia thla 8 dawn mai ka survey kual chhung chuan mi bik tak ka tawng ta a.. Chumi hming chawi chuan, ka tan mai ni lo, Mizo mipui mawlmang zawkte mai bakah SmartPhone man tlawm RAM leh Storage nei te deuh te pawn rimawi mawi zawka an ngaihthlak ve theihna a nih beisei chungin he application hi English ni lova Mizo țawnga dah ka rilruk ta a ni. English hian dah ila a awlsam zawkin khawvel huapa thehdarh a awl zawk dawn tih hre mah ila, a bangbo zawkte tan fiah tawk lo la tam thei a ni si a tiin Mizo țawng ngeia dah chu ka tum ta a. Inzirchawp zelin kar thum vel chhung chuan hei ka zo ve ta mai a nih hi! Pathian hi chu a țha teh e..

Sawikawp zel a buaithlak si a Bumble Bee™ ti hlirin ka sawi zui tawh mai ang e aw..

Features:
💁 Shake Shuffle: Settings ah hei hi i on a nih chuan thing zeuhin i hla play lai i next in i previous thei ang

💁 Sleep Mode: In awih mut tir turin i mobile i play a nih pawhin Sleep Mode ah khan i muthilh hun tura i rin zat ang kha a minute in set mai la, zankhua a zai lovin i set ang hunah khan a lo in off mai ang.

💁 Remote Control: Hei hi i on a nih chuan i earphone ațangin i next/pause/play/previous thei ang.

💁 Equalizer: Khawvel pum huapa TTPod in duh rawn a hlawhna chhan ber pakhat a ni a, he features hi Bumble Bee™ lo pian chhuah nachhan ber pawh a ni.

💁 Skin: Bumble Bee™ ah hian inbult skin 2 a awm sa a. I duh khawp lo a nih chuan he features title (skin) khi click la, skin pack i download nghal ang a. Kha kha ES File explorer or file extractor dang hmanga extract in TTPod folder chhungah khan skin tia folder siamin a chhungah i dah khawm dawn nia.. I la duh khawp loh cheuh chuan lo google tawh mai rawh..

💁 Mini-Lyrics: A features ken tel zinga fak tlak loh ber a ni hei hi chu.. TTPod lyrics server hi a update țha lovin download turin net chak a ngai hle mai a. MusicMatch chu a lyrics bikah hi chuan tluk lo han han tak a ni.. Mahse awm lo ai chuan a zia reng reng e..

Engnge duhthu a sam lohna!?
Ka duhthu a sam lohna ber chu music auto detect a ni lo hi a ni. Music (mp3, wav etc) download in playlist a dah lut tur chuan scan țhat leh ziah a ngai a. Hei hi ka sawisel na ber a ni. Mahse chutih rual chuan playlist fel fai taka enkawl a awlsam thung. Entirna atan Music folder siamin chutah chuan hla zawng zawng ka khung khawm a. Ka scan dawnah Scan All lovin Folder option ah lutin Music folder chu ka select a, ka scan a, tichuan WhatsApp audio a voicenote etc tel lovin ka music play duh ho zawng chiah a detect a, play all ațanga play pawn player dang țhenkhat ang lovin voicenote leh tones ho tel lovin a play theih thung. Mahse hla thar neih apianga music folder a dah luha scan țhat ziah a ngaih avangin taihmak erawh a ngai deuh..‪ Chumi aimaha fuh lo chu a mini lyrics ken hi a ni. Hmang turin net chak țha a ngai lutuk a, duhthusamin an lyrics a la update lo zui bawk si.. A dangah chuan sawiselna vak pawh ka nei lo e..

Userguide:
I hawn tirha Music Scan tura lo kal kha cancel phawt la, Folder te tein or Folder pakhata i music file dahkhawm hmasain scan keuh rawh. Music i scan zawh chuan a hnuaia ami ang hian category a lo insiam ang, hetiangin:

1. Playlists: Hei hi i hla ho zing ațanga nangman playlist i siam chawp leh a nih chuan chutiang ho awmkhawmna tur chu a ni. Entirnan playlist kha Lengzem, Lenglawng leh Fak Hla angin siam ta la, chung 3 chu a lo lang ang.

2. Hla zawng²: Hei hi all songs tihna a ni a, i hla scan zinga tel zawng zawng awm khawmna a ni thung.

3. Folder te: Music folder ka siam chhungah hian Mizo - Gospel, Mizo - Lovesong, English - Gospel, English - Lovesong etc angin folder hrangin hla ho hika thliar leh vek a. Chutiang ho chu folder ang te tea a detect tho avangin Folder option ațang hian hla ka play tam ber zaw mah..

4. A satu te: MP3 file info (tag) a artist hming ang khan category a lo insiam leh bawk a, hei erawh hla țhenkhat info mumal lo a awm țhin avangin a reliable lutuk lo. Mahse player ațang vek hian info hi edit a tih dik theih a ni tho.

5. Album: Hei pawh a chunga mi ang tho info a album hming ațanga lo inthliarna a ni. Entirnan artist tam tak chuan album 10 chuang te an lo release ta a, an album mal mal anga play theih turin a lo inthliar dawn tihna a ni. Mahse kan hla neih zinga info mumal lo a awm fo vangin a reliable lutuk lo va, reliable tura duh chuan info chiang lo ho edit vek a ngai tihna a nih chu.

6. Genre: Hei pawh Info a hla genre indah dan anga hla category hrana lo thliartu a ni a, hla info chiang lo ah chuan a rintlak bik chuang loh. A chunga mi 2 ang tho khi a ni deuh mai..

7. Ngaihlut: Hei hi chu i duh zual leh play ngun ho deuh apiang lo lanna hmun tur a ni.

8. Dah thar: Hei chu i add hnuhnung (i hla dah luh thar) apiang emaw, i play hnuhnun apiang lo lanna hmun tur.

Heng zawng zawng hi i chhiar hnuah Bumble Bee™ hi i hmang ve chhin chak a nih chuan a hnuai ațang hian i lo download ve mai dawn nia..

App Name: Bumble Bee™
Version: 81.2.8.1
File Type: .apk
File Size: 4.06mb
Download: CLICK HERE

Skin i la duh belh takin a hnuaia hi ka lo dah leh hrim hrim e. A features ami download dan khi i man fuh loh takin..
Skin: DOWNLOAD HERE

#PS:  Modded app a nih vangin TTPod Chinese Version a i update daih lohna turin a version khi tih san luih a ni.

I lo hman țangkaia i lo hlawkpui a i lo hlimpui ngei ka beisei..

4 comments:

  1. K han download ve chhin ange. Ti thra khawp mai...

    ReplyDelete
  2. Samsung Galaxy J1 Ace. A lyrics pakhat mah download theih a neilo.

    ReplyDelete
  3. ka download theilo afail zel k chu heiham

    ReplyDelete
  4. BlueHost is ultimately one of the best website hosting provider with plans for all of your hosting needs.

    ReplyDelete

Blog Follow hmasa lo chuan Comment hi a dah theih loh ang!!