Stubborn Trojan Killer hi!

Page post lamah Ghost Push chungchang kan sawi nual tawh bawk a (Ref: Ghost Push bihchianna), Ghost Push Cleaner hmasa ber - Stubborn Trojan Killer (STK) hi i han belchiang dawn teh ang..

STK hi Clean Master leh CM Security ten an detect theih vangin (Antivirus dang, detect thei a awm lo tihna lam ni lovin) CM Security Research Lab chuan Survey neiin khawvel pumah android hmangtu mi 6,00,000+ in nikhat chhungin an kai belh zel niin an chhut a. Chuvangin he Ghost Push paihna tur bik hi Project neiin Stubborn Trojan Killer Android Application hi an lo siam chhuak ta a ni. Ghost Push thenfaina tura Android app hmasa ber nia sawi te pawh a awm.

A version hmasa ber kha chuan then theih loh a ngah khawp mai a. A hmain Developers Forum lamah rawn fak vaktu pakhat a awm vangin ka hmang chhin a, ka mobile siamsak tur zinga pakhat mah a clean theih loh vangin ka uninstall leh daih a. Mahse chutiang case deuh chiah chiah chu tunah chuan a clean thei ta tlat! Hei hi a chhan ni a ka rin chu he app user tu pawn a mobile scan ni se, a detect theih ho a clean piah lamah a mobile a rinhlelhawm ho zawng an lab lama exam tura a thawn nghal zel vang hi a nih hmel. Laboratory lamah lo zirchiangin Ghost Push ho zinga mi, an la detect theih loh leh clean theih loh chu clean theih dan leh detect theih dan an zawng zel niin a lang. An remhre khawp mai..

Ghost Push chu engvanga hlauhawm em em bik nge a nih?
Tunhmaa android adware kan lo hmelhriat ve ho ang mai mai kha he thil hi a ni tlat lo.. Khang ho kha chuan ads an pop-up tir a, mobile te an timuangin data an tihek ve tho nachungin amah ber kha uninstall chuan a reh mai zel a. Mahse Ghost Push ve thung hi chuan root script keng nghalin Default App (Company lamin mobile a an dahsa) ang deuhin system ah a install a. Severe Case ho ah phei chuan System app aia permission khirh zawkin a indah nghal daih țhin. System app te hi chu root user tan chuan a uninstall mai theih a, mahse chutiang anga permission strict khirh uchuak taka a in set vaih chuan root user tan pawh paih theih a ni lova, hard reset chu sawi loh flash pangngai anga flash pawh khan a dik thei tawh chuang lo a. Hemi chinfel tura flash dan bikte hi a awm a, chu erawh mobile siam a dawr hawng tam zawk hian an la hre fu lo niin a lang!

Tichuan virus chidang a rukin a lo install belh zel a, mobile data a eihek phawt a. Virus a install ten hna an lo thawh țan ve hnu phei chuan mobile muang, tang vung vung leh error dang (unfortunately stop ang chi kha) a lo pung tual tual a. Thih pawh a thihpui tawp thei hial bawk! Premium number ah te SMS a lo thawn thei a, kan mobile ațanga kan information a hmuh theih zawng zawng a ru chhuak bawk niin an sawi a. Android device administrator amahin a deactivate thei a, chu chu a lo ti hman a nih phei chuan duhtawkin kan mobile a suasam tawh mai țhin a ni. Mi tam takin an mobile an hluihlawn phah hial tawh niin an sawi bawk. (Android virus/trojan hluar thar Ghost Push chungchang kimchang zawka hre duh tan 👉 Click Here)

A siamtu lam sawi dan chuan!?
CM Security lam inchhal dan chuan Stubborn Trojan Killer hi stubborn trojan do let tura khawvela app/tools hmasa ber a ni a. Hemi hmang hian Ghost Push ho hi a tam zawk a clean theih a ni. Sawi tawh ang khan a țhen chu system țanga paih theih a neih rualin paih theih loh pawh a nei ve tho a. Mahse a paih theih loh ho pawh a natna hrik bera kha hna thawk thei lo turin a hnungkhirh thei deuh vek.. Theih loh a nei a nih pawhin a user te data submit ațanga experiment lo nei zelin engtik niah emaw chuan System ațanga trojan paih theih loh a neih loh hun pawh a a awm hial mai thei! Tun dinhmunah pawh hian security app zinga system luhchilh tawh trojan clean theitu awmchhun niin an inchhal bawk..

Stubborn Trojan Killer hi:
☆ CM Security, Android antivirus siamchhuaktute siam a ni a.
☆ Hmang turin mobile root phawt a ngai a (system a install ho a clean theihnan root permission pek a ngai ang. Root lo tan pawh install theih tho mahse a full feature a hmang thei lo ang). Root awmzia i hre lo emaw, i root thiam lo emaw a nih chuan 👉 Rooting hi!? tih post ah hian Mizo țawnga guide a awm a, a pui thei chein a rinawm.
☆ Internet connection i neih a ngai a, hei erawh Mobile Data on keuh kha a ni mai. App rinhlelh ho info a submit a ngaih dawn avangin data on lo chuan install mah la i scan thei lovang.
☆ Facebook lamah pawh Stubborn Trojan Killer Help Group an nei nghe nghe..

What's New!?
1. A clean theih a tam sawt a
2. System luhchilh tawh pawh paih theih a ngah sawt a
3. Bugfix

Install duh tan!?
Install: Click here to install from Playstore
Updated: March 7, 2016
Size: 2.3M
Installs: 1,000,000 - 5,000,000
Current Version: 1.0.2
Requires Android: 2.3 and up
Offered By: Cheetah Mobile

Mizo țawnga guide dang i mamawh thut theih te:
- AdWare chungchang
- Pattern Lock tibuai palh te tan

I lo kai tawh anih chuan lo chhin ve mah teh, a clean vek thei lo anih pawhin uninstall lovin kar/thla 1 hnu dangah scan leh țhin la, an virus definition an update hunah emaw an application an update hnuah emaw chuan a clean thei mial mai thei a nia..

I clean theih hlauh chuan flash tirna man i save thei dawn si a..

In țhian,
- Muankima Khawlhring