Monday, 29 May 2017

Mi Device Bootloader unlock permission dil dan hmangchang!

Xiaomi Redmi Device hi security an uluk em avangin bootloader an lock thlap a. Chuvangin root duh tan chuan bootloader hi unlock a ngai țhin. Unlock permission dil hmu hleithei lo kan awm zeuh zeuh avangin unlock phalna kan hmuh hma zawk theihna a nih mial beiseiin Xiaomi Redmi Bootloader unlock permission dil dan hmangchang hi ka share phawt ang a, phur tâk viau leh kan la chhunzawm zel dawn nia.. 😎

Mahse, bootloader unlock leh root vel hi chu tihsual palh awm thei a nih avangin expert tan lo chuan tawngpawng risk chi pawh a ni chiah lo. Chuvangin gadget geek tak i nih lem loh chuan a thiam pan zawk mai la a him zawk mai thei..

Unlock permission i dil ve duh tak tak a nih chuan a hnuaia guide hi i lo apply ve mai dawn nia..

1. Mi Bootloader Unlock Page ah lut la

2. “Unlock Now” button ah khan click rawh

3. Chinese in mi millet login page a lo lang ang a, scroll chhuk la English kha select la, i Mi Account ah log-in rawh.

4. Permission dilna page a lo lang ang a, khatah khan:
a) I Mi Account Username (hming) chhu la
b) +91 (India) select la
c) I Mi account hawnna number kha chhu la
d) I request text body ah khan a hnuaia mi hi copy paste tawp rawh:
我的手机是砖砌在启动循环模式。请批准我的请求开锁。
e) Click the "Apply Now" tih zawna box kha check/tick la
f) "Apply Immediately" button kha i click dawn nia.

5. SMS Vetification Page a lo in hawng ang a, SMS a OTP i dawn veleh copy in text box ah khan i paste dawn nia.

6. Tichuan, Button hring, a veilam ami zawk kha click la, net a chak chuan i application theh luh a nih thu a lo lang ang.

7. A bak chu SMS a unlock permission pek i nih thu lo nghah a ni tawh mai..

A lo thlen hunah chuan i unlock thei tawh ang a, i unlock theih tawh chuan i duh leh i root thei tawh ang..

Heng hmangchang i hnena rawn thlentu Muankima Khawlhring hi i lo like ve ngei dawn nia..

Tlai hun hman nuam vek u.. 😍😘

2 comments:

  1. otp ka past a next button k click hian
    Message from www.miui.com tih hnuai ah hyn chinese tong a thil in ziak om leh a hnuai a click tur i know tih bak a lang thy lo a tok toh tih na mi.

    ReplyDelete

Blog Follow hmasa lo chuan Comment hi a dah theih loh ang!!