SBI ATM PIN siam/thlak dan..

Tunlaiin SBI lamin ATM Card chhuak hmasa ho ti tawp tura a thar a thawnchhuah tak chur churah chuan, a hre lo leh bangbo zawk te tan ziah ve hrim hrim hi a ṭhain ka hria.. Bangbo deuh tan pawha hriatthiam theih tur ang berin, ka sawi mawlmang theih ang berin kan ziak ve chhin ang e..

A hmasain ATM PIN siam hian One Time Password an tih mai, a thlakna tur PIN/Code neih a ngai a. Chu code chu PIN la nei lo tan chuan siam (generate) ngei a ngai a, ATM/thlak tur leh nei thar tur zawng zawng tana tih tur hmasa a ni. Chumi chu kawng hrang hrangin siam theih a ni a, a siam dan kawng hrang hrang i sawi hmasa ta phawt ila:

ATM OTP GENERATE
1) ATM aṭangin:
a) ATM ah kalin i Card thar kha barh la, PIN Generation kha thlang la, i Bank Account No (Digit 11) leh i bank account a i mobile number register tel (10 Digit) kha chhu lutin i confirm ang.
b) I mobile ah OTP a lo thleng ang a, chumi hmang chuan ni 2 ral hmain post mawng lama ATM PIN siam/thlak dan tih ang khuan i PIN tur i siam mai dawn nia.

2) SMS hmangin:
a) 567676 ah PIN CCCC AAAA (CCCC aiah i card number tawp digit 4 hmangin, AAAA aiah i Account No tawp digit 4 i hmang ang) tih hi i bank account a i register tel mobile number aṭang khan thawn ang che.
b) I mobile ah OTP a lo thleng ang a, chumi hmang chuan ni 2 ral hmain post mawng lama ATM PIN siam/thlak dan tih ang khuan i PIN tur i siam mai dawn nia.

4) IVRS hmangin:
a) Bank Contact Centre - 18004253800/1800112211/08026599990 khawi emaw ber hi i bank account a i register tel number hmang khan call rawh.
b) I card number (digit 19 niin ka hria) leh i Account number (digit 11) enter la, i mobile ah OTP i dawng ang.
c) I mobile ah OTP a lo thleng ang a, chumi hmang chuan ni 2 ral hmain post mawng lama ATM PIN siam/thlak dan tih ang khuan i PIN tur i siam mai dawn nia.

4) Internet Banking hmangin:
a) SBI Official Banking Site ah i i-Banking account khan log-in la
b) Services > ATM Card Services > ATM PIN Generation ah kal la, i mobile ah OTP dawng turin emaw Profile Password hmanga phalna pe turin i ti thei ang.
c) I Debit Card chu khawi Account Number ami tur nge i thlang ang a, khawi Debit Card PIN nge i siam duh i thlang leh ang.
d) I PIN tur digit hmasa 2 tur i duhdanin enter la, a tawp lam digit hnih chu i mobile ah a lo thleng ang.
e) I mobile ah a tawp lam digit 2 a lo thlen hunah i type luh sa digit nen khan chhutzawm la, confirm rawh. Tichuan nangma thlan digit 2 + mobile a lo thleng digit 2 (2+2=4) kha i PIN thar tur a ni ang.

Heta ṭanga chiang ta chu OTP siam (Generate) tura bank account a kan register tel number pawimawhna kha a ni. Nakin zelah pawh kan tan kan security a nih tel zel tawh avangin kan lo tibo emaw ti thi emaw a nih pawhin a ranglama a ngai lakchhuah leh emaw bank a kal a kan number thar va update vat emaw kha kan sahimna tur a ni tih hi sawi nawn fo ngai lovin i chiang tlat ang u khai..

ATM PIN SIAM/THLAK DAN
Card thar i lachhuak emaw i dawng emaw, tih nun a ngai tawh a, a chunga Method 1-3 khawi emaw ber hmang khian OTP i generate tawh a nih chuan emaw i Card hmanlai PIN i thlak duh a nih chuan a hnuai ami ang hian ATM PIN i siam/thlak thei ang.
1. ATM Booth ah kalin i Card chu swipe la
2. Banking select in English select leh la, PIN siam tur i nih chuan i OTP dawn ami kha chhu lutin PIN nei sa, thlak tur i nih thung chuan i PIN hlui kha i chhu lut dawn nia.
3. Change PIN ah khan lut la, Enter New PIN ah kha i PIN thar tur digit 4 chhu lut la (chhinchhiah tlat ang che), a dawtah khan i PIN thar confirm turin chhu lut nawn leh la, confirm ang che.
4. Tichuan tuna i chhut luh zawh tak chiah digit 4 kha i PIN thar chu a ni mai..

Mi tu emaw talin a lo ṭangkaipui ngei beiseiin duhtawk leh phawt mai ang..

- Muankima

SBI Account leh Aadhaar Card link dan

SBI Account tinah Aadhaar Card link a ngai ta zel a. Hei hi kan tana security țhat zâwkna tur ni mahse bank lam thawktute hun tawt lutuk nen mipui lam tan buaina tham a ni ve reng thei a. Chuvangin bangbo zawkte tan a tih theih dan kawng hrang hrang an ziah chi li/nga te hi Mizo țawngin kan chhawp ve reng reng ang e. Mahse kei chuan Anywhere App hmanga ka link avangin option dang hi pakhat mah ka test lem lova, internet lam ami Mizo țawngin ka chhawp ve mai a ni tih erawh min hriatsak dawn nia..

SMS HMANGIN:
Account zawng zawng deuh thawah hian Mobile number kan register tel miau avangin hei hi mi zawng zawng tana applicable ber a ni hial ang a. A tihdan tur chu:
1. 567676 ah UID (space) Aadhaar number (space) Account number i thawn ang. (Eg: UID YYY ZZZ, where YYY = Aadhaar No., ZZZ = Bank Account No.)
2. I SMS thawnna mobile number kha la register loh a ni emaw, i SBI Account ah Aadhaar link tawh emaw a nih chuan SMS in an rawn hrilh ang che.
3. I mobile number chu i account ah i register tel a nih chuan SMS in Aadhaar leh i account link i dil thu an rawn hrilh ang che.

ATM HMANGIN:
SMS hmanga kan link fu hlei thei lo palh hlauh a nih pawhin ATM ah awlsam taka link theih a la ni cheu! Tunlai SBI Account chuan ATM Facility hi a ken nghal deuh zel tawh avangin hei pawh mi zawng zawng deuhthawin an tih theih tur thil bawk a ni a. A hnuai ami ang hian lo try ve mah teh:
1. ATM ah kal la, i ATM Card kha swipe in i PIN Code barh rawh.
2. Option lo langah khan 'Service - Registrations' Menu kha thlang rawh.
3. 'Aadhaar Registration' option kha i thlang leh ang.
4. I Account type (Savings/Checking) thlan a lo ngai ang a, i thlan zawhah Aadhaar number enter na tur lo awmah khan enter rawh
5. I proceed hunah Aadhaar Number enter nawnna tur a lo lang ang a, enter nawn lehin proceed leh la i zo der.

ONLINE BANKING HMANGIN:
Mi țhenkhat chuan Internet Banking Facility an nei a, chung mite tan pawh chuan Bank a kal lova link theih tho a ni. Chutih rualin online banking service hi miin an hmanna a in ang lem lova, a țhen chuan web browser ațangin an hmang a, a țhen chuan an mobile ah SBI Anywhere (SBI Official) app hmangin an khawih țhin thung. Chuvangin A leh B ah țhenin i sawifiah dawn chhin teh ang.

A. Browser hmangin:
1. SBI Online Site ah log in la
2. I screen veilama 'My Accounts' hnuaia 'Link your Aadhaar number' kha click rawh.
3. Tichuan i Account number thlanna turah khan thlang la, Aadhaar number chhutna tur lo langah khan i Aadhaar number i chhu lut dawn nia.
4. Submit button kha click la i zo der

B. SBI Anywhere hmangin:
1. SBI Anywhere app kha hawngin login la
2. Request tab kha hawng la
3. Aadhaar option kha thlang la
4. Aadhaar Seeding ah khan lut rawh
5. I Account select la
6. I 12 digit Aadhaar Number kha a hnuai pahnih ah khan fill-up la
7. I fill-up zawhah Confirm click la
8. Sual a awm loh chuan Confirm click nawn leh rawh
9. Tichuan i registered number ah khan SMS a lo thleng ang a, tah khan OTP an lo thawn ang che. (I mobile OS a zirin OTP hi copy a ngai mai thei a, OS sang hovah chuan SMS lo thlen rualin auto in a rawn in fill-up ang)
10. Fill-up chawp a ngaih chuan i SMS lo thlenga OTP kha copy in Anywhere app a paste na tur lai ah khan paste ang che. (Mobile tam zawk ah chuan SMS kha hawn kher ngai lovin notification bar ah khan OTP a lang nghal ang a, khami en khan i type lut thei bawk.)
11. Ok/Confirm i click leh ang a, i zo der.

SBI BRANCH A KALIN:
Heng zawng zawng hi i thei ve lo fai vek a nih chuan SBI Branch ah nangmah ngei i kal a ngai dawn a, a kalhmang i bo lohna atan hei aw kaihhruaina tlem:
1. Aadhaar Xerox nen SBI Branch ah kal la
2. Aadhaar link dilna lehkha lachhuakin i fill-up ang a, Aadhaar Xerox nen thehluhna tur an hrilh ah che khan i submit leh ang.
3. Tikhan i zo der a, a dik leh dik loh SMS a an hrilh hun che lo nghak turin i haw san thei..

Mahse, Aadhaar fel tawk lo emaw, eng emaw thilah Bank emaw UIDAI lamin an verify lo palh thei a, a eng method ber pawh khi hmang la, i Aadhaar number chu Bank leh UIDAI lamin an verified hun hunah a in link nghal tawh ang.

An verify thei lo a nih chuan SMS in an rawn hrilh leh che ang a, i Aadhaar Number emaw e-aadhaar emaw nena SBI Branch pan mai turin an rawn hrilh ang che. Chuti a nih chuan a dik lo lai tidik tura i buaipui kual ve deuh erawh a ngai dawn tih hre tel ta la..

PAN CARD NENA LINK DAN I HRIAT DUH CHUAN 💁 Hei hi click rawh!

I lo hlawkpui ngei beiseiin i duhtawk phawt ang.. Hetiang ang hmangchang dang i lo hriatbelh zel duh chuan 💁 Muankima Khawlhring Facebook Page hi lo SUBSCRIBE ve ngei ang che..

SBI MOBILE BANKING HI!

SBI hi khawi hmunah pawh staff indaih tak an awm mang lo a. Chuvang chuan mobile banking hian nasa takin customer te min chhawk zangkhai thei. Zokhaw lam, ATM awm lohna hmunah phei chuan a tangkai hle a. Balance check tur ngawta rei deuh deuh nghak hman lo te, balance transfer tura Branch a kal hman mang lo te, top-up dealer awm mumal lohna hmun a mi te tan chuan tangkai tak a ni. A hman dan chu mahni a zirthiam mai chi a ni (device hran hranah tlem tlema a dan vang leh thui dawn lutuk vangin..), registration tih dan te hi i han bih dawn teh ang..

SMS BASED MBS
(Bluetooth awm lohna phone-ah hetiang MBS hi hman tur)

Step 1: Mbsreg tih hi 9223440000-ah thawn tur. Chuan, inbox-ah UserID leh default MPIN a lo thleng ang. (e.g userID - abc123; MPIN - 123456)

Step 2: Smpin UserID default MPIN New MPIN - 9223440000-ah thawn tur. A tira MPIN lo thleng, default MPIN hi thlak nghal ngei ngei a ngai a, step 2 hi a thlak dan tur chu a ni. (e.g Smpin abc123 123456 654321)"MPIN is changed" tih msg i dawn hnuah a hnuaia mi ang hian...

Step 3: Accept UserID New MPIN - 9223440000-ah thawn tur. (e.g Accept abc123 654321) "Thank you for accepting terms & conditions...."tih i dawn hnuah a hnuai mi ang hian...

Step 4: Hetah hian tih dan chi 3 a awm thei a, i tana remchang ber pakhat chauh tih a tawk. A hnuaia tarlan 3 zinga i duh ber hmang hian i complete tawh dawn nia.

Option 1: ATM Booth-ah kal la. I card i thai hnuah hetiang hian - Mobile Registration – ATM PIN i chhu ang - Mobile Banking – Registration – Enter 'i mobile number i chhu ang' - YES i thlang leh ang a - i Mobile Number a rawn lang ang a- Confirm tih i thlang leh dawn nia.

Option 2: GCC (Green Channel Counter) - ah i card i thai ang a, 4-Mobile registration tih kha i select ang a. I mobile number i enter ang a, a hring i hmet leh dawn nia.

Option 3: Branch-ah i kal ang a. MBS titu bik an awm a. An hnenah i UserID, Account Number leh Phone Number i hrilh ang a, an lo register-sak mai ang che.

APPLICATION BASED MBS (STATE BANK FREEDOM)
Step 1: Mbsreg tih hi 9223440000-ah thawn tur. Chuan, inbox-ah UserID leh default MPIN a lo thleng ang. (e.g userID - abc123; MPIN - 123456).

Step 2: SBI Freedom application i download ang. Android phone hmang tan chuan Google Play Store atanga install mai tur a ni. I download thei lo a nih chuan, SBI branch-ah kal la, bluetooth hmangin i hman tur bik an lo pe ang che. Phone Brand & Model a zirin hman tur bik a awm a, inhman tawm theih awm bawk mah se, a theih loh a awm tho bawk a, mahni Phone Brand & Model mil download tur. Android phone tan chuan a inang vek thung. (For more - ah a link dah a ni e)

Step 3: State Bank Freedom i hawng ang a, UserID hmangin i log-in ang a,default MPIN i thlak nghal ang .

Step 4: A chunga SMS based nen khian a inang.★★★★★★★★★★★★★★★★★★★★★★

For more INFO:
1. Click ☞ here ☜ to download Android SBI Freedom

2. Click ☞ here ☜ to download Non-'droid SBI Freedom

3. Click ☞ here ☜ to read more information about registration process.

4. Click ☞ here ☜ to read Mobile Banking features.

Security Tips:
1. MPIN hi a him thei ang berin vawng la, midang hriat tir ve suh ang che.
2. http://www.sbi.co.in official & authorised banking software chauh download in hmang thin ang che.
3. Midang hmuh theihin i MPIN chhu ngai suh ang che.
4. I mobile kha password/pattern hmangin lock ang che.
5. SBI Freedom hi i hman zawh ah log-out thlap thin ang che.
6. I SIM/Mobile i tih bo chuan, mobile banking service hi deactivate vat ang che.
7. I user ID, MPIN, account/customer number etc. te hi midang laka tlangzarh tur a ni lo tih hre reng ang che.
8. I e-mail/SMS dawn a link hmangin i account access turin click ngai suh ang che.