Facebook account recover dan

Facebook account hi tibuai tawk kan awm reng a, a tlangpuiin kan fimkhur tawk loh vang a ni fo. Chuvangin nakina kan buai lohna tura recovery option hrang hrang:
- Mobile number dah
- Primary email a kan email dah
- Trusted Friends set thlap
mai bakah hian kan username hriat lawk sa thlap hi tih makmawh a ni a. Mahse a tam zawk mahin chu chu kan hmaih fo lawi si.

Hman kumah tawh, post hluiah chutiang lam chu kan ziak tawh tho bawka tun țum chu a recover dan bik hrim hrim Mizo țawngin guide ka siam a, facebook settings an thlak hma chu hetiang ang hian a recover theih turah ka ngai..

1. I facebook account an hacked a nih chuan:
a) I facebook luh țhinna number i ti bo tawh emaw, mail i hmang thei tawh lo emaw, an hack chunga i la hmang thei tho a nih pawhin a him tawh dawn loh avangin mail thar i mamawh dawn a. Email account thar siam fel hmasa phawt ang che.

b) Hack account recovery page ah kalin 'My account is Compromised' tih kha click la.

c) Facebook i luh țhinna Number/Email/Username/Login Name chhu in enter rawh. Tichuan facebook in i account a zawng ang a. Number leh mail hi hacker tan thlak theih a nih avangin username hriat hi a țangkai hle. Hacker in i number leh mail a lo thlak tawh a nih chuan i account kha a hmu zo lo tawp ve thei tho. (For eg: Zuckerberg a facebook profile link hi https://www.facebook.com/Zuck a ni a. 'Zuck' hi a facebook username tihna a ni). Chuvangin i username hmang la, a hmu thuai mai ang.

d) Tichuan i password chhut a lo ngai ang a, i account an hack hmaa i password hman kha chhu lut rawh le.

e) A dik dawn lo a, page in hawng a 'Reset my Password' button kha click ang che.

f) I account an hack emaw, i mail leh number kha i access thei tawh lo a nih chuan 'No longer have access to these?' kha click rawh.

g) Tichuan i email thar kha chhu lutin password reset na tur link i mail tharah i thawn tawh mai dawn nia.

h) I email a guide ang pek ang thlap che khan i chhunzawm ang a i recover thei maiin a rinawm.

I thei lo a nih chuan, a chunga method i hlawhchham palh takin Account Identification Page ah kalin guide angin i recover thei maiin a rinawm.

2. Facebook Team in i facebook account an dormant/disable a nih chuan:
a) I ID Card a enga pawh scan copy a ngaih dawn avangin scan la, i mobile/memory card ah dah rawh.

b) ID Card Submit Page ah hian kal la

c) Choose File ațang khan i mobile/memory card a i dah sa ID Card scan copy kha select rawh.

d) A hnuaia text box ah hian chu account i luhna email/number chhu lut rawh.

e) 'Send' button click in a in sent zawh huna information kha uluk takin lo chhiar la, khatiang khan i recover mai dawn nia.

3. Facebook password i hriat tawh loh a, i mail lut thei tawh lo emaw, i number hman țhin i tibo tawh a nih chuan:
a) Facebook login page ah kalin "Forgot password?" kha click rawh.

b) I account hriat theihna tur in form kha fill-up la.

c) Email/Number i account nena inthlunzawm a lo lan hunah 'No longer have access to these?' kha thlang rawh.

d) I security question set chhang turin guide ang khan i kal zel thei a, Trusted Friends i set sa a nih chuan option an lo pe tel ang che a, an puihna hmangin i recover thei ang.

I hlawkpui ngei beiseiin duhtawk leh phawt ang..

Lo fimkhur u la, lo him u la, lo hlim ang che u..

Hetiang ang hmangchang dang i la hriat zel duh chuan Muankima Khawlhring Facebook Page hi lo SUBSCRIBE ve ngei ang che..

Facebook username hi!

Hemi chungchang hi min zawt an awm leh țhin avangin, blog leh page ah post hlui awm sa share mai tumin ka hai chiam țhin a. Blog lamah chuan ka lo dah chiah lo a nih hmel.. Kum 4/5 liam ta khan a zul deuh chu dah tho mah ila.. Chuvangin hai chhuah a awlsam zawkna atan kan post tlai khawhnu ang e..

Kan ramah chauh lo pawh Media lamin milar leh mi hlawhtlingte an kawm chang hian facebook a hming dah dan hi an inzawt fo a. Nakin lawkah chuan "I facebook username min hrilh thei ang em?" tih hun pawh an la nei ngei ang..

Chuvangin facebook username chu engnge a nih kan chian ve hrim hrim hi thil pawi a ni lo!

Facebook username chu:
Facebook a hming atana kan hman hi username ni lovin profile name zawk a ni a. Hei hi chu in ang chiah chiah pawhin mi tam takin an hmang thei.. Mahse tuna kan sawi username hi chu in ang pakhat mah a awm thei lo. Chuvangin profile name ni lova username zawk hi midang kan hrilh a nih chuan, an tan zawn hmuh kan awlsam a, kan profile name ang chiah nei pawh lo awm se, a dik lo add buai ngai lovin keimahni min rawn add chat chat thei dawn tihna a nih chu..

Tin, messenger (WhatsApp/Hike/Viber etc) lama hmelhriat inchhar, facebook lama inkawmzui duhte, țhianhlui leh thawhpui hlui inbiak thar leh dawna inhrilhna atan te, midang account inhrilhhriatna atan te (Browser ațangin an profile a lutin about tab a facebook tih zawna link kha copy mai tur), kawng hran hrana țangkaina a neih avangin hei hi kan la bel/chiang ve lo a nih chuan tihian i ti teh ang:

1. Mobile Number Verification Page ah lut phawt la, i mobile number kha verify phawt rawh. I verify tawh a nih chuan a hnuai ami ang hian a lo awm ang a, step 2 i kai thei a ni mai:
Your mobile phone has been successfully verified, and you are signed up for Facebook Mobile.

Step 1 bik hi chu facebook account security atan a ngaih avangin tih mak mawh a ni a, kan ti sa deuh vekin a rinawm. A ti lo chu account pawh a chhe duh nge nge.. A tlangpui thuin..

2. Username Page ah lut phawt la, a hnuaia mi ang deuh hi a lo awm em?

Your username is already set..
You can direct your friends to facebook.com/kenny.muankima

A lo awm sa a nih chuan username i set tawh tihna a ni a. A chunga kan example pek tan hi chuan a țhiante hnenah "fb.com/kenny.muankima hi lo invite in min lo contact rawh.." a tih theih dawn tihna a ni chu. (username hi browser ațang chuan mahni profile ah lutin about tab ah khan a en theih bawk ang). Tunhnaia account siam thar hoah username hi an pe sa em ka hre lo a, pek sa a nih lem loh chuan tunhma ang khan khi link ah khian username a set theih nghal ang.

3. A lo awmsa chuan facebook.com/ zawh chiaha lo awm zawng kha i username chu a ni a, login nan pawh email/no aiah kha kha i hmang thei a. Tin, i account link midang i pe duh a nih pawhin i username hma-ah khan fb.com/ i dah belh anga i pe keuh thei. (Eg: fb.com/kenny.muankima)

Tichuan inhai palh leh tum loh pui pui invite phah kan awm tawh lovanga, account buai palh chang pawhin recover a awl sawt tawh ang..

Group leh Page Admin tan:
Tin, a bikin Mizo Page/Group ah username set lo hi kan tam khawp mai a. Fb page chu #1 ațang khian set mai theih a ni a, group chu group settings ah a awm nghal țhin a, a la awmin ka ring. Chu chu kan set fel a nih chuan midang hnena group/page link pek kha a awl zaih mai țhin, number sei tak tak kha ngai tel tawh lovin..

Entirna'n:
"He page fb.com/hmangchang.blog hi lo like ve la.."

Emaw

"He group fb.com/groups/manfor hi lo join ve la.."

tiin midang kan hrilh zung zung thei dawn tihna a nih chu..

I lo hlawkpui ngei beisei chungin i duh tawk leh phawt mai ang.. ✌😇

Mini Messenger!

MINI MESSENGER CHU ENGNGE!?
Mini Messenger chu Facebook Messenger, RAM leh Storage nei lian vak lo te tana hman tur bika ka siam danglam ve a ni a. Data pawh a pangngai aiin a heh lo fe zawk tura ngaih a ni. Mahse Android OS eng engin nge support test turin keimah ber nuamsam lovin ka mu bul mai si a, țhiante rawn leng an awm si lova tihian ka rawn chhawpchhuak ta phawt mai. Kitkat leh a hnuailam chuan a support ngeiin ka ring a, Lollipop leh Marshmallow erawh ka chiang ngam lo. Chutih rualin a size lian lo tur leh RAM heh lo tura compressed nasat a nih avangin Messenger pangngaiin a tih theih țhenkhat erawh a ti ve thei lo nual dawn tih erawh hre tel ta ila..

Facebook Application hi Android user tin chuan kan hmang tlangpui hlawm a. Version thar hova like button long press a interact/react theih tura an siam hnu phei hi chuan a version thar hi hman kan duh țheuh hlawm a. Mahse, chumiin a ken tel chu Messenger install ngei ngei ngai hi a ni. Messenger ngai lo tura hman theih țhin Facebook Chat Enabler leh MK Notepad Magician te pawn Facebook Official App version ah hian lukhawng a nei ta si lova, chuvangin Mini Messenger hi ka buaipui phah ta a ni..

TUTE TAN A DUAN NGE!?
1. Messenger hi message chhiar leh reply na atana hmang zeuh zeuh chauh țhin te
2. SmartPhone man tlawm zawk, RAM 1GB leh a hnuailam mobile hmang ho tan te.
3. Storage location nei lian lem lo te tan te.
4. Messenger data heh lo zawk mamawhtute tan..

Sawi tawh angin facebook team lamin an application an update chho mawlh mawlh a, a apk size pawh a lian tawlh tawlh zel a. A apk size lian nafam hi chuan storage location a heh zel a, chuvang chuan automatic in RAM a ei tam nge nge țhin. Free storage space 14GB chuang pawh la nei mah ila, kan mobile RAM neih kan over-use palh a nih chuan engmah install belh theih lohin, app install sa ho update takngial pawh a theih loh țhin a. A tlangpuiin RAM kan hman tam nafam hi chuan data pawh a hek zawk nge nge bawk si.. Chu mai bakah Free RAM space tlem lutuk chuan mobile a timuangin a tichang chuih chuih thei a, rei tak tak in load vung vung te a awm phah thei..

Facebook official app latest hman duh chuan, app dang install ngah tan phei chuan messenger hian hmun a chang lo fo a, inbox en turin browser kan hman phah a ngai fo. Chu harsatna chu tu emaw tan tal a lo sut kian takin tiin he Mini Messenger hi ka buaipui ta a ni. Sawi tawh angin ka siam ni lovin Facebook Team te siam sa messenger ka tih danglam ringawt a ni a. A apk size hi 2.84mb lek a ni a, install nan location storage 8mb vel mamawhin log in hnuah 10mb vel RAM a hmang ve. Hei erawh inbox a i thil thawn leh dawn a zirin a RAM hman zat hi chu a danglam nual mai thei bawk..

VERSION 999.2.12.81 MINI HI!?
Nia, he Mini Messenger version number hian rilruah zawhna a awm tir nghal mai thei. A version number hi tihdanglam loh chuan update thar awm thu a lo lang reng a, a ninawm bakah bangbo zawk, update lo click palh ten Messenger pangngai an hman phah leh thei si a tih thuah a number hi sang taka ka dah luih mai mai a ni e. A package name (com.facebook.orca) hi tidanglam ila chu version 1.0 anga dah pawn update thar awm thu lo lang lo tur a ni a. Mahse tihdanglam chuan Facebook App nen a inzawm leh thei dawn si lo. Chuvang chauha a version number hi tidanglam mai ka ni a. Hlauhthawnna tur a awm lo..

INSTALLATION GUIDE
1. A hnuai ațang khuan Mini Messenger apk i download ang.
2. I download zawhah install rawh.
3. Mini Messenger i install chu hawng la, i fb login details hmangin login rawh.
4. Facebook App hawng la, inbox button kha han click mah teh..
5. Facebook App nena message dawn thar notification lo kal kawp i duh loh chuan facebook app zawk kha settings ah lutin notification option an message kha i uncheck/untick mai dawn nia.

PS: Install ringawt mah la i login hma chuan facebook ațangin inbox i hawng thei chuang dawn lo tihna a nih chu.

ABOUT:
Application Name: Mini Messenger
Application Version: 999.8.12.81 Mini
File Type: .apk
File Size: 2.84mb
Download: CLICK HERE TO DOWNLOAD

I support ve leh ve loh chu nangman lo chhin tawh mai rawh.. Țangkaipui mi tu emaw tal an awm beisei chungin i duhtawk leh phawt mai ang..

- Muankima Khawlhring

FACEBOOK BUSINNESS TIPS

IT lamah kan thangharh nasa ta bawka, sumdawnna pawn hma a sawn nasa khawp mai. Chutih rual chuan kan sumdawng ho hian facebook hman tangkai dan hi an thiam lo kan ti dawn nge, a nachang an hre lo, hmang an la tlem hle mai a, a hmang chhun te pawn an hmang tangkai tawk lo fo. Chuvang chuan a uiawm ema tih thu ah a hman tangkai theih dan tur nia ka hriat tlem te, sumdawng ho ngaihtuahna tizautu atan kan share ve reng reng teh ang.

I dawr/sumdawnna promote na'n website siam ve ta ngawt la, a maintenance bill ah i hlawkna a kal teuh dawn sia, chuvang chuan facebook page hmangin he hmun hi "Market" ah chantir rawh..

I MAMAWH TUR TE:
✰ Facebook page changtlung tak manage thei tur pakhat - Hei chu i thiam loh pawn i fate'n an thiam tho ang
✰ Camera leh a lathiam tak pakhat -I fa te khan an mobile nen an la ti thei mai ang.
✰ Computer leh Internet Connection - Hei hi chu sumdawng tam zawk chuan an nei sa

A SIAM DAN TUR:
✭ I dawr/businness hmingin page siam la, address, contact leh information pawimawh ho dah tel thlap ang che
✭ I dawr bungrua te chu thla la vek la, a man leh i discount rate nen chhinchhiah thlap bawk ang che.
✭ A item angin emaw, i discount rate a zirin emaw album siam la, chumi album ah chuan a item mil pui zawng emaw, a discount rate an pui zawng emaw i upload dawn nia.
✭ Thlalak tinah Price Tag, Contact No leh Discount rate caption thlap zel ang che.
✭ Item thleng thar leh discount rate thlak emaw, tih danglam a awm reng rengin thu mawi hnai tak nen album thar te siam la, a rintlak tawh lo leh sold-out apiang chu a album chawpin delete zel bawk ang che. Emaw SOLD-OUT tih dah tel kuau ang che
✭ I thiante i page like turin sawm la, i upload thar apiang share zel bawk ang che.
✭ Page cheibawl dan hmangchang hrang hrang enkual la ngaihtuah reng bawk ang che.
✭ I page i chei mawihnai dan te, i enkawl zahawm dan te kha mi hipa hip lo thei a nihzia chiang ang che.
✭ Like tu an tam aimahin a like tu zing atanga dawr thin che an tam leh tam loh kha i ngaihpawimawh zawk tur a nih chiang ang che.
✭ Page ah chuan forum bilh tel la, i customer ten i sumdawnna an sawisela, an faka, thurawn an pekna tur bik liau liau atan.
✭ An thu leh hla ngai pawimawh ang che.
✭ Dawr a i pho chhuah apiang i page a pho chhuak ve zel thei tur leh, i sold-out apiang delete thei tur khawpin page vil ngun ang che..

Miin a hmuh ngun nafam chuan a mamawh loh pui pawh a awhna vangin a lei thei tih hre reng la. I thlalak leh thu post reng reng uluk takin, mi rilru hneh tur ang berin ti hram hram la. A tirah hautak deuh mahse a rei hnu a i awlsam phahna tur leh hlawkzawkna tur a nih hria la beidawng hek suh.. Heng te hi chu sumdawng ten kan ngaihtuahna tizautu atan maia share a ni a, hemi an hmuhrual hian sumdawng chuan suangtuahna tha zawk a nei thei ngei ang.

Dawr changkang ho te tal hian hetiang hian han ti ta theuh se chuan 24x7 chhung mahni inlum atangin an product kan lo zir chiangin kan lo enkual thei dawn tihna a ni a. A society ang zawng pawn hmasawnna a ni ve hrim hrim.. Duh tawk phawt ang..

Facebook friendlist thliar fel rawh!

Mi tam zawk hi chuan mi kan invite in kan accept tawp a. List hran hranah kan thliar ngai lem lo. A tangkaina kan hriat loh vang nge kan taihmakna in a tlin loh vang? Eng pawh chu nise, organise taka nung, privacy tha duh tan chuan tih makmawh a ni.

List i thliar fel that chuan update leh upload thar tur te pawh list zinga khawi emaw ber che chauh hmuh tur te, khawi emaw ber chauh hmuh loh tur te in i set thei tawh ang! Hei hi tam takin kan hre lo fo. Kan chian zawkna'n Facebook in default list a siamsa pathum kan sawi anga, a chiang mai ang. Tin, customize list pawh siam theih a ni tih hre tel ta ila..

DEFAULT LIST:

☀ Close Friends: I thian tha bik leh a tak rama i thian te dahkhawmna tura duan a ni a, news feed ah i hmuh mai bakah an post apiangin notification i dawng ang. He notification setting hi off theih a ni tho bawk. Kan thianpa pakhat chuan hmeltha a tih a zui zel duh 4 leh update tha thei a tih te a dahkhawma, notification a lo kal zel vangin an post zawng zawng a en thei a, like leh comment a pe ziah thei a. Tih chi a ti fu.. :D

☀ Acquaintances: Hei hi chu friend satliah, biak em em loh ho bawm ti ila a fiah mai awm e. He list a awm te chu i news feed ah an lang ngai mang lovang. I post hmu lo tura i duh pawn privacy ah Friends except Acquaintances tiin audience i thlang thei tho bawk.

☀ Restricted: Add loh theih si loh, i chanchin hre vak lo tura i duh ho, i hna lama i pute, kohhran lam hruaitute, i nu leh pa te pawh a ni thei ang chu, khang ho khungkhawmna hmun tur a ni. He list a i add te reng reng chuan, audiences atana public i thlan, i tag/mention na te chauh an news feed ah an lo hmu ve ang. Tin, he list a i add te hian restricted list a i dah thu notification an dawng ngai lo a, a hlauhthawn awm loh! :D

A zawng zawng kan sawi seng lo, mahse heng sawizauna tlem atang ngawt pawh hian list thliar fel thatzia chu a chiang mai awm e..

Fore more: Facebook Help

Facebook pending request leh confirmation hi!

Facebook ah hian kan invite suau suau hlawm a. Facebook mobile application hman tirhin fimkhur lo taka YES pawp pawp phei chuan mobile a contact number awm zawng zawngah auto in request a lo in sent vak zel bawk. A thenin kan request thawn kan ennawn duh laiin a thenin kan dawn kan ennawn duh bawk. Solve i han tum dawn ang hmiang..

☀ PENDING REQUEST: I request thawn, an lo la accept sak loh che ho kha, a bikin application in a lo thawn vak angah te, i ennawn duh emaw, i cancel duh dawn a nih chuan tihian ti ang che:

◌ https://www.facebook.com/invite_history.php ah kal rawh.

◌ La accept loh ho a lo tlar dal anga, i cancel duh zawng i tick/check ang a, remove i click ang

◌ A vaia cancel i duh chuan Remove all request kha i click mai dawn nia.

☀ PENDING CONFIRMATION: Friend request i dawn kha i accept ta mai lova, Not now i ti zet a, a hnu deuhah chu request rawn thawnthu chuan inbox lamah a rawn ngen che a, i accept leh duh si a nih chuan tihian ti ang che:

◌ https://m.facebook.com/friends/requests.php ah emaw kal rawh.

◌ I accept tur chu hidden request zing atanga zawnchhuaha accept a ni mai.

◌ He method hi i thei ve lo palh a nih chuan Application Base Method ang hian i ti mai dawn nia.

I harsatna a sutkian ngei ka beisei. Enjoy..

Facebook tobul..

A tam zawk chuan kan hria, kan chiang, kan chhiar fo. Mahse hre lo tam tak kan awm tho. Mahse nuam kan ti em em vek tho!

A tobul tlem te tak tak, kan beng tivartu ang lekin kan thai lang ang a, a belchiang duh tan a hnuaia link ah hian en mai tur a ni e.

Source: How facebook began!

Kan source a mi hi kan letling dawn a, mahse a chhiar nawm zawknan ka chei danglam hlek hlek ang. Tin, a tobul tak tak choh hetah chuan ka dah ang. Facebook tobul chu hei le..

Facebook hi February 2004 a launched social networking service a ni a, Facebook Inc. ta niin anni hian an operated bawk a ni.

September 2012 khan, Facebook hian active user ngawt pawh one billion ai tam an nei tawh a, chung zinga a zahve ai tam mah chuan Facebook hi mobile device hmangin an lut thin a ni.

User hian he site lut tur chuan a in register hmasak a ngai a, personal profile an siam zawhah, thian turin user dang te an add thei a, messages an inthawn theia, chung an activities vel chu notify turin automatic notifications a awm bawk. User chuan common-interest user group hrang hrang a join thei a, a thian te pawh list hrang hrang hmangin a duh danin a thliar thei bawk. Kan sawiseng lovang he lam chu duh tawk ang.

Facebook hi Mark Zuckerberg hmuhchhuah a ni a. A ni hian Harvard University-a a college roommate te leh an thiante Eduardo Saverin, Andrew McCollum, Dustin Moskovitz leh Chris Hughes te nen tangrualin a duangchhuak a ni.

He website membership hi a founder te hian Harvard zirlai te tan chiah an phal thin a, mahse Boston area a colleges hrang hrang, Ivy League leh Stanford University velah pawh a darh ta zel a. A join thei universities belh zelin high school zirlai te pawh phalsak an ni ta zel a, tichuan tuna mi ang hian kum 13 chunglam a duh duh tana phal rai a lo ni ta a ni.

He mi chin ngawt pawh hian networking hi mihringin kan hlutzia a chiang mai awm e. Kan thil hlut tak tibawlhhlawhtu nih loh hram i tum theuh ang u. Enjoy..

Facebook tips & tricks..

Ziak Pawl Phet Phet Ang Aw!

Facebook page hrang hrangah pawh he thil hi chu page tih lar nan an hmang nasa, kha page kha chu LIKE hmasak loh chuan a pawl thei dawn loin an sawi a. Mahse a code an pek a dik leh chuang si lo!! I ziak pawl ve duh a nih chuan a hnuaia step te hi lo ti ve chhin teh le... Mahse setting an thlak hian hetiang code ho hi a buai phah ziaha, mahse an thlak hma chuan a hman theih turah ngai ang..

Step 1: @@[0:[0:1: Text]] hi copy la.

Step 2: I comment/post na turah paste phawt rawh.

Step 3: Text tih ai-ah khian i duh duh i chhu tawh mai dawn nia.

Step 4: Enter rawh le, a lo pawl phet phet tawh ang!!

Blank Hmanga Comment Dan Ve Thung!

‎@[0: ] tih hi copy la, i comment na turah paste in, i enter zeuh mai dawn nia.. A va awlsam teh reng em. Ziah pawlna code khi Text tih tel lo khian @@[0:[0:1: ]] tawp hi comment nan i hman pawn a blank tho ang.. :D

Mobile Aṭanga Ṭhiante 'Mention' dan ve thung!?

PC aṭanga kan ṭhiante online chuan an duh duhin an comment-ah te min rawn mention/tag zung zung a, kan tan pawh va en vat a awlsam ṭhin. Hetiang hi mobile aṭang hian theih loh emaw kan ti hlawm fo. A theiha, mahse a kawng a kual deuh avangin taihmak erawh a ngai duh thung!!

Uluk deuhin a hnuaia guide hi chhiar la, han ti ve chhin dawn teh le..

1. I tag/mention duh, i ṭhian profile picture kha en i mobile browser hmangin en rawh.

2. Mobile browser aṭang khan page info kha en rawh le.

(Browser hran hranah page info en dan hi a in ang kher lo anga, mahse a lo awlsam phah takin, ka hman lai UC Browser ah hi chuan profile picture ka en mek lai khan Menu >>> Menu >>> Action >>> Page Info ah ka lut a, copy tur link 3 lo awm zinga a chung ber kha ka copy phawta, a hnuah ka paste na-ah ka duh loh zawng kha ka delete leh mai ṭhin!!)

3. Tichuan a hnuai a mi ang deuh hian link a lo lang ang!
 http://m.facebook.com/photo.phpbid=259476284087323&id=100000748617979&refid=0

4. id= leh &refid=0 inkara mi hi i number mamawh tur chu a ni tih theihnghilh suh ang che.

5. @[_____:0] ah hian a kar awl (underline) aiah sawn a chunga i no chhinchhiah/copy kha han bel la. Enter teh le!!

I taihmak a i peih phawt chuan mobile aṭang pawn i duh duh i mention/tag ve char char tawh mai dawn a nih chu.. Tin, an hming tawia i mention duh pawn An display name a i duh lai ber kha 0 (Zero) aiah khian i hmang mai dawn nia. Entirna'n: Muankima Khawlhring tih hming pu thian i lo nei ta a, i mention duh chuan Zero aiah Muankima i dah anga, code dang zawng chu a ngaiin.. Hretiam mai ang chu maw..

I Mail-ah FB Notification A Lo Kal Reng Maw!?

I mail ah facebook notification a kal renga, i ning a nih chuan...
* FB login na tur email thar siam la, login email thlak daih rawh

^^^^ A chung a mi khi i peih lo a nih chuan heti hian i la ti thei tho bawk :D

* I mail inbox hawng la, Facebook notification i mail a lut lo tura i duh zawng zawng kha mark vek la.. Mark as spam keuh mai rawh
* Account Settings >>> Notification >>> All Notification Settings kha edit in i dawn duh loh zawng kha siam tha bawk la
* I awmna group zawng zawng ah notification siam tha bawk ang che

Ṭhiante Update lem siam ang aw!

Step 1 – Wall Machine ah hian lut la, a hnuaia picture ang Connect tih kha click rawh.

Step 2 – A hnuaia mi ang hi a lo lang anga, A update tu emaw a update emaw kha click in i edit mai thei ang.

Step 3 – An hming hma chiah a picture, a hnuai a mi ang lo awm ah khan click la, an Profile Picture tur thlanna a lo awm anga available picture kha chu mi PP tur i siam chawp hma chu a blank reng dawn a, FB friend te an nih chuan Facebook Friends kha thlangin an PP kha i select mai dawn nia. I FB friendlist a mi an nih loh chuan, for eg: Mark Zukerberg, Google kha select in i PP duh hming kha i chhu anga, i search anga, a ersult aṭang khan a PP tura i duh ber thlangin i crop anga, i hmang mai dawn nia

Step 4 – A like tu tur pawh khi click keuhin duh chuan edit theih tho a ni.

Step 5 – Tichuan i duh tawka i cheibawl hnu-ah i screenshot anga, facebook ah i upload tawh mai dawn nia. Save button hmang pawh khan save a upload theih tho a ni a, mahse kha mi hmanga i tih chuan midangin an hrethiam ve vek anga, a ho zo vek palh ang :D

Chat-Box Smiley ah i duh duh picture hmang rawh!

Step 1 – Smileyti ah hian lut la, a hnuaia picture ang ang hi a lo lang ang.

Step 2 – Smiley atana i hmn duh picture chu guide ang khian upload la, a code chhin chhiah ang che.

Step 3 – Tichuan kha code kha Notepad ah save la, i hman duh dawn chang apiangin copy chhuakin chat-bx ah i paste anga i enter zeuh zeuh tawh mai dawn nia :D

Tips leh tricks hi chu a tam mai i peih dan a zir zelin i la hriat belh zel turah ngai phawt mai ang.. Enjoy.. :D

I facebook account him zawkna'n..

Facebook account hi thil hote vanga buai thei a ni tih hriat tur a ni a. Chuvang chuan a buaipalh hlauha recover a awlsam zawknan Settings lam i uluk tlang ang u. Kan recover thiam lo a nih pawn a thiam te tan recover awlsam takin kan siam thei si a :D

1. Security Question Siam Rawh: Account Settings >>> Security >>> Security Question ah lut la (A hma-a i set tawh a nih chuan Security Question hi a lang ve tawh lo ang, vawikhat chiah siam theih a ni a, thlak theih a ni tawh hek lo!), question chi hran hran a lo awm anga, i duh ber thlangin a chhanna tura hnuaiah khan chhu lutin i save mai dawn nia, kha i security question answer kha i chhinchhiah tlat dawn nia. Duhthusam-ah chuan note ah i question leh a chhanna kha save a chi khawp mai. Tin, he security hi thlak theih a nih tawh loh avangin rindik mai theih tur ang chi hman loh tur a ni a. Kan recover dawnah kan thiam lova, midang kan tih tir dawn a nih pawn kan hriat chian ngei leh kan account min tihbuai sak lo tur ngei chauh tih tir tur a ni. Hei hi tam takin kan siam lo fo a, a siam tawh pawn kan theihnghilh fo bawk. Chuvanga account recover thei tawh lo pawh sawi tur ka hre nual mai kei ngei pawn!
2. Username Siam Tha Rawh: Account setting ah i luh khan username a lo awm anga, kha mi tawpa edit tih ah khan lutin i username i la siam lo a nih chuan i siam dawn nia. A awlah khan i username tur chhuin a hnuaiah khan i facebook password i barh anga, chuan i save mai dawn nia. Hei pawh thlak theih tawh loh tur thil tho a nih vangin i set dawnah ngaihtuah chiang hmasa ang che. Mahse a chunga mi ang lo takin hei chu a tam thei ang berin hria se a tha zawk mah :D
3. I mobile number import rawh: Web atangin account i siam a nih pawn, i mobile number kha i account ah khan import la, tichuan password i theihnghilh palh hunah set that a awlsam bik.

He mi pathum hi i set a nih chuan i facebook login email pawh min hack sak daih che se la, i recover leh theih tho tura ngaih a ni.

MOBILE ATANGA ACCOUNT SIAM TE HRIAT TUR!

GPRS kal tlanga mobile atranga account siam hian, account hi confirmed a ni lo tih hriat tur a ni. Primary Login Email import hma chu confirmed a ni lo a, import lova rei tak hman phei chuan log-out hunah i mobile no mil account a awm lo ti ang deuh case buaina i tawk thei. Chuvang chuan Internet Connection nei lo pawn a rang thei ang berin email import a, email ngei pawh kha confirm thlap tur. Min hack tih ngawt loh tur :D

LOGIN NOTIFICATION PROBLEM!

Social Networking ah reng reng account security set uluk chu a tluk a awm lo.. Mahse, facebook ah hi chuan mobile user te tan ngat phei chuan buaithlak chin a awm. Login Notification (Account Settings >>> Security >>> Login Notification) hi enable chuan i computer atranga phalna pek thlap loh chuan mobile leh midang computer atrangin i account ah luh theih miah loh tluk a ni a. Him hle mahse mi tam takin kan buaiphah fo. Tam tak phei chuan hei hi an enabled vangin an account an tibuai hlen ta nawk mai.. Ka account an hack kan ti leh ngawt thrin! A kal phung kan chiang hle a nih loh chuan he thil hi disable ngei ngei tur a ni!

Hemi chin ngawt pawh hi i zawm chuan i account kha a him phah sawt ang le, a dang la tam mahse hemi chinah hian duh tawk phawt ang.. Enjoy.. :D

Facebook a follow hi engnge ni!?

Facebook ah hian mi tupawh i follow chuan an public update te i News Feed ah i lo hmu thei dawn a ni.

Chuvang chuan kan thian a tel lo journalists, celebrities, political figures leh chutiang mi, an update kan hmuh duh te chu kan follow thei a ni.

Source: Facebook Help

Tin, mi thenkhat chu an fimkhur vangin va add theih an ni lo a, thenkhat thung lah lar an duh vangin an friendlist a full thung a. Chung ho te pawh chu an update hre turin kan follow thei a. Chutiang bawk chuan keini pawh midangin min follow thei, subscriber kan turn on a, kan update tha an tih bawk chuan! Account Settings >>> Followers ah kalin a off in a on theih ang

Source: Facebook Help

Mahse a awmzia kan hre lo nge, kan ramah hi chuan update nei tha te aiin hmeltha ten follower an ngah zawk zel! Nang chuan i tana tangkai tur te follow thin nachang hria ang che..

Facebook ah chuan facebook staff te follow hi a finthlak fu mai thei a, pahnih kan dah tel ve reng reng ang e:

Mark Zuckerberg

Facebook Founder and CEO

For Computer: Mark Zuckerberg

For Mobile: Mark Zuckerberg

Sheryl Sandberg

Chief Operating Officer, Facebook

For Computer: Sheryl Sandberg

For Mobile: Sheryl Sandberg

Tin, sawi lai laiin sawi tel nghal ang! I thian te zingah, keimah ang maia nawi em em mai, update zawih zawih reng mai a awm a, i news feed ah a in tlar del dula, i ning bawk si, i unfriend duh chiah si lo a nih chuan tihian i ti mai dawn nia.

◌ Desktop/Computer atangin login la

◌ I thian update ngah deuh timeline ah chuan kal rawh.

◌ Friend tih lo awm kha mouse in tin rawh

◌ Option lo pop-out ah khan Show in news feed tih lo in tick/check kha click rawh

Tichuan i home ah a rawn feed tel ve tawh ngai lo ang.

Group post a rawn feed tel a nih thung chuan, hetah <<< hian i notification settings kha i duh dan angin i set danglam mai dawn nia..

Sawi tur a tam em mai duh tawk phawt ang.. A pawimawh dan kan chiang tawh tho ang chu maw.. :D

Facebook friend request hi!

"Friend requests are for connecting with people you know well, like classmates, friends, family and co-workers. Please don’t send friend request unless you know them personally.."

Tiin a site siamtu lamin min ngen lawm lawm chung pawn thian ngah loh hlauin kan ngam huai sak sak hlawm viau a. A thatna lai awm tho mahse a him loh dan kan chiang lo emaw ni chu aw a tih theih.

International Celebrities ho reng reng, a bikin IT lama vengva ho hi chu an fimkhur khawp mai. An settings pawh hetiang hian an set tlangpui niin a lang

◌ Request thawn theitu - An thiante thian tan chiah

◌ Timeline a post theitu - An mahni tan chiah (Set Here)

◌ Timeline en tura hming hmanga zawng theitu - Thiante tan chiah (Set Here)

◌ Message thawn theitu - Thiante

◌ Public Search hi a tam zawk chuan an turn off bawk (Set Here)

◌ Email & Contact hmanga zawn theih lohin an indah deuh zel bawk. (Set here)

Tichuan an hmelhriat tha te chauh an add in an accept ta thin a ni. Chutiang vang chuan privacy leh security ah an lo him ta hle thin a lo ni.

An thiante kan list ah an awm loh phei chuan, an timeline ah lut mah ila, add button a awm lova, message button a awm lova, follow button chiah a lo awm thin. Chu pawh thenkhat phei chuan subscriber an la turn off zui..

Keimah han insawi tel ve ta ila, ka lar e ka tihna lam ni lovin security ka ngaih pawimawh vang zawkin, facebook hi intihhlim tuma lut ka ni a, chu mi pah chuan phur chang changin page ah hriat thar ang ang te share tum chauh ka ni. Chuvang chuan mi ka add pup pup lova, ka accept mai mai hek lo. Min hrethiam dawn nia..

Pakhat pawh accept ta che u ila, in thiante 1000 chuang khan min invite thei nghal zel si a, ka tan a buaithlak phah thei a. Tin, fb ve hman lek lovin zawhna a kal zut zut thei bawk. Kei lahin ka hriatsa a tlem nen google hmasak leh te a ngai a, net a muan phei chuan a buaithlak thin. Reply lo ila induh nih kan hlawh leh si. Chuvang chuan intih dan tur rawn sawi sak thei lo che u mah ila, ka duhthlanna tal chu min zahsaka, lo ngaikawi lo turin kan inngen tak meuh meuh a ni e..

Tihian friend request/confirmation pawimawh zia chu kan chiang tawh maiin ka ring.. Enjoy.. :D

Facebook Language Settings hi!

Facebook upgrade leh chiangkuan loh vangin, i khawih ni miah lo pawn i facebook language settings kha English ni lo tawng dang daihin a lo inthlak palh thei a. Tin, nangmah ngei pawn i tisual thei bawk. He buaina hi tawng tawh tam tak an awma, buai chak chak pawh an awm. I tawn ve pawha i buai ve lohna'n hei le..

A FIX DAN KAWNG AWLSAM:

1. Facebook Log-in Page a i awm lai, i log-in hma khan http://i.imgur.com/trY7eDT.jpg hi en ang che.
2. Default Laguage inti kha i settings in a language hman mek a ni a, a chunga Change Laguage Here tih ah khan i duh ber i select mai dawn nia. Tichuan i zo fel der.

Mahse a chunga mi ang hian tam tak chu an account settings ah a in save loh avangin luh dawn apianga tih that a ngai thin a. Chuvang chuan chutiang ho tan chuan a hnuaia mi ang hian save mai tur a ni e.

A FIX DAN KAWNG DANG:

1. I Account ah log-in rawh le
2. Language Settings ah hian lut rawh
3. Picture a Click Here tih a kawh, rin kil li chhung a mi angah hian Click rawh
4. Tawng hrang hrang lo pop-out zingah khan English pawh chi hrang hrang, US, UK, etc.) a awm ang a, i duh ber select rawh.
5. Tawng hrang hrang lo pop-out na hnuaia pawl zawk kha click in save rawh.

Tihian he harsatna ho te, hriat loha buai theih em em chu i fix a ni der mai! :D

Facebook Notification Sound hi!

A hria te tana awlsam te pawh a hre lo tan chuan buaithlak tak a ni fo. Hei pawh ho te anga lang mi thenkhat an buai fo na a nih vangin kan share tel ve reng reng ang e.

Facebook settings tharah hi chuan Computer atanga online chuan Notification Sound a ri tung tung thin a, IDM hmang ho tan chuan notification hi download tur angin option min pe ziah mai a, tin zanlaiah online lai ten a ri leh tung tung thin. Sound off leh tih zawih a rem si loh phei chuan a inthlahrunawm chang a awm thei. Chutiang ang chu i ning a nih chuan he ti hian notification sound kha i off mai thei ang.

• Notification Sound Settings ah hian kal la
• 'Play a sound when each new notification is received' tih lo in tick sa kha untick rawh
• 'Save Changes' kha click leh keuh la a tawk der!

Tichuan notification sound a rawn kal tel tawh lo ang.. Enjoy :D

Facebook Checkpoint paltlang dan awlsam!

Eng emaw thu hla ah i account khan Facebook Checkpoint paltlang a ngaih chang a awm thei a. Hei hi i facebook account kha hack a nih lohna tura facebook lam fimkhur vang a ni tih hriain kha checkpoint paltlang tur khan fimkhur hle ang che. Tam takin an account an tih khawloh phah fo a nia.

Checkpoint i paltlang a ngaih chhan hi chhan hrang hrang a awm thei ang min an report che  ni thei a, i settings vang a ni thei a, i activities vang te pawh a ni thei a, i account kh fake a an vang te pawh a ni thei. A chhan lam chu kan sawi zui hman lovang, a paltlang dan awlsam dan zawk hi i sawi nghal mai zawk teh ang a thui lohna'n..

I hmanraw mamawh tur te:

1. Checkpoint paltlang ngai account login details (e-mail & password)
2. Chu account bui nena mutual friends ngah tak account login details (e-mail & password)
3. Computer/Browser/Mobile pahnih (Browser h chuan Firefox & Chrome ni thei se)
4. Internet connection/speed chak lai takin he thil hi i tih a ngai ang

Thlalak tag a mi kha rang taka i hriat loh chuan hre dik mah la, hun i duh rei vangin a accept lo zel anga, tih that zel a ngai dawn a, chuvang chuan a muan chan chi loh tih hi hre tel ang che. Tin, a theih hram chuan mobile atang ai chuan computer atang ngeia tih theih ni bawk se.. Security Question a hmain i set a, i la hre reng a nih chuan Oprion a pek che chuan Security Question hmanga verify i thlang ang a, awlsam tein i kaltlang nghal thei ang. I set lem lo emaw, i hre tawh lo emaw, option a rawn pe tel lo a nih chuan tagging verification hmangin i tih a ngai dawn a, a hnuai a mi hian a puih ngei che ka beisei.

A tih dan tur chu le:

1. Computer/Browser/Mobile pahnih atang chuan chung account pahnih ah chuan log-in rawh le.
2. A chunga thlalak ang a lo lan veleh khan account buai lo zawk ah khan hming hmasa ber account khi zawng la, a photos ah lutin amah an tag na ho kha en zung zung la, a awm loh chuan hming dang khi i en leh vat vat dawn nia.
3. Duhthusam phei chuan, 'net a chak tho chuan tab 6 velin facebook site kha hawng sa la, hming lo lang apiang kha search box atang khan zearch zung zung la, a in search chhungin tab dangah hming dang i search zel ang a in dawt dan khan
4. Tichuan i search zawh vekah tab hmasa ber atang khan i search chhuah photos ah khan i lut ang, a inload chhungin tab dangah pawh i ti zel ang (hun a tam loh vangin hun ren thei ang berin chet a ngai)
5. Computer pahnih hmang lova Browser pahnih i hman chuan i browser kha monitor chanve vel chiah ve ve khan ti te ang che, melh tawn zung zung a awlsam na'n
6. I hriat loh chuan risk lo la, i complete theih hma chu dik ngei turin, tlai pawh pawisa lovin ti zawk rawh.
7. Tichuan i net speed a zir leh i zawn chak dan a zirin awlsam tein i paltlang thei mai ang.

Hetiang hian account sawmnga dawn lai ka ching fel tawh a, mahse tam tak chuan ka hre hman ngai lo emaw ka ti dik ve thei lo an ti tho! I hun hman dan leh remhriat danah thui tak a innghat tho tihna a nih chu. Eng pawh chu nise i tan a tangkai ngei beisei chungin duh tawk leh phawt ang.. :D

Download Recovery Tool <<< here..

Facebook mail hmangchang!

FACEBOOK MAIL BOX A HMAN DAN!

Facebook hian Facebook a account nei te hi, an public username mil zelin Facebook E-mail account automatic in a siam sak zel a, General Account Settings ah hian kalin, Email tih kha click la, Facebook Email tih atang khan i facebook email address i en thei ang. Mahse hei pawh hi tam tak chuan kan hre lo nghal pang!

Entirnan: I public username (I Profile a i awm laia URL lo lang kha) kha Taldn.Fel lo ni ta se (URL Box ah chuan http://www.facebook.com/Taldn.Fel?ref=tn_tnmn tiin a lo lang ang a, / leh ? inkara mi kha i public username chu a ni, midang i account link i pek dawn pawn http://www.facebook.com/Taldn.Fel tih chin hi pe la a dik tho!), i Facebook E-mail chu - Taldn.Fel@facebook.com tiin auto in a lo in generate mai ang.

Tam tak chu facebook a regular em em si, mail pawh check ngai lem lo kan ni hlawm a, chuvang chuan kan mail pawimawh pawh kan hmuh loh phah fo. Chuvang chuan mail kaltlanga min contact tur ho hnenah chuan kan Facebook E-mail address kha pe ta keuh mai ila. Min rawn mail hunah direct in facebook inbox ah a rawn lut mai a, a hranpa a mail check ngai lovin awlsam takin Facebook pahin mail kan check thei a, a awlsam fu! Hetiang problem hi i lo neih ve chuan lo try ve rawh. Very Easy...

FACEBOOK GROUP MAIL ADDRESS TANGKAINA!
Facebook ah hian group hrang hrang, tangkai tak tak atanga tangkaina nei hlawl lo thlengin a kat nuk a. Chung zinga tam tak chuan Group Mail Address hi Group an create ruala an siam nghal zel laiin, group mail address pawh siam nachang hre lova group siam tawp tawp kan tam hle. Helam chu duh tawk phawt ila, a tangkaina atangin bul tan dawn ang.

Kan hriat ve phakbakah pawh tangkaina tam tak a awm thei awm e. Mahse a nawlpuiin kan hriat leh hman ve theih awm, tangkai bawk si 2 lek i han thlur bing teh ang.

1. FB ugrade leh setting thlak vel laiin mobile user ten group an lut thei lo fo a, chu harsatna pumpelhna kawng chu a ni thei.
2. Mobile user ten group-a picture an upload ve theih loh, harsatna an tawh mek sukiangtu pakhat a ni.

A pakhatna khi thlur bing hmasa ta ila. Mobile atangin i Group luh duhna ah i lut thei lo a, thu post ngei ngei tur i nei bawk si a, chu group mail address chu i hre bawk a nih chuan heti hian chu group ah chuan thu i post thei ang:

• I mobile browser atangin i mail hawng la, login rawh. (UC Browser atanga try a ni a, browser dang hman tan pawh a applicable em ang chu maw!)
• Compose mail ah kal rawh
• I thawn tur address (To: tih zawha box) ah khan group mail address i type/paste ang. (Eg: IT4Share@groups.facebook.com)
• Body ah khan i thu post duh chu i type anga.
• Send tih kha i click keuh mai dawn nia.

A pahnihna ve thung pawh khi a pakhatna kan sawizauna nen khian a in ang deuh reng. Mahse, Body khi picture caption tur a ni thung ang. Tin, body i type zawhah, attach tih kha click in i mobile atanga i upload duh picture chu i select dawn nia. Tichuan, send tawp a ni leh mai.

HRIAT ATANA THA TE:

• I facebook log-in email reng reng, mail hmang ngai lo pawh ni la, a recover a awlsam nan mobile no dah tel thin ang che.
• I email siamna'na i hman mobile no chu no dang i hman apiangin thlak ve zel ang che.
• I email password him takin vawng ang che.
• I group duh bik ho reng reng a mail address chhinchhiah thin ang che.
• Group i siam ve a nih pawn group mail hi siam tel ngei ngei ang che.
• Mobile atanga group a thu i post dawnin ziak pawl lo hram hram ang che. A zawng zawngah ni lo mahse thu post na a ziak pawl hovin group luh theih loh an ngah zual bik deuh tlat! (Comment na ah chuan a pawi lo)
• I mail login details leh fb login details te midang hriat tir ngai suh la, chutih rual chuan mamawh huna en mai theih tur si, midang hmuh ve loh tur siin backup dah ngei ngei ang che. (Kei chuan notepad ah ka computer ah ka save a, chu notepad ka dahna folder chu ka locked thlap!)

Group kan luh theih miah lohna a mi pawh, notification a rawn kal chuan kan en thei deuh zela, chuvangin i post an comment na kha chu i enthei deuh zel ang. Mahse i thu post (comment ni lovin) kha i ziah pawl emaw leh harsatna dang vang chuan i en thei lo ve thut thei bawk.

Heng lo pawh sawi tur a tam ang, mahse kan sawichin ngawt pawh hi ka sawifiah thiam kher lo mai thei. Mahse hemi guide en chung chuan a har lo turah ngaiin i duhtawk phawt mai ang u. Enjoy

92-FACEBOOK awmzia hi engnge!?

Facebook India hian SMS hmanga Status Update nan 9232232665 (92-FACEBOOK) a hmang tih chu kan hre vek anga, 92FACEBOOK a nih theih dan erawh hre lo kan tam zawk awm e. Picture leh number hi enkawpin lo chhut chhuak ve mai ru.

India ramah chuan mobile number hi digit sawm zel a ni a, chung number chuan he formula hmanga an mahni trademark tarlang thei tur number an thlang thin.

Entirna'n 9232232665 hi Facebook India in an hman a ni a. Facebook hi digit 8 a nia, chuvangin a hnung lam pariat ah Facebook tih awm thei turin number an thlang ta a ni.

9 - A awmsa
2 - A awmsa
F - 3 leh F keypad khatah a awm
A - 2 leh A keypad khatah
C - 2 leh C keypad khatah
E - 3 leh E keypad khatah
B - 2 leh B keypad khatah
0 - 6 leh 0 keypad khatah
0 - 6 leh 0 keypad khatah
K - 5 leh K keypad khatah

A chunga entirna atang hian a chiang mai awm e.

Facebook Keyboard Layout (MKlayouT) thar hi!!

Click Here To Download MKlayouT

Mizo ṭawng hi thlukna leh Ṭ/ṭ nei kan nih vangin duh angin Facebook lama thu chhut dawnin chhut dik hleih theih loh chin a awm ṭhin a. Tin ₹ font te pawh kan hman tawh miau avangin kan hman ve theihna tur leh awlsam zawkna a nih beiseiin he thil hi kan siam ve a. Layout dang awm nual tawh mahse MKlayout ah hian layout chhuak hmasa hovin an neih loh features hrang hrang a neih mai bakah a key pawh awlsam zawk tura siam a ni a.. A hnuaia guide hi han chhiar zel la, i hmang ve chhin duh a nih chuan a chunga sen vat vat khi i click ang a.. Skip add kha click in download page ah i lut anga, i download ve mai dawn nia.

SAWIHAWNNA:

Hman a nawm zawk ringin he layout ah hian ~ hi Ṭ in ka thlak a, ` aiah ṭ ka hmang bawk a. $ aiah ₹ ka hmang bawk. Tin, a hnuaia mi ang hian thlukna ho kha siam theih bawk -

• ` = ṭ
• ~ = Ṭ
• Shift + 4 = ₹
• Right Alt + a = â
• Right Alt + e = ê
• Right Alt + i = î
• Right Alt + o = ô
• Right Alt + u = û
• Right Alt + Shift + a = Â
• Right Alt + Shift + e = Ê
• Right Alt + Shift + i = Î
• Right Alt + Shift + o = Ô
• Right Alt + Shift + u = Û

MKlayouT hi Winrar hmanga archive a ni a, winrar i nei lo a nih chuan winrar tih a sena awm saw click-in i download thei ang. MKlaoyouT chhungah hian guide awm mahse zing lamah muthlu lawp lawp chunga siam a nih vangin a kim chang lo hle mai a.. Chiang thei ang berin tihian ka rawn ziak deuh ta duah mai a ni. A chunga thllukna bakah khian heng Symbol/Sign te hi a hnuaia mi ang hian awlsam takin i chhu thei tawh ang.

• Right Alt + ` = ☮
• Right Alt + 1 = ✈
• Right Alt + 2 = ☠
• Right Alt + 3 = ♥
• Right Alt + 4 = ✌
• Right Alt + 5 = ☣
• Right Alt + 6 = ♪
• Right Alt + 7 = ♫
• Right Alt + 8 = ♬
• Right Alt + 9 = ♤
• Right Alt + 0 = ♧
• Right Alt + - = ♢
• Right Alt + = = ♚
• Right Alt + \ = ♛
• Right Alt + q = ★
• Right Alt + w = ✪
• Right Alt + r = ☻
• Right Alt + t = ☺
• Right Alt + y = ☾
• Right Alt + p = ☼
• Right Alt + [ = ☁
• Right Alt + ] = ☂
• Right Alt + s = ℃
• Right Alt + d = ℉
• Right Alt + g = ✡
• Right Alt + h = ✄
• Right Alt + j = ✘
• Right Alt + k = ✔
• Right Alt + l = ™
• Right Alt + ; = ©
• Right Alt + ' = ®
• Right Alt + z = ✍
• Right Alt + x = ☜
• Right Alt + c = ☝
• Right Alt + v = ☟
• Right Alt + b = ☞
• Right Alt + n = ☒
• Right Alt + m = ☑
• Right Alt + , = ♞
• Right Alt + . = Ⓐ
• Right Alt + / = №

Install dan tur:

Winrar hmanga he file hi i hawn chuan a hnuaia picture a mi ang hi file a lo awm ang a.

Setup.exe khi a install na tur chu a ni a. Hemi setup i install zawh dawn hian system tray (i dekstop screen mawng kil dinglam sana awmna bul vel) ah khan keyboard lem te takte alo lang anga, chumi chu click la, chutah chuan US tih leh Mizo - customized by Kenny tih alo lang anga, Mizo zawk kha thlan mai tur a ni. US kha default a ni e.

Enge maw vanga a keyboard lem te reuh te chu a rawn awmlo a nih chuan Windows key (Cntrl + Atl in kara mi) leh R hmet kawpin lo Run window lo pop ah khan "intl.cpl" tih hi chhu lutin 'Regional and Languages' box a rawn chhuak ang a, 'Keyboards and languages'  tab ah khan i kal anga. Change keyboard tih aṭang khan thlak theih a ni. Tichuan, Language bar (keyboard lem tereuhte) kha taskbar a lang reng tawh ang a. CTRL+SHIFT hmangin.. English US (default) emaw Mizo - cutomized by Kenny emaw i layout i thlak zung zung thei ang. Entirnan: Facebook ah News/Article i post dawna, MKlayout i hman duh chuan i thu chhutna tur kha mouse in zuk click zeuh la Ctrl + Shift i hmet zeuh anga MKlayout hmangin thlukna, ₹ leh Ṭ te i chhu par par a, $ sign hman lo ngai dawn ta thut se Cntrl + Shift i hmet zeuh anga US (Default) ah kir lehin ₹ aiah $ a lo awm leh tawh thung mai ang.. I hrethiam turah ngai phawt ang.. I hriat thiam loh lai chu comment hmangin i rawn zawt leh mai dawn nia..

Tin, picture a mi ang khian Keyboard lem hmangin a key hman dan guide pawh a awm nghal a. Mahse sawi tawh ang khan ka tlaivar zana ka siam a nih vangin khi ai mah chuan a chunga hman dan aṭang khian a chiang zawk mah ang.. A Keyboard key khi en ula, hmeh tur a awm nuaih khi, Right Alt + Cntrl + Shift + Key tih te a ni nuaih a. Ka customize lai hian Right Alt = Cntrl + Shift tur angin ka siam tih kha khing file ka archive dawn lai khian ka lo theihnghilh pek a.. Inbuai loh nan he blog a mi hi a guide ah chuan ring zawk mai ru :D

Facebook-a limit awm lova hmingthlak dan!

WARNING: Limit pelh tawh hnua a hming thlak dawn hian facebook passwords thlak zel a ngaih a vangin  i password thar i theihnghilh palh ah mawh ka phur dawn lo a nia!! :D

Thui taka ziah ngai chi ni lo mahse he post hi ka blog-a ka post tawh zawng zawngah chuan min tibuai nasa ber a la ni hial awm e! A fiah leh chian zawkna turin picture nena tih ka duh si, picture-ah ka account info tam tak a lan tel dawn avangin hack tawh palh thil thu ah fake in a lang tur chin zawng zawng kan siam phawta, chutah picture tur ka shot zawh vekah a ngaiin kan thlak kual leh vel a.. A post thu tur chhut hma ngawtin darkar ka seng tling hial nia maw le!!

A hmasain kan chian zawk nan picture atang hian han en hmasa ila, reference ah kan la hmang zui dawn nia

Picture 1

 Picture 2

 Picture 3

 Picture 4

 Picture 5

 Picture 6

 Picture 7

 Picture 8

 Picture 9

Steps:

i) Account settings >>>> Name Edit >>> I hming list lo awm tawhsa listed atang khan i hming thlak tum phawt rawh. (Picture 1 a mi ang khian a lo awm ang)
 

ii) Page chunglam ding lam sira General tih hnuai chiaha mi khi Security tih kha click rawh. (Picture 2 a mi ang khian, a in load zawh chuan Picture 3 a mi ang khian a lo awm ang)
 

iii) 'My Account was Hacked' tih kha 'Reason for Leaving' ah thlang ang che (Picture 3 a mi ang khian)
 

iii) "You can secure your account here." tih box lo awmah khan 'Here' kha i click ang. (Picture 3 ah mi here tih ang khian)
 

iv) Here tih ah i click chuan Picture 4 a mi ang hi lo awm anga continue tih kha i click leh ang.
 

v) Continue tih i click zawh chuan Picture 5 ang hi a lo awm leh anga, Continue ah bawk i click leh ang.

vi) Password thlakna tur (Picture 6 a mi ang khi) a lo awm anga, Facebook-a password i la hman ngai miah loh password thar i hmang anga, i continue leh ang

vii) E-mail password thlakna a lo awm leh ang a (Picture 7 a mi ang khian), i account him loh vang nilova i hming thlak duh vang hrim hrim a nih chuan continue ah bawk khan i click leh ang. Chuti ni lova an hack vang che a nih chuan (change password) tih kha click in i email password i thlak fel phawt anga, chu mi hnu-ah continue chu i click chauh dawn nia

viii) Account verified na tur a lo awm anga, continue ah bawk i click leh ang (Picture 8 a mi ang khian)

ix) Hmingthlakna tur (Picture 9) a mi ang khian a lo awm anga, i hming tawpa change tih kha i click chuan hmingthlakna tur box chhawng 3 (1st/2nd/3rd name ziahna tur) a lo awm anga, i duh ang zana i fill up hnu-ah submit/change i click anga, picture 9 a mi ah hian a let leh anga, chuan continue i click dawn nia.

x) Tichuan login na tur a lo awm leh anga, login tih kha i click chuan i hming thar nen Facebook-ah i login vang tawh mai dawn a ni.

Mahse kan ti leh hram teh ang, facebook hian an setting an thlak reng avangin tihdanglam leh hun te pawh an la nei thei a, chu mai bakah password te pawh thlak phal chin an siam leh tut thei bawka, chuvang chuan loh theih lovah chauh lo chuan limit pelh tawh hnu-a hming thlak chhen loh hi a him ber tih erawh kan hre dawn nia.