Android mobile buaina tlanglawn leh a chinfel dan

Android mobile te hi smartphone a nih vangin ho taka buai thei a nih rualin buaina tam zawk hi ho taka chinfel theih deuh zel a ni a. Heng harsatna chinfel dan hi hre lo kan awm takin a bangbo zawkte pual liau liauin kan post ve hrim hrim ang e. Țangkaipui kan awm tak mialin..

PlayStore buaina:
A țhen chu a in load vung vung/char char ringawt a, inhawn lovin a var hlung emaw a dum hlup emaw a ni tlangpui. Tin, chubakah net chak lai pawn network țha lo angin error a awm țhin.. Hetiang hi chhan chi hnih awm thei langsar deuh a awm a. Chungte chu:

1. Non-Root Device: Mobile root access nei lem lo tan chuan he buaina hi chinfel har lo tak a ni. Mobile Menu > Settings > Apps > All > PlayStore (device țhenkhatah chuan Settings zawhah hian Advance Settings emaw Manage Apps ah emaw luh leh phawt a ngai țhin) ah luh a, Cache clear a, data clear lehin a hman leh theih nghal tlangpui. Chuti chung pawha a la dik loh cheu chuan tih țhat leh a, tih zawhah PlayStore hawn hmain a hnuaia mi te hi
- Google Play Services
- Google Services Framework
PlayStore ang bawka cache clear in mobile restart/reboot zui nghal mai tur.

2. Rooted Device: Root user kan niha, step 1 khian kan harsatna a solve lo a nih chuan eng application emaw hack version kan hman vang emaw, ads paih tura host tih danglam vang emaw leh thildang vang a ni thei tho bawk. A tlangpuiin host in google PlayStore in google play a access kha a block a ni fo țhin. Chutiang a nih chuan Host Editor hi a apk in he post 'Google Play application apk a download dan' ami ang hian download a chinfel theih a ni a. Chutiang bawkin ES File Explorer nei tan chuan heta 'Host dik lo hi' ami ang hian chin fel mai theih a ni bawk.. Host ațangin 'android.clients.google.com' tih awmna line kha paih mai tur a ni e.

Insufficient Space buaina:
Android Device hi a tlangpuiin inbuilt/phone memory leh SD Card memory hmang kawp thei a ni tlangpui zel a. Chung hmun pahnihah chuan Storage Location eng anga lian pawh la nei mah ila, RAM overuse vang leh hnawmhnawk kan hriat miah lova kan lo chhek khawl hnem avangin he buaina hi thleng fo vang a ni. Kan hriatthiam theihna atan chuan System RAM kha 1GB ni ta se, kan app install apiang khan RAM a ei hek zel avangin leh RAM in a zawh bak chu install theih a ni lo a, update theih a ni hek lo.. Chutih rualin photo/video editing app (360, PicsArt, Instagram, HD Video Editor, Vivo, etc) te kan hmang a nih chuan Random Access Memory (RAM) khan kan khawih hnu kha kan mamawh leh takin tiin eng emaw chin a lo chhinchhiah țhin a, chu chuan RAM consumption țul lovah a tisang uchuak thei viau a.. Tin, market (PlayStore, Mobogenie, Blackmart etc) ațanga thil kan install in, chutiang deuh bawk chuan a lo chhin chhiah avangin Trash file hi clean ve reng loh chuan he buaina hi awlsam te a neih theih a ni. Mobile nung, kan hman ve reng hian system trash tam tak a siam ve a, chung pawh chu paih loh rei a nih chuan RAM mai bakah Storage pawh a tipung thur thur thei a. Camera a thalak save theih loh te, app engmah install leh update theih loh te, mobile tang chuih chuih leh muang em em thlengin a thlen ve thei.. Hei hi a hranpa a clean dan sawi mah ila, ka hrilh tum ber, bangbo zawkte tan hian a harsat dawn avangin a hnuaia application pahnih hi ka suggest mai ang a, a hnuaia khawi emaw zawk zawk hian an lo inthianfai thei mai turah i ngai phawt mai teh ang.
- CCleaner
- Du Speed Booster

PlayStore App Download/Update buaina:
PlayStore hawng thei vek siin chhan hrang hrang vangin app install leh update hi a theih loh ve țhin tho a, chung harsatna tam zawk chu hetiang hian chinfel theih a ni.
1. PlayStore Buaina point number 1 ami ang khian.
2. PlayStore hawng la, Settings ah lutin History kha clear teh.
3. Insufficient Space vang a nih chuan a chunga khi i harsatna chinfel dan a awm khi aw.

RAM heh lutuk buaina:
Hei hi chu kan buaina a ni tlangpui a, tlema mahni inhaikaw thei chin tan chuan RAM Expander hmang hian chinfel mai theih a ni a. Mahse chu chu a bangbo zawkte tan a u deuh hret dawn si.. Chuvangin a mawlmang ber te pawn kan thiam theih turin hetiang hian i sawi mai teh ang. RAM heh lutuk hi SmartPhone nihphung a nih vangin buai loh tur a ni a. App kan install te hian kan hriat lohin RAM hi an eihek ve zel avangin a management lam kan uluk a ngai ta a ni. Hetiangin:
1. Application kan hman țangkai lem loh tur leh hman duh zen zen loh tur hi chu install lovin a apk khan dahțha ta mai ila, hman duh hun huna install a hman zawh huna uninstall leh mai turin.
2. Țhiante hman ang leh neih ang apiang hman ve a neih ve tum ngawt lovin ka mobile hian a zo ang em? Ka tan a aia ka țangkaipui zawk tur app install duh ka la nei ang em? tih ngaihtuah ranin țul lem lo install ve ngawt loh hi a him. App install a tlem poh leh RAM consume a tlem si a..
3. Editing App kan hman reng rengin kan thlalak/video edit zawha kan save fel hnuah PlayStore buaina ami ang deuh khian Cache leh Data clear zel theih a fuh. Entirnan: PicsArt hmanga thlalak edit chuan a save zawhah Mobile Settings > Apps > Downloaded > PicsArt > Clear Cache & Clear Data a apply nghal dawn tihna a nih chu..
4. Insufficient Space buaina a app 2 kan inrawn zinga khawi emaw zawk zawk hman mai khian a thenfai a sam bawk.

AdWare buaina:
A hmain hemi chungchang hi post a nih tawh tho avangin a thara ziak lovin post hlui ka dah anga, duh zawk zawk click mai tur a ni e. A hnuaia mi hi i chhiar duh zawk i click mai dawn nia
- Android AdWare hluar mek leh a chinfel dan..
- Stubborn Trojan Killer

Rooting buaina:
Android hmang thar hi kan awm zel a, Root chungchang hrechiang duh leh Root ve duh pawh kan awm ve zel a. A bangbo zawkte tan blog post lo awm sa hi ka dah ang a, duh zawk zawk kan click mai dawn nia
- Rooting hi!
- Computer tel lova Android mobile root dan leh root hnua tih ngei ngei tur te!

Pattern Lock buaina:
A khat tawkin he buaina tawk pawh hi kan awm reng si a, kan awlsam zawkna a nih ringa post lo siam tawh hi ka dah tel ang a, a mamawh chuan click mai tur a ni ang..
- Pattern Lock i tihbuai palhin..

Buaina kan neih leh tawh a in ang si lova, vawikhata ziah vek sen pawh a ni lo. Chuvangin Android Hmangchang Blog Post in a post zawng zawng hi bookmark keuh mai ila, post hlui haina'n leh post thar la awm tur en zelna atan pawh a țangkai ngei ang..

A tawp kharna atan, inzul chiah lo mahse Hmangchang Blog in Mizo mipuite tana hman nuam zawk tura Application a tih danglam (Modded), a chhawpchhuah țhenkhat te hi kan dah tel ve a nge..
- ZoShare: Mizo android user tana chak taka thil inthawnna!
- Bumble Bee - Mizo Version TTPod
- Hmangchang: Mizo Android Application
- Mizo Bible: Latest Version
- Mini Messenger

I hlawkpui ngei beisei chungin tun țum atan chuan i duhtawk leh phawt mai ang..

Nang, malsawmna ni ang che..

In țhian,
- Muankima Khawlhring

Mini Messenger!

MINI MESSENGER CHU ENGNGE!?
Mini Messenger chu Facebook Messenger, RAM leh Storage nei lian vak lo te tana hman tur bika ka siam danglam ve a ni a. Data pawh a pangngai aiin a heh lo fe zawk tura ngaih a ni. Mahse Android OS eng engin nge support test turin keimah ber nuamsam lovin ka mu bul mai si a, țhiante rawn leng an awm si lova tihian ka rawn chhawpchhuak ta phawt mai. Kitkat leh a hnuailam chuan a support ngeiin ka ring a, Lollipop leh Marshmallow erawh ka chiang ngam lo. Chutih rualin a size lian lo tur leh RAM heh lo tura compressed nasat a nih avangin Messenger pangngaiin a tih theih țhenkhat erawh a ti ve thei lo nual dawn tih erawh hre tel ta ila..

Facebook Application hi Android user tin chuan kan hmang tlangpui hlawm a. Version thar hova like button long press a interact/react theih tura an siam hnu phei hi chuan a version thar hi hman kan duh țheuh hlawm a. Mahse, chumiin a ken tel chu Messenger install ngei ngei ngai hi a ni. Messenger ngai lo tura hman theih țhin Facebook Chat Enabler leh MK Notepad Magician te pawn Facebook Official App version ah hian lukhawng a nei ta si lova, chuvangin Mini Messenger hi ka buaipui phah ta a ni..

TUTE TAN A DUAN NGE!?
1. Messenger hi message chhiar leh reply na atana hmang zeuh zeuh chauh țhin te
2. SmartPhone man tlawm zawk, RAM 1GB leh a hnuailam mobile hmang ho tan te.
3. Storage location nei lian lem lo te tan te.
4. Messenger data heh lo zawk mamawhtute tan..

Sawi tawh angin facebook team lamin an application an update chho mawlh mawlh a, a apk size pawh a lian tawlh tawlh zel a. A apk size lian nafam hi chuan storage location a heh zel a, chuvang chuan automatic in RAM a ei tam nge nge țhin. Free storage space 14GB chuang pawh la nei mah ila, kan mobile RAM neih kan over-use palh a nih chuan engmah install belh theih lohin, app install sa ho update takngial pawh a theih loh țhin a. A tlangpuiin RAM kan hman tam nafam hi chuan data pawh a hek zawk nge nge bawk si.. Chu mai bakah Free RAM space tlem lutuk chuan mobile a timuangin a tichang chuih chuih thei a, rei tak tak in load vung vung te a awm phah thei..

Facebook official app latest hman duh chuan, app dang install ngah tan phei chuan messenger hian hmun a chang lo fo a, inbox en turin browser kan hman phah a ngai fo. Chu harsatna chu tu emaw tan tal a lo sut kian takin tiin he Mini Messenger hi ka buaipui ta a ni. Sawi tawh angin ka siam ni lovin Facebook Team te siam sa messenger ka tih danglam ringawt a ni a. A apk size hi 2.84mb lek a ni a, install nan location storage 8mb vel mamawhin log in hnuah 10mb vel RAM a hmang ve. Hei erawh inbox a i thil thawn leh dawn a zirin a RAM hman zat hi chu a danglam nual mai thei bawk..

VERSION 999.2.12.81 MINI HI!?
Nia, he Mini Messenger version number hian rilruah zawhna a awm tir nghal mai thei. A version number hi tihdanglam loh chuan update thar awm thu a lo lang reng a, a ninawm bakah bangbo zawk, update lo click palh ten Messenger pangngai an hman phah leh thei si a tih thuah a number hi sang taka ka dah luih mai mai a ni e. A package name (com.facebook.orca) hi tidanglam ila chu version 1.0 anga dah pawn update thar awm thu lo lang lo tur a ni a. Mahse tihdanglam chuan Facebook App nen a inzawm leh thei dawn si lo. Chuvang chauha a version number hi tidanglam mai ka ni a. Hlauhthawnna tur a awm lo..

INSTALLATION GUIDE
1. A hnuai ațang khuan Mini Messenger apk i download ang.
2. I download zawhah install rawh.
3. Mini Messenger i install chu hawng la, i fb login details hmangin login rawh.
4. Facebook App hawng la, inbox button kha han click mah teh..
5. Facebook App nena message dawn thar notification lo kal kawp i duh loh chuan facebook app zawk kha settings ah lutin notification option an message kha i uncheck/untick mai dawn nia.

PS: Install ringawt mah la i login hma chuan facebook ațangin inbox i hawng thei chuang dawn lo tihna a nih chu.

ABOUT:
Application Name: Mini Messenger
Application Version: 999.8.12.81 Mini
File Type: .apk
File Size: 2.84mb
Download: CLICK HERE TO DOWNLOAD

I support ve leh ve loh chu nangman lo chhin tawh mai rawh.. Țangkaipui mi tu emaw tal an awm beisei chungin i duhtawk leh phawt mai ang..

- Muankima Khawlhring

PlayStore hmang thei lo te tan..

A hmain Facebook Page lamah ka post tawh a, kan lo hre leh hlawm tawh lo nge buai kan la awm nawk mai.. Kan flash nawn leh zuai zuai ang e..

1. PlayStore hi a tlangpuiin latest update apiang a chakin a rang deuh zel a.. Old version ațanga PlayStore access hleihtheih loh lai pawha latest version ațanga access theih leh mai țum tam tak a awm țhin.
2. PlayStore ațanga application install/update hian apk anga a download loh avangin Mobogenie market te aiin 'net stable a ngai zawk mahin, apk a download hmasa phawt țhin market te ang lo hian non-resumeable a ni bik bawk.
3. Internet connection țha tak ațanga PlayStore error case tam zawk hi chu PlayStore Data & Cache clear in (Menu > Settings > Apps > PlayStore > Clear Data > Clear Cache in a solve theih tlangpui a, a clear dan hi device a zirin a dang hret mai thei)
4. Root user tan chuan virus leh hosts hmanga ads blocked vangin PlayStore hi a in blocked palh thei a, chutiang chu facebook page lama a guide ka post sa hmang hian solve mai theih a ni..
5. Mizoram ang 'net stable lohna hmun ațang chuan Wifi/3G kan hmang a nih lem loh chuan application lian deuh download tur chuan Apk anga download phawt țhin market ho (Eg: Mobogenie) hman hi a fuh zawk mah.

Tin, Internet error reng reng hian error code an nei deuh zel a.. I error code chhinchhiahin google la, a chinfel dan zawnhmuh a awlsam zawk fo a nia..

Google Play application apk a download dan.

Kan ram ang, 'net chiangkuan lohna ramah hi chuan mobile device PlayStore hmanga application install leh update te hi a harsa hle mai a. A download zo ve țhak a, install dawnah download laia 'net muan vanga file a lo corrupt vangin 'Parsing Problem' kan nei leh a, țul lovah kan hun, battery leh data a hek phah fo țhin. 2G hmang ho tan chuan application update awm ngun lutuk te hi, a thar kan lo duh ve zel bawk nen, buaina tham a ni ta reng a nih hi...

He problem hi i tawng ve a nih chuan hetiang hian lo ti ve mah teh..

STEPS:
❂ Google Play ««« hi click in Opera emaw Chrome hmangin lut phawt rawh. (UC Browser or UC Browser Mini chuan a applicable lovang!)
❂ I application install/update duh chu search box ah khan type in zawng la, a result lo display ațang khan i application zawn ber chu click in lut leh rawh.
❂ Goople Play application installation page i luh fel hunah a page link kha URL box ațang khan copy leh rawh.. (4 eg: https://play.google.com/store/apps/details?id=com.facebook.orca).
❂ Evozi Downloader ««« hi click in, duhthusam chuan UC Browser or UC Browser Mini in, hawng la; google play url tih hnuaia box chhunga thu awmsa kha clear vekin i link copy chu paste rawh.
❂ Tichuan generate download link kha i click leh ang a, kha application kha apk a download turin a in generate ang.
❂ A in generate zawhah apk format in i download keuh mai dawn nia.

✉ Duhthusam chuan Evozi downloader khi UC Browser emaw UC Browser Mini emaw hmangin hawng thei la a țha hlei hlei! Apk format a download hun chhung hian validity a neih avangin 'net muan uchuakna ațang chuan a download zo hman țhin lova, UC i hman chuan 'Click here to download' tih i click hnu khan 'Download' leh 'Cloud Download' thlan tur awmin a rawn prompt anga, Cloud Download kha select la, i la sign in ngai loh chuan sign-in with fb hmang khan i sign-in mai dawn nia. Gmail leh in sign-up chawp pawh khan a theih tho. Tichuan i apk file download tur chu UC uDisk cloud storage ah i save hmasa phawt ang a. Tichuan, View download process kha click in i apk download tur chu i en ang a, a file a len lem loh chuan a lo complete nghal mai ang a. A len viau chuan nghah deuh hret a, refresh/reload zeuh zeuh pawh a ngai mai thei bawk. A complete hunah apk file hming hnuaia download tih kha click in hunbi tiam awm lovin, 'net muang elkhen ah pawh i download thei mai ang..

Apk file anga download chuan mobile browser download manager in a lo boost ve avangin download a chak zawk a, 'parsing problem' pawh a awm tlem zawk nge nge a nia.

I hlawkpui ngei beiseiin duh tawk leh phawt mai ang.. ^_^

Android Market ṭha mi: A thlawna Paid App download-na hmun - BlackMart bihchianna

Khawvel thang zelah mobile user tam zawk mahin Android kan hman tak suau suau ah chuan Android hmangchang ka telh ta zeuh zeuh reng a, undroid user ten min lo hrethiam dawn nia.. A hma a he blog a ka post Blackmart chungchang kha ka delete palh vangin ka post țha leh ta mai..

Android tan hian market hran hran hi a tam hle mai a.. Kan sawi vek seng lovang.. Google Play ai maha ka hman rim zawk, keima ngaihdan bikah phei chuan 'the best android market' BlackMart hi i han belchiang dawn teh ang! Mahse 'net chak deuh a mamawh tih erawh hre tel ta ila..

Tam zawk chuan kan hre tho anga, a la hre lo te pual liau liau in aw.. A awlsam zawngin Android Black Market ti ila a chiang mai awm e. Google Play a application pro version tam tak, a leia lei ngai ho pawh hi man lova download tur a awm nawlh nawlh a, Google Play a awm lo te pawh a awm nawk bawk. Chutih rualin Google Play aia outdated zawk application pawh tam tak a awm bawk. A hmangtu apiangin application an upload in an download thei a. Application in share tawnna tha tak a ni deuh ber zawk awm a sin..

Google Play nen a in an lohna langsar tak chu, a application hi i hawn lai a nih ngawt loh chuan application update notification i dawng ve kher lovang. Tin, application nazawng hi Play ang thovin a description chhiar chiang lo chuan download ngawt loh a fuh. Lem tak tak atanga tha tak tak thlengin a awm si a. Launcher, Keyboard, Messenger, Games, Browser, Media Player.. etc neuh neuh chi hrang hrang a tam ngang mai..

Google ah i mobile browser hmangin i application mamawh a expert ten top 5 an thlan te search hmasa la, an description atanga i duhthlan ho kha he market ah hian zawng mah teh. Pro version ho pawh a awm deuh zel a nia, a awm kim vek hauh lo nachungin..

'Install rawh, install suh..' ka ti lova, i duh viau ang ka tihek lo. Duhdan in ang tlat hek lo le! Mahse kei chuan Android user tan chuan application/market neih tel ngei ngei chi ka ti!

Click »»» HERE ««« to download.

Or

For more, click »»» HERE

Youtube Tutorial: Watch here or below

A setup dan kan hre lo emaw Oreo leh a chunglam OS kan hmang emaw a nih chuan Youtube tutorial hi enin heta mi ang hian kan install in kan setup mai dawn nia..

A hre zawkte sawi zui atan duh tawk phawt ang.. I hlawkpui ngei beisei chungin..