MKSS PACK - S40 SCREENSHOTER

Khawvel changkang zelah a tam zawk mahin Android, Windows leh iOS vel hmang fur tawh mah ila, S40 (Java) mobile hmang pawh tam tak kan la awm a. Chung ho pual liau liau chuan aw..

UC Browser i ngaina a, i java mobile atanga i screenshot ve duh a nih chuan i tan thu lawmawm tak a nih ngei ka beisei! A chhan chu java mobile tana version chikimin (Cloud Version huam lovin) ka rawn chhawpchhuak dawn tlat a lawm..

Kan hriatthiam zawkna a nih beiseiin tihian ka rawn thliar ta mai:

1. Java Universal: Java phone, memory pangngai deuh chin atanga a changkang ber thleng deuhthawin a hman theih, Java unsigned version 9.4.1.377 (tuna a thar ber ni mek) kha a ni a. I hman thin ang a nih chuan a hnuaiah hian click in i download mai dawn nia.
File type: .jar
File size: 486.2kb
Version: 9.4.1.377
Click » HERE « to download.

2. Java Signed: Java mobile thenkhat, memory pawh pangngai tak tho si, Universal version hmang ve thei lo te hman turin signed version hi siam a ni a. Nokia, Sony Ericsson leh phone thenkhatah heng hi a awm nual. He signed version 9.4.1.377 hi tuna a thar ber niin, a duh tan a hnuaiah hian download mai theih a ni e.
File type: .jar
File size: 472.4kb
Version: 9.4.1.377
Click » HERE « to download.

3. Java Lite Universal: He version hi chu a chunga mi version chi hnih hmang thei lo ve ve khawpa memory te deuh ho [Eg: Nokia 6070] tana siam a ni a, he version 7.2.0.46 hi Lite Universal ah chuan a latest ber a ni. A duh tur chuan a hnuaiah hian download mai tur a ni e.
File type: .jar
File size: 143.9kb
Version: 7.2.0.46
Click » HERE « to download.

4. Java Lite Signed: Java phone ni tho si, memory nei te ve tho si, Lite Universal hmang thei ve lo [Eg: Nokia 1680c] te puala siam a ni a. Hei hi version 7.2.0.46 niin Lite Signed zingah chuan a thar ber a ni.
File type: .jar
File size: 143.9kb
Version: 7.2.0.46
Click » HERE « to download.

Mahni mobile mil tur chu lo inzawn ve mai tur a ni e.. A hnuaia hi hriattur pawimawh dang a awm a, hei hi chhiar chiang ngei ngei ang che, MKSS hi i hmang dawn a nih ngai chuan..

MKSS GUIDE:
1. I install zawh ah application zawnah scroll thla la tichuan:
- Options » Application access » Communication » Network access » Ask first time only select la
- Options » Application access » Communication » Connectivity » Ask first time only select leh rawh.
Tichuan, net access lo dil reng che leh net pack balance lo pop reng kha i pumpelh thei ang.

2. Screenshot key ah Green Call Button kha hman a ni.

3. Screenshot settings menu atan '0' key hman a ni a, i thlak duh chuan a hnuaia number i duh ber hi i barh mai dawn nia:
-10 = green call key
-12 = menu key
- 8 = back key
42 = '*' key
35 = '#' key
48 = key '0'
49 = key '1'
50 = key '2'
51 = key '3'
52 = key '4'
53 = key '5'
54 = key '6'
55 = key '7'
56 = key '8'
57 = key '9'

4. Screenshot picture te hi memory card ah a in save tawp a, album bik neih tir i duh chuan application i hawn tirhin save path  'file:///E:/MKSSUC Browser_' tih lo awm khan MKSSUC Browser_ i folder thlan duh hming kha i type anga /# in i zui tir mai dawn nia. For Eg: file:///E:/ScreenShot/#

5. Shot theih loh palh a neih palh chuan, exit la, hawng tha leh la, screenshot settings i duh ang thlapa set in i shot leh mai thei ang..

I lo chhawr tangkai ngei beisei chungin duhtawk leh phawt mai ang.. Enjoy

S40 mobile tana UC Browser chak ber leh screenshot thei chu!

He UC Browser hi S40 Mobile ka hman thin laia ka customized ve a ni a, version 8.9 kha a ni. Mahse a chak thei ang ber tura optimized (Turbo Boosted) a ni a, S40 ho tana screenshot ve theihna tura duan a ni. Mahse eng model in nge mil tih chiang takin ka sawi ngam lo erawh min hrethiam ru. Nokia S40 hman tlanglawn ho ah hi chuan a hman theih deuh vek turah erawh ka ngai..

Rin aia min hlutpuitu an tam vang leh blog post a dah tel tura min ngen tak nual ah chuan, tlai khawhnu ah ka rawn post tha leh ta a ni e.. Chak zawka net i browse theih phah ngei ka beisei.. Enjoy..

FEATURES:
✆ Icon ah v9.0 icon hman a ni.
✆ Application inhawn laia loading background thlak a ni.
✆ ScreenShoter bilh tel a ni.
✆ Turbo Boosted a ni.

GUIDE:
✆ Click here to download hi click in download rawh.
✆ I hman dawnah memory data leh network access permission a dil ve ve ang che a, i YES ve ve mai dawn nia.
✆ Tichuan Dial Button hmang khan i ScreenShot ve thei ang.
✆ 123abc(T9) keypad ah chuan * hmet vang vangin ScreenShot settings a en theih ang.
✆ Qwerty keypad atang chuan long press ni lova * symbol hmetchhuak tura i key hmeh thin pahnih kha (* leh NE Arrow/Number/Upper Case key) hmet vang vangin ScreenShot settings i en thei ang.
✆ Folder awm sa ah i save duh chuan ScreenShot Settings ah lut la, default saving location file:///E:/ScreenShots/UC BrowserScreenshot_ tia lo awm kha tihian i edit mai dawn nia ☞ file:///E:/folder/thlalak_

I hriattiam theihna'n -
◌ Folder: folder tih aiah khian i save na tur folder hming ang chiah chiah kha type rawh.
◌ Thlalak: thlalak tih inziak aiah khian i screenshot huna a in save dan tura i hming duh.

✆ Touch ho ah chuan ka la test lova, a settings luhna ka la hre lo.
✆ Qwerty/mobile thenkhat ah chuan : leh / hi ziah zawm chuan auto in smiley ah a chang zela, saving location ah khian hman kawp a ngai si a, chung ho chuan auto a smiley a chang zel tur kha an turn off loh chuan an ScreenShot ve thei lo mai thei.

WARNING:
"Ka hmang ve thei ang em?" tih ang chi kha chu lo zawt tawh lo teh u. A hre duh chuan try mai ila, duh loh leh try lo mai ang u...

UC Browser Download Hmangchang!

A hma in ka share tawha, mahse min zawt leh ta tluk tluk hlawm mai. Min rawn call ho khan hei le in chhanna. UC Browser hmanga thil i download dawn chuan, Install, Save leh Offline Download tih i hmu thin ang. Tam takin an hrethiam lo fo. Kan sawifiah leh zuai ang e.

☀ Install: I mobile memory ah (Applications Folder chhungah a ni tlangpui mobile hran hranah pawh) direct in a install ang. Heng ho hi chu mobile i reset pawn install that zel a ngai ang.

☀ Save: UC Browser download manager hmangin i duh duhna hmun thlangin i save thei. Phone ah emaw, memory card ah pawh. A folder nen lam pawh i thlang thei. Mahse i save chuan install lovin app file kha a save tawp a. Install tur chuan i rename a ngai ang. Entirnan: S40 (java/jar/j2me) mobile i hmanga, WhatsApp i lo save ta a. A file hmingah khan WhatsApp_S40_jar emaw a lo inti anga, i install duh hunah jar hmaa _ khi . in rename la, WhatsApp_S40.jar a lo ni tawh ang a. Tichuan a install nghal a ni mai. Mahse mobile nazawngah property rename hi a theih loh thung. 

A theih hlauh leh save khawmna tur folder siam la, install na tur folder siam bawk la. Tichuan i install dawnah i save khawmna folder atang khan i installation folder ah i copy lut phawt anga, tichuan installation folder a mi zawk kha i rename mai dawn nia. I mobile i reset pawn a hranpa a download ngai lovin i save/backup sa a mi kha i install tha leh mai dawn nia. 

☀ Offline Download: Hei hi chuan kha file kha UDisk ah a transfer ringawt, i duh leh UC pawh i closed san thei ang. I hman hun huna zawn buai ngai lovin i UDisk account a lutin i download thei leh mai ang. UDisk ah i signup hian 70MB thleng online storage (internet a dahthatna hmun!) i nei thei a. Chuvang in UC Install hlimah sign up ngei ngei hi a him.

Stay safe, unique & updated... Enjoy. :D

UC Browser Link Hmangchang!

A then then chuan hre tawh mah ila, hre lo kan la tam em vangin kan share ang e. Mobile atangin i lut tam zawk thin a nih chuan he thil hi a tangkai khawp ang.

Update ah emaw, post & picture in comment ho na ah, in thian dang te tel turin i sawm duh a, a nih loh vek leh, page update te, an zawn buai ngai lovin direct a an luh nghal na tur comment hmangin i thian te link i pe duh a nih chuan lo ti ve chhin teh le..

STEPS:

☀ Chu picture/status upload/update tu timeline/page ah chuan kal rawh

☀ I thian ten an lo en ve tura i duh chu zawng hmu phawt rawh

☀ Post mawng lama Like/Comment/Share tih lo awm ah khan Comment kha mouse in tin rawh

☀ 1 hmet rawh

☀ 7/View page info hmet rawh

☀ Tichuan picture a mi ang hi a lo lang anga, a hnuai zawk a mi, Link URL zawk kha i copy dawn nia. (A chung zawk atang khan update tu account/page link i hre thei bawk ang!)

☀ Tichuan kha link kha tupawh pe la, a click hawn rualin, direct in kha post bikah khan a rawn lut nghal tawp ang.

For Example <<< He link hi i click chuan direct in he post Facebook Page a post-ah i lut nghal ang, page timeline a lut hmasa lovin!

S40 Mobile atangin guide hi siam a ni a, mobile changkang, touch leh Querty hovah chuan a dang deuh mai thei. Mahse guide hmang hian zawnchhuah a har lo turah ka ngai..

Stay unique, advanced & updated.. Enjoy

UC Browser Hmangchang!

UC Browser hi mobile user tam zawk chuan khawvela mobile browser chak ber nia an sawi leh a sawi uar zual phei chuan 3G Speed Browser ti hiala an sawi a ni. A hma chuan UCWeb tih a ni ṭhin a, hman deuh lawk aṭang khan UC Browser tiin an thlak ta a ni. A hmang ve chhin duh chuan uc.cn ah download mai theih a ni e.

Midang hnenah a link kan hrilh dawn pawn hetia hrilh mai hi a awlsam. UC Browser ah pawh hian version hran hran a awm ang bawkin mobile version hran hran hman tur pawh a awm hrang ve thliah a. Chuvangin UC Browser Hmangchang han tih ngawt pawh hian a shortcut leh key-combination leh settings luh dan vel pawh a in ang kher dawn lo a, S40 Mobile (Nokia Java Mobile) hmanga he guide hi siam a nih dawn vangin he guide behchhan hian i lo inzawn chhuah ve tawh mai dawn nia, a inmil loh tak deuh leh.. A harsa lo turah ngai phawt ang. Tin, he guide hi post dang ang bawka a hmang ṭan tir, UCWeb a nih laia hmang hman ve lo, te tana siam a ni a, a hmang ṭhang chuan kan hriat tam tak a tel rualin kan hriat ngei ngei pwh vawi khat thil thu ah chuan ka ziak zo seng kher lo thei a.. Chuvangin midang tana luangchhuak turin comment hmangin in lo thawh zawm ve mai dawn nia :D

Initializing tawp thei lo hi!?

Hei hi hriat awl te si, mi tam takin kan hriat thiam loh leh kan hriat chak a ni. Mobile Browser dang ho hi chu GPRS Settings pangngai a connect/luh mai theih a ni a. Mahse UC bik hi chuan PC Suite hmanga kan connect ṭhinna Settings zawk kha a hman loh chuan a initialize zo thei lo a, a hman theih loh ti ila a awlsam mai awm e.

Entirnan: Vodafone ah chuan Access Point ah Vodfone Live! i hman pawn browser dang i hman chuan duh tawkin i browse thei, chutiang bawkin Airtel ah pawh Airtel Live! i neih chuan a tawk. Mahse UC chuan khn Access Point kha a hmang thei ve tlat lo. PC Suite in Access Point atana a hman Vodafone Mobile Connect/Vodafone Connect emaw Mobile Office/Airtel Internet/Mobile Internet kher kha hman a ngai. Service Provider dangah chuan UC Browser hi ka la hman chhin bik loh avangin ka hre mai lo, an lo buai ve lo thei tho bawk!

Voda emaw Airtel emaw i hmanga Initializing tawp thei lo vanga i buai a nih chuan heti hian lo tichhin rawh:
Menu >>> Settings >>> Configuration >>> Preferred Access Point kha en la Vodafone Live emaw Airtel Live emaw a lo awm chuan Vodafone Mobile Connect/Vodafone Connect emaw Mobile Office/Airtel Internet i hmang mai dawn nia. Heng Preferred Access Point hi a settings i la nei lo a nih chuan a hnuai a mi ang hian i chah thei ang. Settings i chah a, a lo thlen hunah PIN a request a nih chuan 1234 hmangin i lo save mai dawn nia.

Vodafone - SMS VMC to 52586

Airtel - SMS MO to 543210

Hetia i chaha Settings lo thlengah hian heng Access Point kan sawi hi a la rawn tel lo cheu a nih chuan a hnuai a mi ang hian lo siam chawp ve tawh mai rawh!
Menu >>> Settings >>> Configuration >>> Personal config. sett. >>> Add >>> Select Web >>> Account Name: Voda tan Vodafone Mobile Connect, Airtel tan Mobile Office >>> Back >>> Options >>> Activate.

I activate zawhah vawi khat i back leh anga Act. def. in all apps. tih kha i click anga, i Yes zawhah i phone i restart ang. Tichuan i hmang ve thei tawh mai ang.

"Allow Network Access" tih lo lang reng mai hi!

Allow Network Access. This application is not from a trusted supplier tih lo lang nawn fo ṭhin hi tam tak chuan tawng ve lo mah ila buai phah leh UC Browser hmang chak em em chunga nin phah tam tak an awm miau si a, sawi tel loh chi niin ka hre lo. Tin, hei buaina hi chu UC Browser kher lo; Opera, ebuddy, nimbuzz leh networking application dang ho ah pawh awmna a awm leh zauh zauh ṭhina, a tih reh dan ka sawi tur hi heng zawng zawngah hian a hman theih vek avangin a pawimawh leh zual..

UC Browser i dahna ah chuan lut la, i open hmain UC Browser zawn takah scroll thla la, a zawn taka i awm lai khan a hnuaia mi ang hi lo tichhin teh le: (Full Touch Screen ho ah chuan UC Browser kha zuk hmeh vang vangin a theih in ka ring!)
1. Options >>> Application access >>> Communication >>> Network Access >>> Select Ask first time only
2. Options >>> Application access >>> Communication >>> Connectivity >>> Select Always allowed
Hetianga i set tawh chuan a tira i luh dawna lo awm bak a lo awm tawh lo ang.

Facebook bookmark atanga hmun danga lut daih ṭhin hi!

Hei pawh mi zawng zawngin kan tawn lem loh thil tho a ni. Version ṭhenkhat ah leh product ṭhenkhat (a version in ang chiah ah pawh advertiement awm leh awm lo a awm ṭhin ni in a lang) ah chuan Facebook luhna tur bookmark lo awmsa han click hian facebook ni lo website danga a luh dih loh vek leh a sign in na tur a lo langa, han sign in khan kan homepage a kal lovin Facebook Page ah te kan lut hlawl ṭhin. Hei hi a chhan chi hnih a awm thei awm e. Sign in ruala Facebook Page a lut nghal chi kha chu kha mi product bik sponsored tu te khan an page kha Facebook bookmark ah an dah tir a ni thei a. Tin, website dang daiha lut ang chi kha chu advertiement i mahin a bookmark kha stick a nih loh vang a niin a rinawm. A chhan chu an hmingṭhatna tihliau thei zawngin a siamtu te hian bookmark an siam duh bikin a rinawm lem loh. Hetiang case hi i tawng ve hlauh a nih chuan a hnuai a mi ang hian i lo ti ve chhin mai dawn nia:
Step 1: Facebook bookmark kha mouse khan tin la
Step 2: I keypad a 1 kha hmet rawh (Touch ah chuan kha bookmark zuk hmeh vang vang tur)
Step 3: Option ah Open in new window, Stick leh Edit a lo awm chuan Stick kha i click phawt ang.
Step 4: Step 1 leh Step 2 ah kal lehin emaw Stick aiah Unstick zawk a lo awm emaw chuan Edit ah i lut ang.
Step 5: Address ah khan https://m.facebook.com tih i dah ang a, i save mai dawn nia.

Stick leh Unstick hi  a danglamna kan la hriatthiam loh takin
Stick - I address dah ang ang khan a awm reng ang
Unstick - I luhna hnung hnung apiang kha auto in a lo in bookmark anga, amahin a danglam ve zel ang.

Mahse, kan hriat pawlh loh tur chu, option ah Unstick a lo lan kha chuan Stick ah a awm mek tihna a ni a Stick a lo lan ve thung chuan Unstick ah a awm mek tihna. Chuvangin guide a mi ang khian tih mai tur. A awmze hre mang lova rin dan dana i tih kual chuan i buai phah hlauh ang e :D

Be a clipboard master!

Mi tam tak chuan UC Browser ti ṭuan ṭha bertu te zinga mi chu clipboard hi niin an sawi ve tlat! UC Clipbord hi a user friendly em avang hian a hmang thiam tan chuan ziah pawl, blank comment leh mi mention vel a ti awlsam bik em em mai a. chu lo pawh a dang tam tak la awm ang. Mahse idea kan neih theih nan leh clipboard hi fing taka kan hman thiam nan heng pathum bik hi entirna ang reng deuhin kan thlur bing ang. Heng entirna kan pek te hi a tih dan la hre lo tan chuan Facebook Hmangchang! hi click a en mai theih a ni. Tin, facebook guide chi hrang dang dang pawh a awm chip chiar ṭha hle a, facebook la hmang ṭan tir tan chuan chhiar ngei ngei chi a ni e :D

Clipboard i master theihn'n a step hmasa pathum te chu:
Step 1: @@[0:[0:1: ]] hi copy in i clipboard ah dah sa la, i ziah pawl duhna status/comment apiangah i paste anga, ]] tih hma chiah ah hian space awm lovin (entirnanan]]) i ziah duh chu ziakin i enter anga, a lo pawl phet phet tawh ang. Tichuan i duh hun hunah awlsam takin i ziak pawl tawh mai dawn nia.
Step 2: @[2: ] tih hi copy in clipboard ah dah bawk la, blank a comment i duhna status/comment apiangah i paste anga i enter mai dawn nia. Tichuan i duh hun hunah blank in i comment zung zung thei tawh ang
Step 3: Facebook a i ṭhian kawm ngeih zual ho chu an mention na tur code siam lawk vek la (a siam dan thaim lo tan chuan Facebook Hmangchang tih khi click-a hai chhuah mai theih a ni e), an hming nen save lawk sa vek rawh. Entirna'n: FB ah ṭhian kawm ngeih em em pathum Madiki, Rakili leh Jenny te i lo nei ta a. Madiki ID no chu 10000567 lo ni ta se, tin Rakili leh Jenny ID ah 10000568 leh 10000569 lo ni ta bawk se. A khawi emaw ber kha comment box ah khan a code i siam phawt ang, tichuan @ tih awm hma ah khan space pawh awm lovin a code neitu hming i ziak ang (a dang pawh i la siam ṭeuh duh thei a, i hriat pawlh lohna'n), i copy ang. I copy zawhah a ID i enna tura link i copy kha i delete nghal zel dawn nia. Tin, heng kan sawi zinga tel lo, i mamawh leh tawh loh tur apiang chu i delete nghal zel bawk dawn nia. Clipboard ah hmun awl a lo zau phah anga, code ready sa dah ṭhatna tur hmun i ngah ting tihna a ni mai. Chutiang chiah chuan a mal te te in i siamin i copy sa vek ang. I clipboard ah chuan a hnuai mi ang deuh hian a lo awm ṭhat tawh ang.
Madiki@[10000567:0]
Rakili@[10000568:0]
Jenny@[10000569:0]
Tichuan, i mention duh apiang khi i comment/status ah i paste anga, @ hmalam zawnga hming khi i delete leh zel ang. Vawi khat i siam tawh chuan i mention dawn apianga siam nawn ngai lovin i code dah ṭhat hmang khan kan sawi ang hian i mention pawp pawp tawh mai dawn a ni. Clipboard utilize dan dang chu lo ngaihtuah ve teh le.. :D

Be a Short-Cut master!

Version hrang hrang leh product hrang hrangah Short-Cut a in ang kher lo ang, eng version pawh hmang la a short-cut bel zel tum ang che, hun i heh loh zawkna' tur a ni si a. kn hriat thim theihhna'n tuna ka hman lai 8.3 a shortcut lar zual tlem kan dah ve hrim hrim ang e.

• * = Reload/Refresh (I page load mek kha network muan vanga a in load complete lo a nih chuan * button kha hmet keuh la, a in reload/refresh anga, a in load ṭha mai ang)
• # = Combination (Key 2 hmeh ngai chi shortcut ho i hriat duh chuan # kha hmet la a rawn intlar dal mai ang)
• 0 = Home (I facebook lak lawh lai leh i browse laklawh laiin Zero key kha hmet miah suh ang che. UC i hawn tirha lo inhawng, HOME ah khan i kir daih mai ang..)
• 1 = Action (1 hi i hmeh ve thung chuan  location a zirin a option hrang hrang a pe ang che a, tih duh i neih lem loh chuan close leh mai rawh.)
• 7 = Back (I page complete zawh chiah a kir lehna)
• 9 = Forward (7 hmanga i back hnu ah a ngaiah bawk forward leh i duh chuan 9 hmeh keuh a ni mai)

A boost theih reng em ni!?

UCWeb hun lai ata tawh UC Browser pawh hi Proxy hmanga tih chak leh zual theih niin an sawi mawlh a. Proxy address i ziak anga, space awm miah lovin : in i zawm tir anga, chu chu Proxy port in i zawm leh nghal ang a, chu chu UC Settings ah lutin Network ah khan i lut leh ang a, Proxy Server tih kha i tick ang a, a hnuai awlah khan i belin i save mai dawn nia. Entirna'n: Vodafone Proxy Address chu 10.10.1.100 a ni a, a Proxy Port chu 9401 a ni. Voda SIM hmang ten an bel tur chu 10.10.1.100:9401 tihna a nih chu

I service provider (SIM) Proxy Address leh Port i hre lo a nih chuan Mahni in GPRS Setting siam ang aw! tih ah hian lutin i en mai dawn nia.

UC Update Version Notice

UC Browser i hmang a, thawk leh khat ah a hnuai a mi ang hian a lo awm thut a nih chuan update version notice ah ngai hmiah rawh, version thar a lo chhuak tawh a ni duh khawp a nia:
* LIKE symbol te kha a lang dik thei lo emaw
* Image upload problem i nei thar thut emaw
* Comment/Post problem i nei thar thut a nih chuan.
* Image a load zo thei lo thar thut a, i reload pawha chutia a awm zel a ni chuan
Version thar a chhuak tawh a nih dawn hi ti in check ṭhin ang che.
Warning!: Update version i download in, i neih sa replace ngai suh ang che!

Version hlui leh Update version clipboard synchronise dan!

Version hlui zawk ah chuan lutin comment box ah khan clipboard a i dah sa zawng zawng kha paste vek la, Option > Editing Option > Copy all ang che. Tichuan browser close in update version zawk hawng la. Comment box ah lutin Option > Editing Option > Paste in a hlui a i dah sa kha i paste ang. Tichuan i thiam dan danin i customized tawh mai dawn nia.. Mi mention na tur code siam sa ṭeuh tan a uiawm duh sia :D

UC BROWSER TIPS DANG:
☀ UC Browser Link Hmangchang - Chhiar loh phal chi miah loh, UC Browser ti powerful tu pakhat chu!
☀ UC Browser Download Hmangchang - Install/Save/Offline download bihchianna

A chung chiah a mi ang hian tips thar lo dah belh zel tum a ni a, a sen ho khi i click chuan khi mi tips update page ah i lut ang.. Duh tawk phawt ang. Enjoy :D