ZoShare: Mizo android user tana chak taka thil inthawnna!

Mizo mipui nawlpui, harsatna hrang hrang vanga zirna lama dai thui lem lo te leh kum lama upa deuh te, IT lama bangbo chi ve hrim hrim te pawhin khawvel changkannain min nawr nasat em avangin SmartPhone hi kan hum ve ta fur hlawm a. Chung ho zinga a tam zawk mah chuan Android Device kan hmang tlangpui. Chuvangin Mizo Android user bangbo zawkte pual liau liau a hman tura ka buaipui ZoShare application chu ka zo fel ve ta a. Mi ngaiha thil hote mah nise, zirna leh thiamna nei hran lova inzir chawpa buaipui ka nih vangin ka buaipui rei ve hle mai a. Ka zo fel thei ta hi ka lawm a, thaw a veng deuh huai thei nia! Hetiang ti thei tura hriselna țha min petu Pathian hi a țha em a, hunawl min siamtu ka chhungte an fel em a, lawmthu sawina tur tam tak ka nei a ni. Ka tana malsawmna ni țhin te zawng zawng chungah lawmthu ka sawi e..

Engnge ZoShare chu!?
Wireless technology hmanga rang zawka file inthawn zung zungna tur a ni a. Mizo țawng vek a nih avangin nutling patling leh bangbo zawkte tan pawh hman thiam a har lo tura ngaih a ni..

Engnge ZoShare hamțhatna bik tur!?
1. SHAREit Mizo version ang deuha siam anih avangin ZoShare bakah SHAREit user te pawh a thawn theih ang.
2. Ultimate Version a nih avangin update dang a awm tawh dawn lova, lifetime validity a nei dawn a nih ber chu..

A nih SHAREit chu engnge ni!?
SHAREit hi platform hran hran (Android, Windows & Apple) te inhmanțawm theih chak zawka thil inthawnna application lar ber pawl a ni a. PlayStore lamah chuan tihian an insawi:
- Khawi hmun leh hunah pawh file inthawn zung zung theihna
- Bluetooth speed aia a let 200 a chak zawk
- USB leh internet a mamawh lo
- Android, iOS (iPhone/iPad), Windows Phone, Windows, leh Mac a la support zui.
- Ram 200 ațangin mi 400 Million chuangin an hmang tawh
- Ram 15 ațang a Google Play app download tu tam ber ni thei hial a ni!

【ZoShare features țhenkhat】
► SHAREit android application tih theih chu a ti ve thei deuh vek..
► Service provider lam network a mamawh lo
► File inthawnna chak ber
► Mizo file inthawnna application hmasa ber (hriat theih chinah)
► I mobile ami chu i thawn thei deuh vek
► A awlsamin a chak uchuak hle
► ZoCom: Computer nena file inpek tawnnan, usb port hman ngai lovin.. Presentation ah pawh PPT Control nan a la hman theih zui..
► ZoClone: Mobile hlui ațanga a thara contacts, SMS messages, MMS messages, music, videos, apps leh data  dang suan luh zung zungna atan.. (Game pawh level ngaiah a khelh theih dawn tihna a nih chu)

App Name: ZoShare
App Version: Ultimate
File Type: .apk
File Name: ZoShare_Ultimate.apk
File Size: 5.38mb
Download: CLICK HERE TO DOWNLOAD

Theih tawpin uluk ve mah ila, a thu nena inrem zat lo emaw, fuh tawk lo emaw awm palh thei a ni a, mahse theih tawp chuan ka uluk ve a nia.. Dik lo palh a awm chuan min lo hrilh zel thei ula ka lawm hle ang..

Bangbo zawkte tan, nang malsawmna ni ang che.. ✌😇

Android Device Manager Hmangchang

He application hi google in i lo him zawkna atana an launch ațanga kum 2 dawn a liam hnu, android device chhuak apianga an bilh tel hnu pawhin activate nachang hre lo kan la kat nuk tho mai bawk sia, a bangbo zawkte tan i han sawi zui ve reng reng teh ang.

Android Device Manager chu engtihna nge?
A awlsam zawngin i mobile i tihbo palh tak hlauha chhui chhuah a awlsam zawkna tur a ni a. Chutiang khawpa a thlawn liau liau a google in i himna an lo ngaih pawimawh sak lai che a activate nachang lo hriat loh kha chu a smart lutuk lem lo!

Engtia activate tur nge?
Tunhnaia android mobile chhuak hovah chuan an bilh tel nghal zel avangin Mobile Settings » Security » Android Device Manager ah kalin activate mai theih a ni a. Activate dawnah mobile țhenkhatah chuan on leh off tur chi option a lo awm țhin a, a lo awm chuan on vek mai tur a ni.

I mobile in a chhawmsa loh pawhin lungngai suh, PlayStore
« hi click in i install ve mai thei reng tho a nia.. I install zawhah a chunga mi ang khian i activate ve mai dawn nia..

Chumi zawhah i mobile zawn chhuah a awlsamna atan Mobile Settings » Location kha turn on la, Google History kha select ang che.

Mahse he thil hi phone bo thu hla-ah him zawk mahse, battery erawh tlemin a heh deuh zawk dawn tih hria la, duhthlanna chu i thu a ni e. Mahse, Police lam hian mobile bo a tam em avangin report lut nazawng an trace țha peih vak lo tih erawh theihnghilh lo la..

Activate hnu-ah lo bo ta se!?
I țhiante mobile ah Android Device Manager a awm chuan guest angin login la, i trace mai thei ang a. I computer-ah Internet connection i nei a nih chuan an Website « ah hian i gmail login detail barhin i sign in thung ang.

Tichuan a hnuai a mi ang hian option 3 i nei ang:
1. Ring: I phone chu ruk ni lova i dahna i hre lo emaw, a location map ah a ri i hriat phakna tur khawpa hnai anga a lang a nih chuan he option hi hman tur a ni. Silent ah pawh dah la a in ring chhuak tho ang. Mahse misualin an ruksak che emaw location map ah inla inhlat a nih chuan hmang ngawt suh, a rutu i ti ralkhel zo mai mai.. A switch off hmak mai ang..

2. Lock: Mobile i ti bo a nih chuan hei hi tih ngei ngei chi. I mobile chu a bo laiin screen lock lo dah lo pawh ni la device manager application emaw website zawkah emaw i sign-in hnu khan ralkhat ațangin screen lock i dah thei tihna a nih chu. Screen lock hi i set dawn chuan mobile number barhna tur a lo awm ang a, khatah khan i mobile lo chhartuin a rawn biak pawh theihna tur che number i dah dawn nia. Tichuan a screen lock hawng thei lo pawh nise kha number ah khan an lo contact thei tho ang che. Mahse hei pawh main balance i lo neih loh chuan a hman tlak chuang loh..

3. Erase: Hei hi chu mobile bo hmuhlet inrin tawh loh hnu a hman chauh chi. I mobile kha a factory reset tawp ang a. I application install sa zawng zawng, i login details, contacts, messages, call logs etc engkim kha a paih bo vek ang a. A lo chhar emaw rutu emaw chuan i lei tirh a mi ang khan engkim a tharin a set țhata a install țhat ve vek a ngai ang. Mahse hei hian memory card a mi engmah a delete tel lo tih erawh hre tel ta la..

I mobile location chu Android Device Manager application emaw website ah emaw i sign-in rual khan i en thiam mai turah ngai ta ila.. I tihbo hnua i buai lohna atan he application hi i activate a nih loh pawhin, a aia changtlung zawk a leia lei ngai pawh a tam a, a bo hnua i tana țangkai tur application eng emaw ber tal install lawk ngei ang che.. Lo fimkhur la, lo him la, lo hlim ang che.. 😂

#PS: Facebook lamin API thar an tihchhuah ruala Facebook Page Feeds an remove tak avangin Mizo Ai1 kha a hman theih ta hrih lova, he blog post bak update a lo lut thei tawh lo.. A dang muang marin a tharin ka lo ngaihtuah zel dawn nia.. Facebook Page feeds ringa application siam, a zuar a zuar ho phei chu an buai nasa hlawm ngang mai.. A leitu ten an hauh rawn mek khawvel hmun tinah.. 😂😂😂😂😂

Android App: ES File Explorer hi

ES File Explorer hi a thlawna android full-featured resource manager țha ber a chhal an tam hle a.. A hmangtu a zirin țangkaina hran hran a nei thei ang.. Chuvangin he Estrong ho siam application țangkai zet hi a nawlpuiin kan hman thiam theih tur leh țangkai tur awm chin user guide Mizo țawngin ka rawn ziak ta tawp mai a ni.

A famkim lovin a fun kim lo hle ang tih pawh ka hria, mahse ka țhiante ngei ngei pawn he File Manager install reng chung hian an hmanthiam loh vangin application țul lo an install phah fo a, system a tihek mai mai si a.. Ka lo uipui vangin tihian ka rawn ziak ve ta rawih mai a ni.

Heng kan sawi ho thiam vek tan chuan apk a backup na tur application te, file extract leh archived na tur application te, application install lai thawn chhuahna tur application te, system application uninstall na tur application te install tel a ngai tawh dawn lo tihna a ni..

He application hi khawvel pumah 200 millions chuang download hlawh tawh niin an sawi a, Android File Manager țha beraha an chhal deuh zel hlawm bawk! Tunah hian țawng 30 chuangin he application hi a support hial tawh reng a. Kan hriatchian loh leh hman thiam loh vanga "A ni bawk lo" lo tih san mai chi chu a ni lul lo..

He application hian a fawmkem hnem hwle mai a: file manager, application manager, taskkiller, cloud storage client (Dropbox, Google Drive, SkyDrive, Box.net, Sugarsync, Yandex, Amazon S3, Ubuntu One leh a dang dang nen pawh a in compatible a), FTP client leh LAN Samba client thlengin a kengtel vek a ni. Hem hem mai a! Mahse kan sawi tawh angin tun țumah hi chuan a nawlpuiin kan hman țangkai theih chin awm ang chauh kan sawi dawn tih erawh hre tel ta ila..

Chu mai a la hi lo, he application kaltlang hian i pictures, music, video, documents, leh file dang te pawh i Android devices leh i computer ațang pawn i access thei vek a, chung chu i țhiante hnenah Bluetooth, 3G, 4G, EDGE, or Wi-Fi hmangin i la share zung zung thei zui a.. Mahse a features tam zawk hi expert tan lo chuan sawifiah mai chi a nih loh avangin beginner's guide ang lek, a la belchiang lo leh hmang ngai lo te hriat tur awm tawk lekin kan ziak ang.. Feature ken tel in ang application chi hrang hrang kan install thuah țun lohna turin..

Click here to »»» Download ««« in apk.
Click here to »»» Install ««« from Play

He file manager hmanga i tih theih tlanglawn deuh deuhte chu:
- I application install sa chu apk in i backup thei
- Apk a backup miah lo pawn i application install sa bluetooth ah i thawn thei
- Zip/Rar file i extract in i archived thei
- Root user tan root explorer ah a hman theih a.
- Root user tan system application uninstall nan a hman theih a.
- host file edit nan i hmang thei bawk ang.

A lem hi en la, application install zawha open hlima a lan dan ang a ni a. Rawng eng, sen leh pawla in rin chhungah hian a hnuai a mi ang hian option i nei ang:

YELLOW
- Device = System file, i mobile explorer pangngai ațanga i en theih loh pawh en theihna a ni a.
- Sdcard0 = SD Card, Memory Card i hman chuan memory card explore na a ni.
- Sdcard1 = Inbuilt memory, i mobile in memory a chhawm sa a i file te explore na tur a ni.
#NB: Samsung & Sony device ah chuan Sdcard0 zawk hi Inbuilt niin Sdcard1 zawk hi SD Card a ni thung.. Device brand a zirin a dang a ni mai thei..

RED
Hetah hi ES Explorer Main Menu a ni a, option te hian sub-option dang an nei thluah țheuh a. Option i click apiang a in expand ang a, i click nawn lehin a in hide leh zel ang. Mahse hmang țanțir tan chuan hriat țul a tam lo.. A țul chin nia ka ka hriat chauh ka sawi zui ang..
- Favorite
- Local: He mi sub-option ah hian Homepage leh Home hi i chhawr țangkai tur a ni a. Chhinchhiah kar ang che. Home button khan khawiah pawh lut kual mah la i hawn tirha he application in a hawn hmasak ber ah khan a hruai kir leh ang che a. Homepage thung hi chuan thil chi hrang hrang a format a zira explore theihna hmunah a hruai thung ang che..
- Library
- Network
- Tools: Tools sub-menu/option i expand chuan Root Explorer tih i hmu ang a, root user i nih chuan kha kha on la, root access permission kha grant ang che.

BLUE
Hetah pawh symbol 3 awm zinga a hmasa ber, inlem, chiah hi kan an țangkai hrih tur a ni a. Kha kha Homepage shortcut a ni a. Red » Local » Homepage nen khan a luhna chu a in ang reng.
- Homepage
- Local
- Network

Application Backup leh Share dan:
1. A chunga method kan sawi ațang khian Homepage ah lut rawh (ShortCut or Red » Local » Homepage)
2. App tih kha click leh rawh.
3. I application install ho a lo lang dul ang a, i duh duh long press in select la, multiple select (a ruala select țeuh) i duh a nih chuan a hmasa ber lo chu touch zeuh zel a ni tawh mai.. A vaia select i duh chuan a chung dinglama box ah khan tick/check keuh mai rawh.
4. I duh zawng i select hnu ah i backup duh a nih chuan a hnuaia backup kha click la, tichuan backup folder (mobile a zirin SD Card leh System Memory ah a awm țhin a, Samsung ho hi chu System zawkah a in backup zel a, khawchhak leh India siam ho hian Sd Card ah he backup folder hi an siam tlangpui thung) chhunga app folder ah backup apk ho chu a khungkhawm zel ang.
5. I țhiante i thawn duh a nih thung chuan i select zawhah a hnuaia backup button bula share kha click la via ah bluetooth/dropbox/drive/hike etc i duh ber i thlang mai dawn nia.

System App Uninstall dan:
Hei hi chu root user tan bik a ni a, a tira kan sawi anga Root Explorer on a, permission grant hnuah chauh hei hi a tih theih tih erawh hre tel bawk ila..
1. A chunga method kan sawi ațang khian Homepage ah lut rawh (ShortCut or Red » Local » Homepage)
2. Tichuan picture a BoX eng awmna lai hi en la, user app a lo inti ang a, kha kha click in system app option kha select rawh
3. I system in a ken sa ho application a lo awm leh tuarh ang a. I uninstall duh ho chu backup dawna i select ang khian select la, uninstall button kha i click keuh mai dawn nia.

Zip/Rar File Extract dan:
1. I zip/rar file awmna hmun ah kalin zip/rar file chu click la, Open with ES Explorer select ang che.
2. Zip/Rar chhunga file awm ho a lo lang ang a, i extract duh apiang kha select ang che.
3. I select zawhah a hnuaia extract tih kha click la, option lo pop ah khan choose path select in i extract duhna hmun thlang la, i extract tawh mai dawn nia.

Zip/Rar a File Arvhived dan:
1. Select a awlsamnan i archived/zipped duh ho zawng chu folder khatah dahin a folder awmna chhin chhiah ang che.
2. ES File Explorer hawng la, Yellow Box awmna lai ațanga i file dahna drive thlangin a folder ah chuan lut rawh.
3. Select all la, a hnuaia archive button kha i click leh keuh mai dawn nia.

A features dang hi chu mahni inzir hriat atan i dah tawh mai ang u.. Mit a kham tawh em mai.. I hlawkpui ngei beiseiin duhtawk leh phawt ang..

Request: He post hi chu khawngaihin lo copy chhawng lul suh.. Mizo i nih a, Kristian i nih ngai chuan..

Google Play application apk a download dan.

Kan ram ang, 'net chiangkuan lohna ramah hi chuan mobile device PlayStore hmanga application install leh update te hi a harsa hle mai a. A download zo ve țhak a, install dawnah download laia 'net muan vanga file a lo corrupt vangin 'Parsing Problem' kan nei leh a, țul lovah kan hun, battery leh data a hek phah fo țhin. 2G hmang ho tan chuan application update awm ngun lutuk te hi, a thar kan lo duh ve zel bawk nen, buaina tham a ni ta reng a nih hi...

He problem hi i tawng ve a nih chuan hetiang hian lo ti ve mah teh..

STEPS:
❂ Google Play ««« hi click in Opera emaw Chrome hmangin lut phawt rawh. (UC Browser or UC Browser Mini chuan a applicable lovang!)
❂ I application install/update duh chu search box ah khan type in zawng la, a result lo display ațang khan i application zawn ber chu click in lut leh rawh.
❂ Goople Play application installation page i luh fel hunah a page link kha URL box ațang khan copy leh rawh.. (4 eg: https://play.google.com/store/apps/details?id=com.facebook.orca).
❂ Evozi Downloader ««« hi click in, duhthusam chuan UC Browser or UC Browser Mini in, hawng la; google play url tih hnuaia box chhunga thu awmsa kha clear vekin i link copy chu paste rawh.
❂ Tichuan generate download link kha i click leh ang a, kha application kha apk a download turin a in generate ang.
❂ A in generate zawhah apk format in i download keuh mai dawn nia.

✉ Duhthusam chuan Evozi downloader khi UC Browser emaw UC Browser Mini emaw hmangin hawng thei la a țha hlei hlei! Apk format a download hun chhung hian validity a neih avangin 'net muan uchuakna ațang chuan a download zo hman țhin lova, UC i hman chuan 'Click here to download' tih i click hnu khan 'Download' leh 'Cloud Download' thlan tur awmin a rawn prompt anga, Cloud Download kha select la, i la sign in ngai loh chuan sign-in with fb hmang khan i sign-in mai dawn nia. Gmail leh in sign-up chawp pawh khan a theih tho. Tichuan i apk file download tur chu UC uDisk cloud storage ah i save hmasa phawt ang a. Tichuan, View download process kha click in i apk download tur chu i en ang a, a file a len lem loh chuan a lo complete nghal mai ang a. A len viau chuan nghah deuh hret a, refresh/reload zeuh zeuh pawh a ngai mai thei bawk. A complete hunah apk file hming hnuaia download tih kha click in hunbi tiam awm lovin, 'net muang elkhen ah pawh i download thei mai ang..

Apk file anga download chuan mobile browser download manager in a lo boost ve avangin download a chak zawk a, 'parsing problem' pawh a awm tlem zawk nge nge a nia.

I hlawkpui ngei beiseiin duh tawk leh phawt mai ang.. ^_^

Android Market ṭha mi: A thlawna Paid App download-na hmun - BlackMart bihchianna

Khawvel thang zelah mobile user tam zawk mahin Android kan hman tak suau suau ah chuan Android hmangchang ka telh ta zeuh zeuh reng a, undroid user ten min lo hrethiam dawn nia.. A hma a he blog a ka post Blackmart chungchang kha ka delete palh vangin ka post țha leh ta mai..

Android tan hian market hran hran hi a tam hle mai a.. Kan sawi vek seng lovang.. Google Play ai maha ka hman rim zawk, keima ngaihdan bikah phei chuan 'the best android market' BlackMart hi i han belchiang dawn teh ang! Mahse 'net chak deuh a mamawh tih erawh hre tel ta ila..

Tam zawk chuan kan hre tho anga, a la hre lo te pual liau liau in aw.. A awlsam zawngin Android Black Market ti ila a chiang mai awm e. Google Play a application pro version tam tak, a leia lei ngai ho pawh hi man lova download tur a awm nawlh nawlh a, Google Play a awm lo te pawh a awm nawk bawk. Chutih rualin Google Play aia outdated zawk application pawh tam tak a awm bawk. A hmangtu apiangin application an upload in an download thei a. Application in share tawnna tha tak a ni deuh ber zawk awm a sin..

Google Play nen a in an lohna langsar tak chu, a application hi i hawn lai a nih ngawt loh chuan application update notification i dawng ve kher lovang. Tin, application nazawng hi Play ang thovin a description chhiar chiang lo chuan download ngawt loh a fuh. Lem tak tak atanga tha tak tak thlengin a awm si a. Launcher, Keyboard, Messenger, Games, Browser, Media Player.. etc neuh neuh chi hrang hrang a tam ngang mai..

Google ah i mobile browser hmangin i application mamawh a expert ten top 5 an thlan te search hmasa la, an description atanga i duhthlan ho kha he market ah hian zawng mah teh. Pro version ho pawh a awm deuh zel a nia, a awm kim vek hauh lo nachungin..

'Install rawh, install suh..' ka ti lova, i duh viau ang ka tihek lo. Duhdan in ang tlat hek lo le! Mahse kei chuan Android user tan chuan application/market neih tel ngei ngei chi ka ti!

Click »»» HERE ««« to download.

Or

For more, click »»» HERE

Youtube Tutorial: Watch here or below

A setup dan kan hre lo emaw Oreo leh a chunglam OS kan hmang emaw a nih chuan Youtube tutorial hi enin heta mi ang hian kan install in kan setup mai dawn nia..

A hre zawkte sawi zui atan duh tawk phawt ang.. I hlawkpui ngei beisei chungin..

ANDROID BATTERY SAVER ȚHA MI!

Android Battery Saver țha mi Du Battery Saver Pro & Widgets hi click in han bihchiang phawt mai teh.. Install tura Rs. 185/- lai i mamawh avang khan lunghnur mai suh, a thlawnin ka rawlruk leh dawn tho che hi!

"Android Battery Saver țha leh Computer Antivirus țha hi chu inzawh chi a ni lo, mahni hman apiang infaksiakna kan buatsaih a ni deuh ngawt zel.." ti țhin mahse hei kher kher hi chu ka share lo thei pek lo..

Android Battery saver hrang hrang hi ka hmang kual chhin ve nasa tawh a. Ka hman ve tawh chinah ka la fak ber a ni hrih a, a rintlak berin ka hria.. Install hnua mahni duhdana settings set fel nghal ngai chi a ni..

Schedule chi hrang hrang set theih a nih avang hian battery piah lamah data pawh a save phah țeuh theih a.. Mobile muang tur pawh a veng tel nghal bawk!

Entirnan: A settings ka set dan ațang hian lo bih chiang dawn ta ila..

1. Time Schedule: Zing dar 7:00 a in țan a, zanlai dar 12:00 a tawp turin ka schedule a. He mi chhung hian General mode thlangin a bak zawngah Pro Long ka thlang a.. Tichuan, lo muthilh san pawh ni ila zan dar 12:00 ah automatic-a data lo in off in a tuk zing dar 7:00 ah automatic bawkin a lo in on leh mai a.. Battery a save piah lamah data pawh a save phah țeuh thei.. (Period leh Mode hi i duh duh i thlang thei..)

2. Percentage Schedule: Battery hi 30% hnuai lama a awm apianga Pro-Long mode a in switch turin ka set a. Ka mobile khawih loh laia 30% hnuai lama battery a lo tlak thlak chuan auto in a lo in switch mai a.. A awlsam piah lamah battery a save tam leh zual..

3. Screen Lock Schedule: Screen a in lock apianga data in off thei turin ka set a. Mobile muang tur a veng a, data a tihek lo sawt a, Battery a heh lo zual sawt bawk. Mahse thil download dawn hunah Screen Locked vanga Download a in Pause or failed lohnan he settings hi ka sut hmasa te te a.. Download zawh veleh ka on leh mai țhin..

4. Auto Clear Schedule: Screen locked laia automatic a background a application inhawng te lo clear zel turin ka set a. Hei hian battery a save piah lamah mobile muang tur pawh nasa takin a veng ve..

Ka settings ngaih pawimawh zual 4 ațang pawh hian, he Saver hi i la hman ngai loh pawn, i lo in set ve thiam mai turah ngai ila (App i hawn hnu ah saver tap ah lut la, smart tap ah lutin settings chu i duh danin i set thei ang), i duh tawk leh phawt mai ang..

Du Battery Saver Pro & Widgets hi a features a full a hmang thei tur chuan BlackMart ațanga i download a ngai a. Google Play or PlayStore ațanga i download chuan i unlock chawp a ngai ang a, unlock tur hian application i mamawh loh loh install belh țeuh emaw, dollar 2 chuang chawibelh emaw a ngai ang. Chutiang ngai lo tura tihdan chu a hnuaia hi le!

1. Du Battery Saver emaw Du Battery Saver Pro & Widgets emaw full-featured ni lo i install sa chuan BlackMart ațanga i download zawhah pawh a install thei dawn lo a. Chung app chu uninstall hmasa in i try dawn nia.. BlackMart ațanga i download hnuah a dang i lo install sa vanga i install hnan thei lo a nih thung chuan i install sa kha uninstall la, memory card a BlackMart folder chhung ațang khan i install țha mai dawn nia..
2. BlackMart i neihsa loh chuan ANDROID MARKET ȚHA MI hi click in heta țang hian download in i install thei ang.
3. BlackMart i install zawhah Du Battery Saver Pro & Widgets zawng la, download in install rawh.
4. Du Battery Saver Pro & Widgets i install zawhah hawng la, application screen hnuai lama Saver tab kha click la, a chunglama Smart tih kha click lehin i duhdanin settings hi i customize chawp tawh mai dawn nia..

Enjoy...

ANDROID BIHCHIANNA

Tuna khawvela mobile operating system lar ber nihna hauh mektu Android OS hi khawvel puma hman tura tlangzarh a nih țan chu December 2009 chauh kha a la ni a. Tun dinhmunah (October 2015) chuan Android 4.4 "KitKat" hi version hmangtu ngah ber ni mekin Android device hmangtu 38.9% zetin he Version ațang hian Google Play an lut țhin mek a ni. "Jelly Bean" versions (4.1–4.3.1) hian a dawttu dinhmun hauh mekin 30.2% velin an hmang mek thung.

Android mobile operating system hrim hrim hi chu November 2007 ațang khan (Android beta) hman țan a ni a. Mahse enchhinna ang chauh a la ni. Android 1.0, kha September 2008 ah zawrh chhuah țan a ni a, mahse khawvel pum a la huap lo. Android hi a neitu Google lamin an țhuam țhat reng bakah Open Sources a nih vangin Open Handset Alliance (OHA) lam pawh an lo țang ve reng a, chuvangin version update hi a awm chho ta thluah reng a ni.

Tun dinhmuna Android update thar ber ni mek chu Android 6.0 "Marshmallow" an tih mai, thla hmasa, October 2015 a an release kha a ni a. Android M ti pawhin an sawi țhin bawk. April 2009 ațang khan Android version an developed thar te hi themedcode neiin, ei tur lam hming puin, alphabetical order in a hming an phuah țhin a. Chutianga hming nei hmasa ber chu Android 1.5 "Cupcake" kha a ni a; hemi hmalama version hmasa, version 1.0 leh version 1.1 te kha chuan hming bik an nei ve hman lo. Version hming nei hrang hrangte chu:
1. Cupcake (1.5)
2. Donut (1.6)
3. Eclair (2.0–2.1)
4. Froyo (2.2–2.2.3) {Frozen Yogart kaih tawi}
5. Gingerbread (2.3–2.3.7)
6. Honeycomb (3.0–3.2.6)
7. Ice Cream Sandwich (4.0–4.0.4)
8. Jelly Bean (4.1–4.3.1)
9. KitKat(4.4–4.4.4, 4.4W–4.4W.2)
10. Lollipop (5.0–5.1.1)
11. Marshmallow (6.0)

Tihian Android chungchang an sawia ICS, JB, Kk/K, L leh M an tih pawhin buai phah duh tawh reng reng suh..

September ni 3, 2013 khan Google lam phei hi chuan android OS hmangtu Billion khat chuang an neih thu an lo puang daih tawh a. June 2015 data ațanga en chuan, khawvel puma SmartPhone hmanga Internet lut (access) țhin zawng zawng zinga 59.1% lai hian Android device an hmang a, China ram bikah phei chuan 68.3% laiin he OS hi hmangin USA lamah pawh 40.78% vel laiin an hmang a ni..

Tin, Codename țhenkhat hi chuan version pakhat aia tam te an huap a, a țhen hi chuan pakhat chauh a huam thung. Android 1.0 leh 1.1 te hian mipui nawlpui hriat hlawh khawpin Codename nei ve lo mahse Android 1.1 bik hi chuan "Petit-Four" ti pawhin hretu a nei nual..

Android OS hmang mobile/device ngawt pawh hi chi hrang hrang 16,000 vel bawr awma rin a la ni cheu bawk nen, android developer ho tan pawh google play (playstore) a application update dah dan turah leh version zawng zawng mil tura siam chu buaithlak ve tak tur chu a ni...

Android device te hi a siamtu company a zir leh OS version a zirin a management leh support chin pawh a in ang lo zeng zung a, chuvangin tips kan sawi tur ho ah pawh mil loh leh dik ve theih miah loh i neih chuan i OS in a mil lo emaw, i device siamtu lamin an phal ve lo emaw a ni thei tih hre tel ta ila..

Guide a step leh i mobile a in mil lo a nih pawn i inzawn chhuah a awlsamna tur chuan a pui tho turah che ka ngai.. Chuvangin guide reng reng, chhiar chiang lovin apply ve puat puat ngawt lo la, chiang takin i chhiar hmasa zel dawn nia..

Rooting hi!

A awmzia min zawt fova, ka hre lo ka tih lahin an la awih lo ta dah a.. A khat tawkin min zawt awl lo mai si a, a mawlmang zawngin, ka hriatthiam ve chin kan share tel ve ang e..

Rooting Chu Engnge?
Rooting chu android system kil khawr ber thlenga luhchhuah thei tura thuneihna inpekna ti ila a fiah mai em? Computer-a software țhenkhat kan install dawn a Administrator permission kan pek țhin ang pe thei tura android system tih danglam ti ila kan chiang zaw mah mai thei.. Entirnan: School ah admission i tihin zirlai kal phalna chin chiah i fang ve thei a, Staff zinga mi i nih chuan naupang luh phal lohna hmun pawimawh tak takah i lut thei tawh ang. Chutiang deuh chuan i mobile i root tawh chuan i mobile ah khan i thuneihna a sang sawt tihna a ni ang.

Rooting hamțhatna engnge?
Hei pawh sawi tur a tam khawp ang.. Ka hriat ve chin tlem a zawng te chu:
1. System ken sa application ho i uninstall thei..
2. Custom ROM, default aia performance țha zawk i install thei..
3. Root access ngei ngai application țha tak tak i install thei tawh ang..
4. SD Card ah application i install thei tawh ang..

Rooting țhat lohna engnge!?
Hei pawh chi tam tak a awm ngei ang tih a chiang, ka sawi nghal fak theih te chu:
1. Warranty a tibo.. (Mahse bo lo tura siam leh dan a awm an ti..)
2. Non-root ho aiin malware lakah fimkhur a ngai..

Engtia root tur nge!?
Device a zirin, method hran hranin a root theih a. Framaroot leh app hran hran hmangin computer tel lo pawhin a root mai theih a.. Computer hmanga root dan ka dah tel dawn a, i ti sual palh emaw i device in a mil ve lo emaw a nih chuan mawh ka phur lo thung ang..

Computer ațanga root dan:
Computer ațang pawn software chi hran hran hmangin chi dang dangin root theih ni mahse developers te hian Vroot leh Moboginie hian mobile root theih a ngah berin a awlsam deuh ber nia an sawi hlawm avangin Vroot hmanga root dan hi kan share ang e..

Vroot hi ka hmang ve chhina, a lo awlsam phian a. Ka mobile root sak tawh ho pawh hei hian a support zel hrih chu a nia.. Lo la hre fu ve lo leh root dan thiam lo, hre ve a thiam ve duh kan awm takin..

A hnuaia steps i apply țan hmain https://play.google.com/store/apps/details?id=eu.chainfire.supersu link hi copy la, Evozi ah lutin box ah khan i link copy chu paste la, 'generate download link' tih kha click leh la, apk a in generate hunah apk file in download la, computer ațanga i download pawhin i memory card ah dah phawt ang che. Chumi zawhah a hnuaia step hi i apply chauh dawn nia..

Step 1: Menu » Settings » Developers Option » USB Debugging kha tick/check phawt rawh. (Tick/check loh pawn a theih tho ti tawk an awm nain rooting guide ho hian an suggest deuh zel..)
Step 2: He ta țang hian » vRoot download rawh. (for Computer zawk kha)
Step 3: I download zawhah i Computer ah install in open rawh.
Step 4: vRoot a in hawn hunah, i Android device chu cable in i computer nen connect rawh.
(Mobile device driver nei sa lo tan chuan Computer-a Internet connect a ngai ang)
Step 5: A in connect fuh chuan, vRoot khan a lo detect ve mai ang.. Mahse vroot leh i device connecting process a complete hma kha chu nghak phawt rawh. A complete theih loh chuan i device mil usb driver download in i install mai dawn nia. Mahse ka root tawh ho ah chuan detect theih loh a la nei lem lo..
Step 6: Vroot in a connected fel hunah “Root ” button kha click rawh.
Step 7: vRoot khan i device a “Reboot” dawna, lo mangang suh. SuperSU Application a install dawn a nih kha..
Step 8: I device a in reboot zawh hunah application drawer hawng la, i application ho kha enkual la, SuperSU a lo awm tawh chuan a in rooted tawh a ni mai..
Step 9: I device chu computer ațangin phawi la, a tira i SuperSU apk a i download sa kha install nghal ang che. A installation process pahin Vroot SuperSU i uninstall nghal ang.
Step 10: Tichuan Vroot application kha i device ațangin uninstall leh la, i zo der!

Hei aia process tawi zawka tih theihna software pawh hi a awm nual nachungin, Vroot hi a universal em avangin ka hmang deuh ber a. Mahse chinese software a nih vangin SuperSU thar install (Step 9 & 10) loh chuan chinese țawng thiam tan lo chuan a buai thlakin a ninawm duh em a, a replace dan hi step ah ka zep tel mai mai. Step 8 thleng hi i success theih chuan i rooted tawh tho nachungin...

Tin, Vroot hmanga Computer tel lova root tum tan a link ah khian luha, Vroot for Android zawk kha install a, guide anga click keuh keuh kha a ni mai. Mahse data on a ngai thung.. Framaroot hman dan chu ti tel hrih lo mai ang, an site-ah a chian sa tho kha maw..

A hnuaia post ah hian Computer tel lova root theih dan hrang hrang, a guide leh download link nena awm nghal thlap a. Mahse, English a ni thung. English hrethiam tan chuan computer tel lovin > Root without PC < ami ang hian duh ber hmanga root mai theih a ni bawk. App pakhata a theih loh pawn a dang hian try leh zel mai theih a ni a. A sam phiana ka hriat vangin kan zep tel ve reng reng ang e..

Root nuam u le...

Introducing Mizo Ai1™!

Mizo Ai1™ chu 'Mizo All in One' tihna mai a ni a, Mizo facebook page țha lawrkhawm hmanga application pakhat chhunga news/post chhiar zung zung theihna tura duan a ni a. Heng source page țhenkhat hi chuan an mahni bilin application nei tho mahse, smartphone man tlawm, memory leh RAM nei lian lo tan a mal mala install chuan install kim thei lo tawk (space a heh zawk vangin) kan awm nawk bakah heng page zinga țhenkhat hian an mahni pualin application an lo la nei lo bawk nen kan awlsam tlan zawkna atana duan a ni a. Tunah hian version 3 hi a thar ber a ni mek hrih..

Mizo Ai1™ version 3.1:
ZoFooty in an official page hluihlawna page thar an hman tak avangin an feed sync error zel ta si a, chuvangin page thar zawk feed lain update a ni a. Update takah chuan battery heh lo zawk turin default sync interval ah 1hr hman a ni ta bawk. A size leh page source chu version 3.0 nen a in ang chiah e.

Mizo Ai1™ version 3:
Tuna a version thar ber, version 3 hi 3.96mb a lian a ni a, he application ah hian version 2 a tel lo chhangchheness.com dah thar a ni a, he version-in news source a ken tel te chu:
1. Muankima Khawlhring: Page neitupain a tawnhriat leh google kaltlanga a zir hriat bangbo zawk te puala a share na hmun..
2. Chhangchheness.com: Nu ho page, fanau enkawl dan ațanga inchhung sekrek hmangchang chi hrang hrang leh hriselna huang etc thlenga an in share tawnna a ni a, mithiam tak tak thu leh hla te pawh an chhuah fo țhin
3. Hmangchang Blog: Muankima page a post hit deuh leh la țangkai zui zel tur awm chi dațhatna..
4. MizoApp Store: Mizo siam application tlangzarhna hmun..
5. Lamtluang: Facebook Mizo news page.
6. Mizo News Reader: Facebook Mizo news page.
7. Vanglaini: Facebook Mizo news page.
8. ZoFooty: Facebook Mizo football news page.
9. inkhel.com: Facebook Mizo football news page.
10. Fiamthu Huang: Facebook Mizo fiamthu page.

Mizo Ai1™ version 2:
Version 2 hi Mizo Ai1™ ti a vuah a nih țanna a ni a, 3.4mb a lian a ni. A hma chuan Muankima Khawlhring anga siam a ni țhin, version 2-in newsfeed a ken tel te chu:
1. Muankima Khawlhring: Page neitupain a tawnhriat leh google kaltlanga a zir hriat bangbo zawk te puala a share na hmun..
2. Hmangchang Blog: Muankima page a post hit deuh leh la țangkai zui zel tur awm chi dațhatna..
3. MizoApp Store: Mizo siam application tlangzarhna hmun..
4. Lamtluang: Facebook Mizo news page.
5. Mizo News Reader: Facebook Mizo news page.
6. Vanglaini: Facebook Mizo news page.
7. ZoFooty: Facebook Mizo football news page.
8. inkhel.com: Facebook Mizo football news page.
9. Fiamthu Huang: Facebook Mizo fiamthu page.

Mizo Ai1™ version 1:
Version 1 hi Mizo Ai1™ ti a vuah a nih hma a ni a, 3.3mb a lian a ni. Muankima Khawlhring emaw Hmangchang emaw anga siam a ni țhin, version 1-in newsfeed a ken tel te chu:
1. Muankima Khawlhring: Page neitupain a tawnhriat leh google kaltlanga a zir hriat bangbo zawk te puala a share na hmun..
2. Hmangchang Blog: Muankima page a post hit deuh leh la țangkai zui zel tur awm chi dațhatna..

Download dan tur?
A version tinah khian mahni duh ber hming click in download mai theih a ni e..

User Guide:
Menu: A chung lam vei lam kil sir te a line 3 in rin thliah kha han click in page hrang hrang hi a lo lang ang a. Duhna ber click keuh mai tur.. Tin, a mawng bera settings lo awm ațang khan a hnuaia mi te hi i set thei bawk ang..

Sync: I sync chuan a hnuah offline pawhin i chhiar thei ang a, settings a zirin i chhiar tawh apiang in delete zel tur paw'n i set thei ang.. Settings chu i duh danin i lo adjust kual ve mai dawn nia.. Synchronisation period kha gap a zim poh leh battery a heh anga, a zau poh leh a heh lo ang..

Notifications: Mizo Ai1™ angin notification hi a lo kal tawp avangin khawi feed berah nge post thar awm hre tur chuan feed hrang hrang i hawn kual a ngai thung ang..
Theme & Layout: Customize theih a ni a, i rilrem zawngin i lo adjust mai dawn nia.

Note:
Heng page in an post apiang hian alert i dawng ang a, Feed khawi berah nge a thar awm i en ang a, facebook a lut miah lovin a application chhungah hian i chhiar vek thei a. I share duh pawn share button a awm a, i copy duh pawn longpress in i copy thei ang.. Tichuan data i on phawt chuan Mizo News, IT tip & tricks, Sports News & Jokes post thar ber ber hmuh hmaih nei lovin i chhiar vek thei ang.

Android tana file sharing service hman țangkai dan!

Thluak hi hman rim apiang a chak a, chutiang deuh bawk chuan mobile pawh hian a man a zir ni lovin a hmangtu a zirin thil tih theih a ngahin a ngah lo mai țhin... Chuvangin, "A phone chiah a smart..." tih kan hlawh lohna turin File Sharing Service hi a țangkai zawnga hman i han tum dawn teh ang..

File sharing service chu online a file dahțhatna ti ila a la hmelhriat ngai lo tan chuan a chiang zaw ber ang. Chutianga dahțhat tura file an upload te chu a link copy in a mamawh ve apiang hnenah link chu an pe tawh mai țhin a ni.

Tin, organisation leh club tam tak chuan login detail pakhat ințawmin khaw hran hran a an branch te pawn awlsam takin file leh document te a link in pek buai ngai lovin awlsam leh zualin an in share tawn theih phah țhin.

Smartphone era ah hian messenger hrang hrang hmangin video/audio/picture etc kan in share tawn suau suau a, mi hrang hrang hnenah a ngai kan share nawn fova, a ngai upload nawn a ngai fo țhin. Chung ai chuan chutianga thawn kual tam tur chi thil chu he service ho hi hmang țangkaiin an free space ah hian upload ila, a link copy in chu link chu share ta zawk mai ila, hun a heh lo zawk a, data pack a hek lo zawk a, a hnu daiha share nawn leh dawn pawn a link kha copy leh theih zel a ni si a, țul lova kan data pack kal ral țhin kha kan save țhen țeuh bawk dawn tihna a nih chu..

Heng service ho hi i la hmelhriat ngai loh takin service țhenkhat kan dah tel law law ang e. I bihchian duh chuan a hmingah zel i click mai dawn nia..

Box: Offer 10GB free storage.

Dropbox: Offer 2 GB free storage.

Cubby: Offer 5GB free storage.

Sky Drive: Offer 7Gb free storage.

Ubuntu One: Offer 5GB free storage.

Verizon Cloud: Offers 500MB free storage.

Google Drive: Offer 15GB free storage.

SugarSync: Offer 5 gb free storage.

A tawp pahnih tih lo hi chu Google Play ah i lut nghal ang.. Tin, heng chauh hi file sharing service a free a hman theih awm tihna a ni lova, a aia țha zawk te pawh a awm hial mahna, i fiah zawkna atan, tlem a zawng ka lo pholang tel mai a ni e..

Tin, Google Play a app te hi apk file a i download duh chuan 'Android application version thar ber apk file a download dan!' hi i chhiar mai dawn nia...

Duh tawk leh phawt mai ang.. Enjoy..

MKSS PACK - S40 SCREENSHOTER

Khawvel changkang zelah a tam zawk mahin Android, Windows leh iOS vel hmang fur tawh mah ila, S40 (Java) mobile hmang pawh tam tak kan la awm a. Chung ho pual liau liau chuan aw..

UC Browser i ngaina a, i java mobile atanga i screenshot ve duh a nih chuan i tan thu lawmawm tak a nih ngei ka beisei! A chhan chu java mobile tana version chikimin (Cloud Version huam lovin) ka rawn chhawpchhuak dawn tlat a lawm..

Kan hriatthiam zawkna a nih beiseiin tihian ka rawn thliar ta mai:

1. Java Universal: Java phone, memory pangngai deuh chin atanga a changkang ber thleng deuhthawin a hman theih, Java unsigned version 9.4.1.377 (tuna a thar ber ni mek) kha a ni a. I hman thin ang a nih chuan a hnuaiah hian click in i download mai dawn nia.
File type: .jar
File size: 486.2kb
Version: 9.4.1.377
Click » HERE « to download.

2. Java Signed: Java mobile thenkhat, memory pawh pangngai tak tho si, Universal version hmang ve thei lo te hman turin signed version hi siam a ni a. Nokia, Sony Ericsson leh phone thenkhatah heng hi a awm nual. He signed version 9.4.1.377 hi tuna a thar ber niin, a duh tan a hnuaiah hian download mai theih a ni e.
File type: .jar
File size: 472.4kb
Version: 9.4.1.377
Click » HERE « to download.

3. Java Lite Universal: He version hi chu a chunga mi version chi hnih hmang thei lo ve ve khawpa memory te deuh ho [Eg: Nokia 6070] tana siam a ni a, he version 7.2.0.46 hi Lite Universal ah chuan a latest ber a ni. A duh tur chuan a hnuaiah hian download mai tur a ni e.
File type: .jar
File size: 143.9kb
Version: 7.2.0.46
Click » HERE « to download.

4. Java Lite Signed: Java phone ni tho si, memory nei te ve tho si, Lite Universal hmang thei ve lo [Eg: Nokia 1680c] te puala siam a ni a. Hei hi version 7.2.0.46 niin Lite Signed zingah chuan a thar ber a ni.
File type: .jar
File size: 143.9kb
Version: 7.2.0.46
Click » HERE « to download.

Mahni mobile mil tur chu lo inzawn ve mai tur a ni e.. A hnuaia hi hriattur pawimawh dang a awm a, hei hi chhiar chiang ngei ngei ang che, MKSS hi i hmang dawn a nih ngai chuan..

MKSS GUIDE:
1. I install zawh ah application zawnah scroll thla la tichuan:
- Options » Application access » Communication » Network access » Ask first time only select la
- Options » Application access » Communication » Connectivity » Ask first time only select leh rawh.
Tichuan, net access lo dil reng che leh net pack balance lo pop reng kha i pumpelh thei ang.

2. Screenshot key ah Green Call Button kha hman a ni.

3. Screenshot settings menu atan '0' key hman a ni a, i thlak duh chuan a hnuaia number i duh ber hi i barh mai dawn nia:
-10 = green call key
-12 = menu key
- 8 = back key
42 = '*' key
35 = '#' key
48 = key '0'
49 = key '1'
50 = key '2'
51 = key '3'
52 = key '4'
53 = key '5'
54 = key '6'
55 = key '7'
56 = key '8'
57 = key '9'

4. Screenshot picture te hi memory card ah a in save tawp a, album bik neih tir i duh chuan application i hawn tirhin save path  'file:///E:/MKSSUC Browser_' tih lo awm khan MKSSUC Browser_ i folder thlan duh hming kha i type anga /# in i zui tir mai dawn nia. For Eg: file:///E:/ScreenShot/#

5. Shot theih loh palh a neih palh chuan, exit la, hawng tha leh la, screenshot settings i duh ang thlapa set in i shot leh mai thei ang..

I lo chhawr tangkai ngei beisei chungin duhtawk leh phawt mai ang.. Enjoy

MK SS UC Browser version 9.4.1.377!

Java Mobile hmang ho tan Screenshot hi a theih ve thin loh avangin UC Browser v9.4.1.377 chu tidanglamin MK SS UC Browser v9.4.1.377 angin ka duang chhuak ve leh ta a. Hei hi 320x240 resolution hmang S40 mobile ho chuan an hmang thei vek turah ka ngai.. A hmang chhin duh tan a hnuaiah hian download mai theih a ni e..

Click here to Download MK SS UC Browser V9.4.1.377

Guide:
1. I download zawhah i memory card ah folder thar siam rawh
2. Chu folder hmingah chuan UC Browser_ hmang ang che
3. * hmangin Screenshot settings ah i lut thei ang.
4. * hi SS Settings luhna atana hman a nih avangin text edit dawn leh symbol type dawnin Menu » Edit atanga luh a ngai thung ( Box zuk click a, * hmeh khan a direct theih tawh loh ang)
5. I screenshot picture ho chu, kar khat chhung emaw, ni khat chhung emaw ang te te a serial in dawt bika kal tir i duh chuan i duh hun bi angah zel khan, * hmetin settings i hawng anga, a chung bera file:///E:/UC Browser_ tih lo awm tawpah khan /i serial duh awl awm lova type zawm mai tur a ni. For eg:
file:///E:/UC Browser_/MK. Tichuan i save mai dawn nia.
6. Dial button (Telephone symbol hring kha) hmet vang vang la noti lo prompt kha yes la i screenshot a ni mai.
7. SS features hi i hman reng duh chuan, version sang zawk i neih leh hma chu browser update suh ang che..

He browser hi Nokia 123abc keypad hmang mobile atanga siam a nih avangin Touch ah chuan ka la test lova, a hman ve theih tho turah chuan ka ngai.. Enjoy..

Lehlawk, application i hawn hma hian a file awmna ah va kal la, a file zawn tak a in select lai khan a hnuai step hnih hi lo apply la, network access dawn apianga noti lo kal tluk tluk kha i ti reh thei ang..
1. Option » Application Access » Communication » Network Access » 'Ask first time only' kha select rawh.
2. Option » Application Access » Communication » Connectivity » 'Ask first time only' kha select rawh.

I application dang net access nana i hmang, noti lo prompt reng ho hrim hrim kha chu a chunga method ang hian i solved vek theiin ka ring.. Enjoy..

PicSay Pro hi!

Android user tana thu lawmawm dang leh chu hei le! Mobile leh tablet atanga nalh tak taka facebook a upload tur thlalak edit thin tan ngat phei chuan PicSay Pro hi application fuh ber pawl a ni hial awm a sin. Europe leh America lamah an uar viau laiin kan ram lamah hi chuan hmang kan la tam lutuk lo. Rs. 199/- man lai a ni ve talh nen a awm thove! Mahse, lungngai suh, a thlawna i hman theihna'n hei ka rawn chhawp chhuak e!

PicSay Pro hi thlalak edit na application tha award la tawh ngat a ni a, i duh tawkin he application hmang hian i thlalak i sawngbawl thei ang! A that bikna thenkhat te chu:
1. I device in a zo a nih chuan he application hmang hian thlalak 13MP a lian thleng i khawih thei.
2. A features ken a tam hle:- i titak thei a, red eye reduction a keng tel a, i crop i her rem thei a, distortion i pe thei a, i thlalak edit laiah thlalak dang i insert thei ang a, paint, black-and-white pictures ah color splash i siam thei a, thu i chhu thei a, word balloons i dah thei a, effects chi hran hran - like Cross Process, Lomo, Vignette, faux HDR, Tilt-shift, Pencil Sketch mai bakah pawh chi dang tam tak a la awm.
3. A user friendly hle a. Mawlmang ber tan pawh zir thiam har lo tur tak a ni.
4. Management a simple ang huin a powerful em em a, hei hi award a lakchhan ber pakhat a tih theih awm e..

A install danah i buai em ni? A hnuaia step te hi lo try ve ta mai che..
1. A hnuaia Google Play link ah khuan lutin Rs. 199/- chawiin i install thei ang, internet banking i tih chuan..
2. BlackMart nei sa tan chuan kha market atang khan a free in in install thei bawk ang.
3. A nih loh vek leh ZippyShare atang khuan v1.6 apk (1.4mb a lian) khu download la, install rawh.
4. FontPack zip (2.82mb a lian) khu ZippyShare atang khuan download ang che.
5. Zip file extract thei application i neih sa chuan chu application hmang chuan zip file chhunga FontPack pahnih lo awm kha extract la install leh rawh.
6. I nei sa lo a nih chuan » Mizo Android Forum « ah lutin pinned post kha i chhiar ang a, ES file Explorer guide lo awmkha i en ang a, installl hmasa leh te tein i extract anga, i install mai dawn nia.
7. A nih loh vek leh computer ah i FontPack download kha copy lut la, winrar/winzip hmangin i extract ang a, i extracted file kha i device ah copy lut lehin i install mai dawn nia..

European ho rualin, American ho tih danin, duh tawkin thlalak i khawih danglam thei ta! Lo inzir thiam la, lo enjoy ve rawh le!

Install from » Google Play

Download:
V1.6 apk from » ZippyShare
FontPack from » ZippyShare

App Lock Pro hi!

Android user tan chuan he application lian lo tak, 500kb vel lek nisi, user installed application (nangmana i application install ho) mai bakah system application hrang hrang (camera, settings, messaging, call etc) te pawh lock thei vek si, App Lock Pro hi application tangkai tak chu a va ni em!

Entirna'n i facebook application kha i lock chuan i mobile kha pattern lock lo pawn kalsan la, i password hre lo chuan kha application kha an hawng thei dawn lo tihna a ni a, i hmingin facebook ah nangmah angin activities an lo nei thei dawn lo tihna a nih chu..

A that bikna:
1. A size a lian lova, net muang tan pawh install zung zung theih a ni.
2. User & System application te awlsam takin password a lock vek theih a ni.

A that lohna:
1. Man nei a ni a, BlackMart nei lo leh facebook lama Mizo Android Forum a awm bawk si lo tan chuan hmub mai tur avang.
2. A dang ka la hre mai bik lo!

A hman dan tur:
1. BlackMart atangin emaw, download link atang khuan emaw download in install la.
2. I install zawhah open rawh.
3. I password tur barhin OK la, i password confirmed nan barh nawn leh rawh.
4. Security question leh answer tab lo pop ah khan fill up thlap la, screenshot i thiam chuan i proceed hmain screenshot la dah tha rawh. I thiam loh chuan note ah chhin chhiah mai rawh. Password i theihnghilh hun pawha i recover lehna tur a nih kha.
5. Chu mi zawh ah App Lock Pro i hawn ah khan i lock duh ho kha a sira button kha dinglamah pawt tawlh la, a in protect zel ang.

I hmuh zawh mai loh takin drop-box ah a backup ka dah a, i duh ve chuan » tah hian « click in i download mai dawn nia.. Enjoy ^_^

WhatsApp Locker Pro hi!

WhatsApp a i message te i android device (mobile/tablet) khawihtu nazawngin an en theih loh i duh a nih chuan i tana application duhthusam chu WhatsApp Locker Pro hi a ni ngei ang.. BlackMart nei ho chuan a free in download mai theih a ni a, a nei lo tan chuan a vang deuh mai thei..

A hman dan:
1. WhatsApp install sa ho tan chauh a ni a.
2. BlackMart atangin emaw, hmun dang atangin emaw install la
3. Open in digit 4 PIN (Personal Identification Number - Password ti mai ang a awlsam zawngin) siam la.
4. Locker kha On la
5. A chung chiaha mi ah khan <> arrow kha click in a in lock hun tur gap i thlang dawn nia.

Hetianga i set zawh tawh chuan, i PIN hre lo chuan i WhatsApp message an en mai mai thei tawh lo ang. Tin, i device ah front camera a awm chuan lo en ruk tum, PIN dik lo barhtu apiang thla a lo la thei bawk niin an sawi. Lo hmang ve chhin mah teh..

BlackMart nei si lo, he application leina tur nei si lo emaw lei na'na sum ui si leh Facebook lama Mizo Android Forum a awm si lo te tan hei version 2.3 ka lo dah chhin a, an remove hma ngeia i download a ngai ang i duh ve si chuan..

Click » Here « to download

Enjoy WhatsApp with security PIN. ^_^

WhatsApp+ bihchianna!

Min zawt nawk nawk hi an awm leh thin si a, i han bihchiang dawn ang hmiang.

WhatsApp Plus chu Android user ho tana a landan tih danglam theih (customizable) tura duan (mod) WhatsApp ti ila a fiah mai em aw!?

WhatsApp i hmang nasa a, mit a heh i tih emaw, image quality tha taka thawn i duh emaw, video/music file size lian deuh i thawn thin duh dawn chuan hmang ve ngei rawh!

Background, icon, text, balloon, a engkim deuh thaw kha a colour, size, leh lan dan hrim hrim kha i thlak thleng thei deuh vek ang!

WhatsApp Plus hi i hman chuan:
1. Upload media limit pawh music files or videos lian tak thawn duh tan a tih len theih.
2. I picture thawn te kha WhatsApp in a quality a lo reduce thin a, high quality in i thawn thei bawk ang.
3. Music share a awlsam.
4. Facebook Messenger style ang deuhin an text sira an profile picture lang turin i set thei ang.
5. I thiante contact profile pictures kha hide in i phonebook a an thlalak i hman zawk kha i lan tir thei bawk ang.
6. A awlsam zawknan, Theme Viewer leh Downloader a keng tel nghal a, i duh zawng enin i apply thei ang a, i download zung zung thei ang.
7. Main screen a i awm lai khan menu button hmet la, option lo prompt ah khan PLUS kha thlangin i customize duh dan a zirin i lut kual mai dawn nia.
8. I install dawnin i WhatsApp hmanlai kha uninstall phawt a ngai tih theihnghilh suh la, buai phah suh.

Click »» here «« to download WhatsApp+

MK'S WHATSAPP PLUS LAYOUT
A customised thiam lo te tan aw.
1. Hei hi ««« click in ka layout siam chhin hi download rawh.
2. Zip file a nih vangin ES File Explorer emaw zip file extract thei application dang hmangin extract rawh. Computer ah chuan winrar/winzip hmangin i extract thei bawk ang.
3. I file extracted pahnih kha copy/cut la, SD Card » Whatsapp » PLUS » saved_pref folder chhungah khan paste rawh.
4. WhatsApp hawng la Menu » PLUS » More » Load » saved_pref » com.whatsapp_utils.xml kha va select rawh.
5. Menu a lo prompt anga, i whatsapp a in restart tur thu, Proceed Anyway kha yes la, WhatsApp+ a in restart ang a, a lo danglam nghal ang.

A layout customised thiam lo te tan, en nuam zawka ka rin danin, a layout ngawr ngawr kan set chhin mai mai a ni e.. Hope you enjoy it..