AdAway: Mobile root tawh tana adblock țha mi!

AdAway hi mobile root tawh te tan chauha hman theih, mobile a fakna (ads) lo pop leh app/browser vela lo lang țhin a dan theih chin chin lang lo tura danna application țangkai tak a ni a. Root tawh chuan install loh phal chiah ka ruat lo. Mi tam takin he application hman duh vang hian an mobile an root phah hial țhin reng a ni.

I mobile i root tawh a, he application hi i hmang ve duh a nih chuan a hnuaiah hian XDA Developer Store link ka dah a, hetah hian a installation file (apk) download mai theih a ni e.

Install duh tan 💁 AdAway Download Page

Download a install zawh hnuah open hmasak berah root access permission pek a ngai ang.

Mahse, AdAway host source hian block kim tawk loh leh kan tana țangkai thei thil block tel palh a neih theih avangin ka hriat china host source țha leh host whitelist tur te leh a setup dan hi tutorial kan ziak ve hrim hrim ang e.

AdAway hi a hmain manual setup tel miah lova i lo activate tawp a, i lo hmang reng tawh a nih chuan open in disable button ah khan lo click leh phawt la, default host a hman leh hunah a hnuaia hmang thar tir te setup dan tur ang hian i lo setup ve mai dawn nia. Mahse he paragraph hi chu a hmang thar tur tan a kal kan theih thung.

AdAway i install zawh a, i open a root permission i pek zawh hnu khan AdAway Source ten a block kim loh te block turin heti hian i setup dawn nia:

1. Drop down Menu (a chung ding kila dot pathum) kha click la
2. Hosts Sources kha click leh rawh
3. A chung ding kila + button kha click la
4. Host dah luhna tur lo pop ah kha https://adblock.mahakala.is tih hi i copy paste luh loh pawhin i type lut ang a. I add dawn nia.

AdAway hosts source leh tuna source kan dah belh (Mother of All Adblock - MoAB) te hian a fakna a block țhat luatah kan tana țangkai thei tur te pawh a block palh thei dawn ta tlat thung a. Tin, default settings anga AdAway lo hmang tawp te pawhin he buaina hi kan lo tawk reng mai thei bawk. Chuvangin chutiang kan tawh lohna atan a hmang thar tur leh hmang thar tur te pawhin hosts kan download a kan activate hmain a hnuaia mi hi kan chhunzawm leh phawt dawn nia. Mahse, taihmak erawh a ngai deuh dawn tih erawh hre tel ila..

1. AdAway Home (app i hawn tirha a awmna kha) ah lut la.
2. Drop down Menu (a chung ding kila dot pathum) kha click la.
3. Your Lists ah khan lut la
4. White tab ah khan click la
5. A ding kila + button kha click in a hnuaia hosts list hi a mal malin i add vek dawn nia.

affiliatefuture.com

anrdoezrs.net

api.facebook.com

apmebf.com

avantlink.com

b-api.facebook.com

b-graph.facebook.com

cc-dt.com

commission-junction.com

doubleclick.net

dpbolvw.net

emjcd.com

evyy.net

go.redirectingat.com

go2jump.org

gopjn.com

graph.facebook.com

jdoqocy.com

kqzyfj.com

linksynergy.com

lithium.facebook.com

lookaside.facebook.com

onenetworkdirect.net

pjatr.com

pjtra.com

pntra.com

pntrac.com

pntrack.com

pntrs.com

qksrv.net

redirect.at

redirectingat.com

shareasale.com

s.youtube.com

s.ytimg.com

tkqlhce.com

youtubei.googleapis.com

yt3.ggpht.com

I add zawh vek hnuah AdAway Home ah kir leh la Download & Activate button hmang khan activate la, a success thleng i nghak dawn nia.. Tichuan, fakna (ads) vangin i buai fo tawh lovang..

AdAway i hman vanga i luh duhna luh theih tak loh i neih chuan i duh duhna, i luh theih tak loh chu a link comment ah lo dah la, a host white-list a dah belh tur ka lo zawnchhuahpui dawn che u nia..

Enjoy ads-free mobile.. ☺

Android mobile buaina tlanglawn leh a chinfel dan

Android mobile te hi smartphone a nih vangin ho taka buai thei a nih rualin buaina tam zawk hi ho taka chinfel theih deuh zel a ni a. Heng harsatna chinfel dan hi hre lo kan awm takin a bangbo zawkte pual liau liauin kan post ve hrim hrim ang e. Țangkaipui kan awm tak mialin..

PlayStore buaina:
A țhen chu a in load vung vung/char char ringawt a, inhawn lovin a var hlung emaw a dum hlup emaw a ni tlangpui. Tin, chubakah net chak lai pawn network țha lo angin error a awm țhin.. Hetiang hi chhan chi hnih awm thei langsar deuh a awm a. Chungte chu:

1. Non-Root Device: Mobile root access nei lem lo tan chuan he buaina hi chinfel har lo tak a ni. Mobile Menu > Settings > Apps > All > PlayStore (device țhenkhatah chuan Settings zawhah hian Advance Settings emaw Manage Apps ah emaw luh leh phawt a ngai țhin) ah luh a, Cache clear a, data clear lehin a hman leh theih nghal tlangpui. Chuti chung pawha a la dik loh cheu chuan tih țhat leh a, tih zawhah PlayStore hawn hmain a hnuaia mi te hi
- Google Play Services
- Google Services Framework
PlayStore ang bawka cache clear in mobile restart/reboot zui nghal mai tur.

2. Rooted Device: Root user kan niha, step 1 khian kan harsatna a solve lo a nih chuan eng application emaw hack version kan hman vang emaw, ads paih tura host tih danglam vang emaw leh thildang vang a ni thei tho bawk. A tlangpuiin host in google PlayStore in google play a access kha a block a ni fo țhin. Chutiang a nih chuan Host Editor hi a apk in he post 'Google Play application apk a download dan' ami ang hian download a chinfel theih a ni a. Chutiang bawkin ES File Explorer nei tan chuan heta 'Host dik lo hi' ami ang hian chin fel mai theih a ni bawk.. Host ațangin 'android.clients.google.com' tih awmna line kha paih mai tur a ni e.

Insufficient Space buaina:
Android Device hi a tlangpuiin inbuilt/phone memory leh SD Card memory hmang kawp thei a ni tlangpui zel a. Chung hmun pahnihah chuan Storage Location eng anga lian pawh la nei mah ila, RAM overuse vang leh hnawmhnawk kan hriat miah lova kan lo chhek khawl hnem avangin he buaina hi thleng fo vang a ni. Kan hriatthiam theihna atan chuan System RAM kha 1GB ni ta se, kan app install apiang khan RAM a ei hek zel avangin leh RAM in a zawh bak chu install theih a ni lo a, update theih a ni hek lo.. Chutih rualin photo/video editing app (360, PicsArt, Instagram, HD Video Editor, Vivo, etc) te kan hmang a nih chuan Random Access Memory (RAM) khan kan khawih hnu kha kan mamawh leh takin tiin eng emaw chin a lo chhinchhiah țhin a, chu chuan RAM consumption țul lovah a tisang uchuak thei viau a.. Tin, market (PlayStore, Mobogenie, Blackmart etc) ațanga thil kan install in, chutiang deuh bawk chuan a lo chhin chhiah avangin Trash file hi clean ve reng loh chuan he buaina hi awlsam te a neih theih a ni. Mobile nung, kan hman ve reng hian system trash tam tak a siam ve a, chung pawh chu paih loh rei a nih chuan RAM mai bakah Storage pawh a tipung thur thur thei a. Camera a thalak save theih loh te, app engmah install leh update theih loh te, mobile tang chuih chuih leh muang em em thlengin a thlen ve thei.. Hei hi a hranpa a clean dan sawi mah ila, ka hrilh tum ber, bangbo zawkte tan hian a harsat dawn avangin a hnuaia application pahnih hi ka suggest mai ang a, a hnuaia khawi emaw zawk zawk hian an lo inthianfai thei mai turah i ngai phawt mai teh ang.
- CCleaner
- Du Speed Booster

PlayStore App Download/Update buaina:
PlayStore hawng thei vek siin chhan hrang hrang vangin app install leh update hi a theih loh ve țhin tho a, chung harsatna tam zawk chu hetiang hian chinfel theih a ni.
1. PlayStore Buaina point number 1 ami ang khian.
2. PlayStore hawng la, Settings ah lutin History kha clear teh.
3. Insufficient Space vang a nih chuan a chunga khi i harsatna chinfel dan a awm khi aw.

RAM heh lutuk buaina:
Hei hi chu kan buaina a ni tlangpui a, tlema mahni inhaikaw thei chin tan chuan RAM Expander hmang hian chinfel mai theih a ni a. Mahse chu chu a bangbo zawkte tan a u deuh hret dawn si.. Chuvangin a mawlmang ber te pawn kan thiam theih turin hetiang hian i sawi mai teh ang. RAM heh lutuk hi SmartPhone nihphung a nih vangin buai loh tur a ni a. App kan install te hian kan hriat lohin RAM hi an eihek ve zel avangin a management lam kan uluk a ngai ta a ni. Hetiangin:
1. Application kan hman țangkai lem loh tur leh hman duh zen zen loh tur hi chu install lovin a apk khan dahțha ta mai ila, hman duh hun huna install a hman zawh huna uninstall leh mai turin.
2. Țhiante hman ang leh neih ang apiang hman ve a neih ve tum ngawt lovin ka mobile hian a zo ang em? Ka tan a aia ka țangkaipui zawk tur app install duh ka la nei ang em? tih ngaihtuah ranin țul lem lo install ve ngawt loh hi a him. App install a tlem poh leh RAM consume a tlem si a..
3. Editing App kan hman reng rengin kan thlalak/video edit zawha kan save fel hnuah PlayStore buaina ami ang deuh khian Cache leh Data clear zel theih a fuh. Entirnan: PicsArt hmanga thlalak edit chuan a save zawhah Mobile Settings > Apps > Downloaded > PicsArt > Clear Cache & Clear Data a apply nghal dawn tihna a nih chu..
4. Insufficient Space buaina a app 2 kan inrawn zinga khawi emaw zawk zawk hman mai khian a thenfai a sam bawk.

AdWare buaina:
A hmain hemi chungchang hi post a nih tawh tho avangin a thara ziak lovin post hlui ka dah anga, duh zawk zawk click mai tur a ni e. A hnuaia mi hi i chhiar duh zawk i click mai dawn nia
- Android AdWare hluar mek leh a chinfel dan..
- Stubborn Trojan Killer

Rooting buaina:
Android hmang thar hi kan awm zel a, Root chungchang hrechiang duh leh Root ve duh pawh kan awm ve zel a. A bangbo zawkte tan blog post lo awm sa hi ka dah ang a, duh zawk zawk kan click mai dawn nia
- Rooting hi!
- Computer tel lova Android mobile root dan leh root hnua tih ngei ngei tur te!

Pattern Lock buaina:
A khat tawkin he buaina tawk pawh hi kan awm reng si a, kan awlsam zawkna a nih ringa post lo siam tawh hi ka dah tel ang a, a mamawh chuan click mai tur a ni ang..
- Pattern Lock i tihbuai palhin..

Buaina kan neih leh tawh a in ang si lova, vawikhata ziah vek sen pawh a ni lo. Chuvangin Android Hmangchang Blog Post in a post zawng zawng hi bookmark keuh mai ila, post hlui haina'n leh post thar la awm tur en zelna atan pawh a țangkai ngei ang..

A tawp kharna atan, inzul chiah lo mahse Hmangchang Blog in Mizo mipuite tana hman nuam zawk tura Application a tih danglam (Modded), a chhawpchhuah țhenkhat te hi kan dah tel ve a nge..
- ZoShare: Mizo android user tana chak taka thil inthawnna!
- Bumble Bee - Mizo Version TTPod
- Hmangchang: Mizo Android Application
- Mizo Bible: Latest Version
- Mini Messenger

I hlawkpui ngei beisei chungin tun țum atan chuan i duhtawk leh phawt mai ang..

Nang, malsawmna ni ang che..

In țhian,
- Muankima Khawlhring

Android AdWare hluar mek leh a chinfel dan..

Tunhnaiah Android Platform ah AdWare a hluar hle mai a. Heng AdWare hluar ho hi a hlauhawm dan leh hnathawh dan in ang lo tak taka ni hlawm. A țhen chuan fakna chi hrang hrang screen sirah emaw screen pum hliahin an lo pop-up tir țhin tlangpui a. A tlangpuiin application dang eng eng emaw install tur a rawn suggest kual țhin..

Țhenkhat ve thung chuan kan hriat miah lohin automatic in background ah a application duh duh a lo download thung a. Data a hek phah duh hle.

A tlangpuiin AdWare reng reng hian mobile a tih muan phahin a nasat hnu phei chuan tang (hang) vung vung a tam phahin a țuan a fum phah țuih țuih duh khawp mai a. Chu ai maha la pawi chu tunlaia AdWare hluar ho zinga țhenkhat hian root script an ken tel vangin system ah a install thei a, chutiang zinga a tam zawk mah chu root kher loh chuan uninstall theih loh a ni zui țhin a. System a luhchilh tawh phei chuan a ranglama chinfel a nih loh chuan mobile flash hial a ngaih phah thei a. Țhenkhat phei chu flash pawn a dik hlei thei tawh lo a awm an ti!

Chuvangin chu thil ata i fihlim theihna atan hmangchang beitham te mai chu hei le:
1. Application install tura fakna lam lo pop reng reng click ngai suh.. An application fak kha i duh ve reng a nih pawhin PlayStore ațangin nakinah i la install zawk mai dawn nia.
2. I țhiante application fak apiang install ve ngawt tum lo la, i application install tur chu engtihna atana siam nge a nih leh i application mamawh a ni reng em tih chhut hmasa fo zawk rawh.
3. I mobile la him lai khan System Menu > Settings > Apps > All (a țhenah chuan Manage Apps luh hmasak phawt a ngai țhin) ah khan System Apps leh i application install te eng eng nge tih chian turin check vek la, i theih phei chuan screenshot in khami bik kha folder hranah dah țha daih rawh. Tichuan AdWare in a luhchilh ve palh che a nih pawhin khawi khawi nge remove/uninstall tur tih awlsam takin i hre thei ang.

Min lo luhchilh hman tawh ta se la!?
A luhchilh hman tawh ah pawh AdWare a zir leh a rei tawh leh tawh loh dan a zira root lova chinfel mai theih leh root kher ngai a awm a. A țhen phei chu flash ngai hial te pawh a awm țhin.. A hnuaia step ang hian i chingfel thei hlawm ang.

1. Non-Root Method: Heng ho hi chu lo a sir vela ads lo pop tir țhin ang chi kha a ni tlangpui a, system-ah a install ngai mang lo. Mahse a package name ah system app ni awm taka an siam țhin avangin paih ngam a har duh fu.. Chuvangin he > Antivirus < hi click in download la (download button buang/brown kha click tur), i setup fel zawh vekah (validate a ngai a, i net speed a zirin validate chhung hi a reiin a rei lovang) virus definition kha update la (application i hawn khan Antivirus > Update kha click leh mai tur), Memory Scan ang che. Adware a awm chuan a detect ang a, a detect apiang i uninstall mai dawn nia..

Mobile default OS a Kitkat, Lollipop & Marshmallow hmangte tan erawh a vanduaithlak. He Premium Version advantage hmang tur hian kan mil ve tlat lo. Mahse lungngai suh. Hetah > Free Antivirus < hian click in a free version PlayStore ațanga install mai tur a ni. Advantage nei chhe hret mahse a virus detect theih dan erawh a in ang reng.

Note: He Antivirus (Premium & Free Version) setup dawna Security Code kha Mobile a Antivirus lock na tur key a ni a. Email enter hnua Password erawh kha chu Kasper Account password tur a ni a. Email password ni lovin Kasper Account siam zawh huna va luhna tur password chauh a nih vangin duh duh a hman theih a. Hawrawppui leh te inkawp bakah number tel thei se a fuh. Entirna'n: Muankima2016. Tin, premium version hmang turte tan validate dawn lai khan net chak deuh hlek lai ni thei se. Data on a ngai tihna a nih chu.. Full feature a hmang tur chuan Device Administrator kan neih sa chuan deactivate phawt a ngai bawk ang.

A detect si, uninstall theih loh i neih chuan chutiang awm apiang chu a hming chhinchhiahin skip phawt la, Step 2 hmangin i chingfel mai dawn nia. I zawh felah pawh he antivirus hi uninstall kher lo la, i app install thar apiang lo scan zel turin tikhan i hmang hlen nghal thei a. I duh chuan mamawh huna install leh turin a apk in i backup thei bawk. (Apk a backup dan: ES File Explorer Guide)

2. Root Method: Heng ho hi chu adware hlauhawm zawk system a install, uninstall theih loh tura insiam nghal te chinfel dan ve thung a ni a. Eng method hmang ber emawin i mobile root la (Rooting hi hetah > Root hmangchang < hian cick in i bihchiang thei ang), i root zawh hnuah point number 1 a ES File Explorer guide khi en la, install in root permission i pe ang a. Tichuan i ScreenShot dahțhat nena en tawnin system ken ni lo zawng kha i uninstall mai ang. Emaw step 1 a antivirus in a detect si i uninstall theih loh ho kha ES File Explorer ațangin i uninstall tawh mai dawn a nia.

I root ta sa sa a nih chuan Ads block na atan AdAway hi download in install la, i install zawhah hawngin a chung ding kil lama pop-up menu kha hmet la, Hosts sources ah khan http://adblock.mahakala.is hi dah belhin host update ang che. Tichuan Mother of All Ad-Blocks (MoaAB) sources nen i hmang kawp tihna a ni ang a, ads chu a block hneh tawh khawp ang..

3. Flash Method: Step 1 leh 2 hmanga i la clear thei ngang lo a nih chuan a thiam hnenah kalin adware in i phone a tihbuai dan leh remove tura i step tih chhin tawh te hrilhin i flash tir mai dawn nia..

Hlawkna eng emaw tal i lo chhar beisei chungin duhtawk leh phawt mai ang.. Lo fimkhur la, lo him la, lo hlim ang che.. 😄

#PS: App install tur attached tel ho hi mi upload sa ka rin nghal a ni a, a link ualau taka i thehdarh chuan remove theih a ni tih hriain lo fimkhur pui hram la, tichuan midang tan malsawmna i ni a ni mai! Nang malsawmna ni ang che.. ✌😇