PAN Card leh Aadhaar Link loh thi dawn! A link dan hre lo te tan kaihhruaina..

Income Tax Act 1961, section 139AA in a phut angin Aadhaar Card leh Permanent Account Number (PAN) hi link ngei ngei ngai a ni a. A hma pawhin, 2017 daih tawh khan hemi vang hian a link dan tur PAN Card leh Aadhaar Card link dan ka lo post tawh a, mahse tunhnaiah India rama PAN Card pechhuaktu ber State Bank of India in timeline siam a, 30th June, 2021 hma a link lo te chu an PAN Card chu hman loh anga an ngaihsak dawn thu an chhuah tâkah chuan a tharin, kimchang zawkin kan post ṭha leh hluai mai ang e.

SBI NOTICE

PAN Card hi SBI customer te chauhin kan hmang lova, Bank hrang hrang customer te pawhin kan nei deuh vek tawh a. Tunlai khawvelah chuan a tel lova tih theih loh a tam tawh bawk nen tuman kan PAN Card a thih kan phal ka ring lo a (News ṭhenkhat chuan 1st July, 2021 a PAN Card thi zingah kan Card a tel ve a, kan la hmang duh si a nih chuan pawisa kan chawi deuh ṭalh a ngai dawn niin an ziak hlawm), chuvangin a thih lohna tura a link dan chi hnih hi mawlmang thei ang berin kan sawi ve chhin dawn ang e.

SMS hmanga link:

Mi zawng zawng hi English hrethiam vek kan nih loh avangin hei hi mi ṭhenkhat tan chuan a awlsam phian zawk ang a, mahse SMS hmanga link tur hi chuan main balance neih a ngai ang a. Tunlai pack kan thun hovah hian main balance a awm hran loh tlangpui avangin ₹ 10/20 man vela (service provider tin top-up plan a in ang lo a, sawi kim sen a ni dawn si lova!) topup thun hmasak a ngai ngeiin a rinawm. Tichuan:

1. UIDAI PAN Aadhaar_No PAN_No format hian i Aadhaar leh PAN number kha i type ang a (Entirna atan i Aadhaar No kha 199258827576 hi lo niin i PAN No kha PKZHL1798G hi lo ni ta se, i text type tur chu UIDAI PAN 199258827576 PKZHL1798G tiin i type dawn tihna a nih chu).

2. Tichuan i thu type kha i bank account leh aadhaar nena link na SIM aṭangin SMS hmangin 567678 ah emaw 56161 ah emaw i thawn ang a, prompt message lo thleng a zirin a failed leh tih ṭhat a, chuti khati chhung process a ni ang tih emaw a lo thleng a nih chuan i tifel der tihna a ni. I link sa chuan i link sa thu zâwk pawh a lo thleng mai thei bawk.

Online kaltlangin:

Hei hi mi tam zawk tan chuan balance thun chawp a ngaih dawn loh avangin a sam zawk ang. Chu mai bakah kan link tawh leh link loh hre lo tan check hmasak a theih tho bawk a. Online hmanga link duh tan chuan:

1. I PAN Card leh Aadhaar Card i link tawh leh tawh loh i chian tawh loh chuan 👉🏻 STATUS 👈🏻 hi click la, i PAN number leh Aadhaar No chhu lutin a hnuaia View Link Aadhaar Status tih kha a lo nung chiah ang a, kha kha click in i link tawh leh tawh loh i en hmasa thei ang. I la link lo a nih chuan step 2 ah i kal ang a, i lo link sa tawh chuan buaipui ve i ngai tawh lo tihna a ni mai.

2. I la link lo a nih chuan:

a) PAN Card leh Aadhaar Card link turin 👉🏻 LINK 👈🏻 tih hi click rawh

b) PAN number, Aadhaar Number, Aadhaar a hming i ziah dan leh i mobile number (Bank Account leh Aadhaar Card nena i link na number kha) i chhu lut ang a. Tichuan a hnuaia tick tur pahnih - I have only year of birth in Aadhaar card leh I agree to validate my Aadhaar details - kha tick in a hnuaia Link Aadhaar tih button kha a lo nung chiah ang.

c) Tichuan kha button kha i click ang a, i mobile a one time password (OTP) lo thleng kha enter in Validate kha i click leh ang a. Tichuan, bank a kal buai ngai lovin i link fel der tihna a ni mai.

Hei mai piah lamah hian ṭhenkhat chu PAN Card nei ve tawp, activate zui lem lova a number a mamawh te hnena lo pe ve mai te pawh kan awm thei a, chutiang tan chuan a rang lama PAN Card activate turin:

1. PAN Verification 👈🏻 hi click la

2. PAN Number, PAN Card a hming ziah dan, i date of birth (aadhaar card leh PAN Card siamna atana i hman ang ngei) leh i mobile number chhu lut la

3. Tichuan i mobile a one time password (OTP) lo thleng kha chhu lutin Validate kha i hmet leh ang a, midang tihbuai ngai miah lovin i activate/validate fel der a ni leh mai.

I lo hlawkpui ngei beiseiin duhtawk phawt ila, video tutorial ka siam peih tâk leh post hi edit in ka la rawn dah tel leh mai dawn nia..

Covid Vaccination Registration & Booking tih dan!

18+ vaccination ṭan tirh ata mipuiin an bawh nasat dan tur a thawktu lam indaihzia hriain, vaccination chak tak leh him taka kalpui tur chuan self-registration kalpui a ngai tih hriain self-registration & booking/schedule tih ṭan a ni a. Vaccine pek dawn ni apiangin booking hi zing dar 8 ah hawn ṭhin a ni.

Hemi chungchang chiang lo te leh booking ti hman lo ṭhin te tan kaihhruaina tawi te kan ziak ve leh rawih mai ang e. Ṭhenkhat registration an tih fel avanga booking ti fela inngai an lo awm leh ṭhin avangin.

Registration:

1. Cowin.gov.in ah hian lut la

2. A chung ding kila Register/Sign In Yourself tih box enga lo langah khan lut ang che.

3. Tichuan a hnuaia mi ang hi a lo lang ang a, i mobile number (digit 10) chhu lut ang che.

4. Get OTP tih hi i click ang a, i mobile number ah khan sms in login na tur code an lo thawn ang.

5. Tichuan One Time Password an lo thawn che kha chhu lutin i login ang a, tichuan i details select tur a hnuai ami ang hian a lo lang ang.

6. Photo ID Proof ah khian Aadhaar i select ang a, Photo ID Number ah khian i Aadhaar Number i chhu lut ang a, Name ah khian i Aadhaar a i hming lan dan ang chiaha chhu lutin Year of Birth ah khian i aadhaar a i pian kum lo lang kha a kum chiah chhut luha add mai tur a ni. Tichuan i i register fel tawh tihna a ni.

Chutih rualin mi tam takin kan hriat sual fo chu kan in register hian booking kan tifel ta emaw kan ti fo, a ni lo, booking ti thei turin kan in register fel ta tihna a ni chauh zawk.

Schedule/Booking:

A tlangpuiin booking hawnni hian 10-15mins velah booking hi a full hman deuh ziah avang leh zing dar 8 a hawn ṭhin a nih avangin, registration tifel sa thlapin, Internet chakna lai hmunah dar 8 rik hmain lo awm lâwk vâng la, tichuan booking ti hman turin chance i nei ṭha sawt ang.

1. Zing dar 7:59 velah Cowin.gov.in ah khan ah bawk lutin a chung ding kila box eng chhunga Register/Sign In Yourself ah bawk khan i lut leh ang a, tichuan i mobilr number (10 digit) chhu lutin Get OTP i click ang a, SMS a code lo lut hmangin i log-in ang a, a hnuai ami ang hi a lo lang ang.

2. I number aṭanga midang schedule/booking tihsak tuma beneficiary ah i add a nih phei chuan an lo lang dal dawn a. Tichuan Schedule ah hian i lut dawn nia. (Pakhat aia tam i book sak dawn chuan a mal mala tihsak vek an ngai dawn a, booking a full ran dan leh booking tih laia server a busy ve avanga OTP lo thlen har chang a awm ṭhin avangin tuk khatah mi 2 aia tam internet chak tak neih pawhin book sak hman a har tih erawh hre tel la)

3. Schedule i hawn khan a hnuai ami ang hi a lo lang ang a, in khaw PIB Code enter in i search ang a, a hnuai ami ang hi a lo lang ang.

4. Tichuan 18+ khi i Select ang a, Centre kha i Select lehin vaccine lak theih hun timing hran hran - 10:00-11:00, 11:00-12:00, 12:00-1:00, 1:00-2:00 etc tiin a lo awm thliah ang a, i duh ber i select tawh mai dawn nia. (Tuna example a kan hmanah khi chuan 0 slots tih a awm a, 9 June a pek theih zat an book full tawh tihna a ni a, an book full hmaa i luh chuan slot la awm zat a lo lang zel mai ang.)

5. Chutia i tihfel zawh chuan i appoinment page a lo lang a, eng emaw palh a awm lohna turi  kha page kha i screenshot ang a, appoinment pdf a download tur a chung ding kila lo awm kha download bawk la, tichuan vaccination centre ah eng emaw felhlel a awm a nih pawhin i screenshot emaw i appoinment download kha emaw i hmuh tir tawh mai dawn a ni.

Aarogya Setu leh Umang application kaltlang pawhin a step hi a ngai deuh vek chungin, booking tihna atan chuan Covid Web Portal ngei hi a awlsamin a rang ber maiin kei ka hria..

I lo hlawkpui ngei beisei chungin tun hun atan chuan duhtawk leh phawt ang..

AdClear: Android mobile root loh tana adblock ṭha chi!

Kum 2017 daih tawh khan AdAway: Mobile root tawh tana adblock ṭha mi tiin mobile a fakna lo block na ṭha, mobile root tawh te tan bik ka lo ziak tawh a. Blogging ka chawlhsan vang vang hnuah kum 2021 a lo thlen a, pandemic lockdown vanga hunawl kan ngah takah chuan midang tan a ṭangkai takin mobile la root lo, lei tirha a nihna ang anga hmang te tana fakna block na application ṭha AdClear chungchang hi kan ziak leh zuai zuai teh ang.

I mobile ah fakna i lo ning ve viau a nih chuan lo chhin ve la, comment lamah he application hi engnge ang i tih reng i rawn sawi leh dawn nia.

Engtia Install tur nge!?

1. Download hi click in a apk i download ang a.

2. I download zawhah a apk kha click in i install ang a, permission i la pek loh chuan Install from unknown sources i ON hmasak a ngai thung ang.

3. I install zawh chuan OPEN a, setup zui a ni tawh mai.

Engtia Setup tur nge!?

1. I open ruala Welcome to AdClear tih a lo lan khan Continue i hmet ang a.

2. Block ads in all your app. No root required. tih a lo lan khan Get Started i hmet leh ang a.

3. Turn on AdClear tih lo lang hnuaiah khan hmet in OK i hmet ang a, CREATE A LOCAL VPN tih kha i hmet leh ang.

4. Chumi zawhah a hnuai dinglam kila AD tih emaw, a chunglama 50% AD tawpa arrow lemah emaw khan i hmet leh ang a, HTTPS Filtering kha select in i OK ang a, Certificate lo lang hnuaiah khan i OK leh ang. I zo ṭep tawh e..

5. Tichuan a mawng lama AD leh thla lem inkara Shield lem kha i hmet ang a, Firewall is disabled hnuaia hmetin emaw a chung lama Firewall sira box a tick khan emaw firewall i ON leh anga i zo fel ta!

Mahse he application hian fakna lo block char char tur chuan a in run reng a ngai a, chuvangin tlemin battery a heh hret dawn a. Battery hek lo hret si, block tho sia i duh chuan:

1. A mawnglam dinglam bera thla lemah khan hmet la

2. Snooze is disabled tih bawr velah khan i hmet leh emaw a chunglama Snooze sira box kha i tick emaw a nih chuan Snooze time i ON tihna a ni a.

3. Kha kha i on chuan background a lo in run ve application dang zawng zawng a chawlh tir ang a. Chu chuan battery save turin a pui thung ang.

Notification bar a lang reng kha i nin chuan App alertts kha off la, Block Count kha off lehin app notication ah a hruai ang che a, notification kha i off mai dawn nia.

He post hi i lo hlawkpui ngei beisei chungin ka duhtawk ang a, zawhbelh duh i neih leh comment lamah i lo drop mai dawn nia..

A thlawna movie enna site lar zual

Movie enna android application tha ber a chhal ngam, Cinehub chu server & site lamah problem a awm rih a. A ai awh zo application dang a vang khawp mai. Developer lam ten August thla velah an fixed thei chauha an in rin avangin, app install peih lo leh facebook lockdown movies lut peih si lo, a thlawna movies online a stream duh te tan site ṭhenkhat tihian ka rawn list chhuak e:

bflix.to

sflix.to

flixtor.one

ffmovies.ru

fsharetv.co

moviexk.biz

losmovies.live

dosmovies.com

watchsomuch.org

attacker.tv

cineb.net

fmovies.to

Mahse en dawn hian VPN hman ngei a him a, VPN app ṭha nei lo tan UFO VPN Mod hi download a, install a, en dawn apianga ON tawp a ni mai..

Tun dinhmunahrih chuan kei chuan Flixoid hi Cinehub thlaktu atan chuan a la rintlak ber em aw ka ti a, android device a lo install ve duh in awm chuan PIN post ah link a awm nghal e aw.

Stream lova download zel duh tan chuan Fou Movies hi a sam khawp mai, fakna a awm lo bawk nen..

SBI ATM PIN siam/thlak dan..

Tunlaiin SBI lamin ATM Card chhuak hmasa ho ti tawp tura a thar a thawnchhuah tak chur churah chuan, a hre lo leh bangbo zawk te tan ziah ve hrim hrim hi a ṭhain ka hria.. Bangbo deuh tan pawha hriatthiam theih tur ang berin, ka sawi mawlmang theih ang berin kan ziak ve chhin ang e..

A hmasain ATM PIN siam hian One Time Password an tih mai, a thlakna tur PIN/Code neih a ngai a. Chu code chu PIN la nei lo tan chuan siam (generate) ngei a ngai a, ATM/thlak tur leh nei thar tur zawng zawng tana tih tur hmasa a ni. Chumi chu kawng hrang hrangin siam theih a ni a, a siam dan kawng hrang hrang i sawi hmasa ta phawt ila:

ATM OTP GENERATE
1) ATM aṭangin:
a) ATM ah kalin i Card thar kha barh la, PIN Generation kha thlang la, i Bank Account No (Digit 11) leh i bank account a i mobile number register tel (10 Digit) kha chhu lutin i confirm ang.
b) I mobile ah OTP a lo thleng ang a, chumi hmang chuan ni 2 ral hmain post mawng lama ATM PIN siam/thlak dan tih ang khuan i PIN tur i siam mai dawn nia.

2) SMS hmangin:
a) 567676 ah PIN CCCC AAAA (CCCC aiah i card number tawp digit 4 hmangin, AAAA aiah i Account No tawp digit 4 i hmang ang) tih hi i bank account a i register tel mobile number aṭang khan thawn ang che.
b) I mobile ah OTP a lo thleng ang a, chumi hmang chuan ni 2 ral hmain post mawng lama ATM PIN siam/thlak dan tih ang khuan i PIN tur i siam mai dawn nia.

4) IVRS hmangin:
a) Bank Contact Centre - 18004253800/1800112211/08026599990 khawi emaw ber hi i bank account a i register tel number hmang khan call rawh.
b) I card number (digit 19 niin ka hria) leh i Account number (digit 11) enter la, i mobile ah OTP i dawng ang.
c) I mobile ah OTP a lo thleng ang a, chumi hmang chuan ni 2 ral hmain post mawng lama ATM PIN siam/thlak dan tih ang khuan i PIN tur i siam mai dawn nia.

4) Internet Banking hmangin:
a) SBI Official Banking Site ah i i-Banking account khan log-in la
b) Services > ATM Card Services > ATM PIN Generation ah kal la, i mobile ah OTP dawng turin emaw Profile Password hmanga phalna pe turin i ti thei ang.
c) I Debit Card chu khawi Account Number ami tur nge i thlang ang a, khawi Debit Card PIN nge i siam duh i thlang leh ang.
d) I PIN tur digit hmasa 2 tur i duhdanin enter la, a tawp lam digit hnih chu i mobile ah a lo thleng ang.
e) I mobile ah a tawp lam digit 2 a lo thlen hunah i type luh sa digit nen khan chhutzawm la, confirm rawh. Tichuan nangma thlan digit 2 + mobile a lo thleng digit 2 (2+2=4) kha i PIN thar tur a ni ang.

Heta ṭanga chiang ta chu OTP siam (Generate) tura bank account a kan register tel number pawimawhna kha a ni. Nakin zelah pawh kan tan kan security a nih tel zel tawh avangin kan lo tibo emaw ti thi emaw a nih pawhin a ranglama a ngai lakchhuah leh emaw bank a kal a kan number thar va update vat emaw kha kan sahimna tur a ni tih hi sawi nawn fo ngai lovin i chiang tlat ang u khai..

ATM PIN SIAM/THLAK DAN
Card thar i lachhuak emaw i dawng emaw, tih nun a ngai tawh a, a chunga Method 1-3 khawi emaw ber hmang khian OTP i generate tawh a nih chuan emaw i Card hmanlai PIN i thlak duh a nih chuan a hnuai ami ang hian ATM PIN i siam/thlak thei ang.
1. ATM Booth ah kalin i Card chu swipe la
2. Banking select in English select leh la, PIN siam tur i nih chuan i OTP dawn ami kha chhu lutin PIN nei sa, thlak tur i nih thung chuan i PIN hlui kha i chhu lut dawn nia.
3. Change PIN ah khan lut la, Enter New PIN ah kha i PIN thar tur digit 4 chhu lut la (chhinchhiah tlat ang che), a dawtah khan i PIN thar confirm turin chhu lut nawn leh la, confirm ang che.
4. Tichuan tuna i chhut luh zawh tak chiah digit 4 kha i PIN thar chu a ni mai..

Mi tu emaw talin a lo ṭangkaipui ngei beiseiin duhtawk leh phawt mai ang..

- Muankima

SBI Quick - Missed Call Banking hmangchang

SBI Quick – MISSED CALL BANKING an tih mai hi SBI free service pakhat, SBI Account nei apiang tana hman theih tura duan a ni a. He service hmang hian mahni awmna hmun apiang aṭangin Account Balance, Mini Statement leh thil dang dang pawh - SMS emaw Missed Call emaw hmang ngawtin kan mobile aṭangin kan check zung zung thei a ni.

He thil hi tam tak tana ṭangkai tur si, ṭhenkhatin vawiin thlenga kan la hriatfuh chuan loh thil a nih avangin kan share ṭha ve leh reng reng ang e.

He service hmang thei tur chuan kan Bank Account ah kan number kan update a ngai a. Account kan hawn hnuah ka mobile number dah tel kha kan hmang zawm lo emaw hmang tawh lo a nih chuan bank ah kan mobile number hmanlai ngeiin kan va update tir a ngai a, Bank Account kan hawn laia Mobile Phone kan la neih loh vanga Mobile Number kan ziak tel lo a nih pawhin kan update tir hmasak a ngai.

Tin, Bank Account details a kan number dah hi chu kan himna atan hman zui reng hi a him ber tih hi i hre nawn awn awn teh ang u. Mi ṭhenkhat, SIM thlak kual nasat avanga an Bank Account nena link number tihluma buaipui leh ngai hi an awm zauh zauh a. Buaipui zui nachang kan lo hre lova, kan number thi ta kha new connection ah an lo pe chhuak leh a nih phei chuan kan bank security kha a chhe sawt ve thei tlat tih hriat tel a ṭha.

Android, Windows, iOS leh Blackberry device hmang tan store ah SBI Quick Application hi download mai tur a awm bawk a. Download a install hnu chuan Internet connection ngai kher lovin login hma khan SBI Quick service hi - app kaltlang khan call emaw SMS hmanga hman mai theih a ni a. He app hmangtu tan chuan call/SMS na tur number mai bakah SMS dan tur kha vawn reng a ngai ve lo.

Chutih rualin kan mobile storage neih dan a in an loh avangin application install kher lova hman dan zawk hi i han sawi chiang dawn teh ang.

I Bank Account ah i number i update tawh a nih chuan emaw, i Bank Account hawn laia i details a i number ziah kha i la hmang a nih chuan:

1. I bank account details a i dah number aṭang khan 9223488888 ah SMS in REG BankAccountNumber thawn khan he service hmang turin i in register thei ang.

Confirmation message a lo thleng ang a. Successful emaw Unsuccessful emaw a rawn inti ang a. A success chuan he service hi i hmang ṭan thei tihna a ni a, a success loh chuan:

• I thawnna number leh i message thawn kha guide ang a nih leh nih loh check ṭha leh ang che.
• Thawnna atana i hman kha Bank details a i number ziah zawk ngei kha a nih leh nih loh fiah leh ang che.

SBI Quick application hmang lova he service hmang tur chuan heng number leh a SMS dan chhinchhiah hi a ngai ang:

Registration: A hmaa sawi tawh ang khian REG Accountnumber tih hi +919223488888 ah thawn mai tur a ni.

De-Registration: I duh leh lo a nih pawhin DREG Accountnumber tih hi +919223488888 ah thawn leh mai tur a ni.

 Balance Inquiry: I balance i check duh a nih chuan +919223766666 ah call in emaw SMS a BAL tih thawnin i check thei bawk ang.

 Mini Statement: Mini Statement - i sum dahluh leh lakchhuah dan vel - i check duh a nih chuan +919223866666 ah i call in emaw, SMS a MSTMT tih i thawnin emaw i check thei bawk.

 ATM Card Blocking: I ATM Card i tibo emaw, an ru emaw, eng emaw vanga i block duh a nih chuan 567676 ah BLOCK XXXX tiin i SMS mai dawn nia. (XXXX aiah hian i ATM Card No tawp lam digit 4 kha dah tur)

 SBI Loan Features: Loan chungchanga hriat chian duh i nei a nih chuan +919223588888 ah emaw 567676 ah emaw, insakna tur puk dan i hriatchian duh chuan HOME tiin SMS la, motor leina tur puk dan i hriatchian duh thung chuan CAR tiin i SMS mai dawn nia.

A hmaa sawi tawh ang khan, he service hmang tur chuan bank account details a kan number dah ngei aṭanga call/SMS a ngai tih kha hria ila, tin in register phawt loh khi chuan a khawia mah khi hman theih a ni lo bawk. Hei hi i himna tur zawk a ni e..

I hlawkpui ngei beiseiin duhtawk leh phawt ang..

In ṭhian,

- Muankima

Nougat leh a chunglama android system app uninstall/remove/delete dan hmangchang!

Android OS sang zelah system app remove dan kawnghmang a dang ta a. System removal app - Youtube leh XDA mai bakah IT site hran hrana an sawi ho pawhin root permission nei chung pawhin a remove thei tawh hlawm lova, guide mumal tak hmuh tur a vang khawp mai.

Lenovo K8 Note ka lei tharah system app țangkai lo ho leh vendor app (uninstall theih si, reset apianga lo install ve ziah ho) hovin hmun a luah hnem ka tih avangin paih fai vek ka duh a. Google nen nileng leh zankhua maia ka inzawn hnuah guide awm ka hmuh ho zawng zawngin ka paih hlawhchham țhak mai a. Paih ngei ka duh si avangin kawng ka zawng ka zawng a, ka risk fuh ta hlauh mai a, mamawh ve leh la hre lo kan awm tâkin ka tihdan kan share ve ang e..

Mahse tumah risk la turin ka ti lo che u a, in risk dawn a nih tho tho chuan bangbo taka in tih ai chuan a kaihhruaina nen mahni indapchawp a awlsam ka rin vang chauha share ka ni a, in tihsual palhah mawh ka phur dawn aih lo a nia!

Tin, paih tur hian root thiam a ngai a, bootloader unlock thiam a ngai a (a ngaih lohna pawh a la awm tho), Xposed Framework flash dan hriat a ngai a, chuvangin rookie/newbie tan chuan ka sawi chin pawh hi a bo theih viau mai thei bawk. Hei chu expert tan bika post deuhah kan ngai mai dawn nia..

I remove ve duh a, kawng i hre si lo a nih chuan a hnuai ami ang hian lo try ve teh:
1. Bootloader UNLOCK rawh. (I device unlock a ngaih chuan google hmangin guide i hmu thei ang)
2. TWRP FLASH rawh. (I device mil tur lwh flash dan chu lo google ve mai ta la)
3. TWRP hmangin SUPERSU FLASH leh rawh. (Hei pawh TWRP flashing guide ah khan step a inziak sa ang)
4. Xposed Installer 3.1.5 install la, i device mil Xposed Framework DOWNLOAD rawh.
5. Recovery ah lutin Xposed Framework FLASH rawh. (XDA Forum ațangin Xposed install/flash dan hi chu i hmu thei ang - i device OS version ațangin zawng la, i mil tur i thlan dik loh chuan i bootloop theih avangin i install/flash hmain TWRP khan i system backup hmasa ang che. Hei pawh google in guide a hmuh sak thei ang che..)
6. Xposed i install/flash zawhah Reboot nghal lovin back la Advance > File Manager > System > App ah kalin i app duh loh, system tana țangkai lo tih i chian sa, i chhinchhiah sa ho folder kha DELETE vek la
7. I zawh fel hunah vawi 1 BACK in Vendor > Operator > App ah kal leh la, i duh loh ho zawng a folder DELETE leh vek la i REBOOT dawn nia!

Tikhan i zo fel der!

I system/device nen a inmil diak diak lo a nih pawhin he kaihhruaina hmang hian inzawn chhuah a nuam zawk ngei ka beisei..

Hetiang hmangchang dang hi i lo hriat ve zel duh chuan Muankima Khawlhring facebook page hi LIKE satliah mai lovin lo FOLLOW ve la, a nih loh vek pawhin Mizo Android Forum facebook group hi i lo join ve ngei dawn nia.

Application hmang lova Ads block dan!

I mobile phone ah fakna a lo pop-up fo emaw, duh duh hunah browser a lo inhawng emaw a nih a, AdBlock hran hran i hmang chung leh Antivirus rintlak hmanga i mobile scan ngial pawha engmah detect si lova i harsatna kian chuang loh chang i nei țhin em? Chuti a nih chuan tuna i google account hmanlai (Gmail) ah khan Ads Settings i manage lo a ni thei. Chuvangin kan sawi ang harsatna hi i tawk a nih chuan a hnuaia hmangchang zulzui hian i google account lo set țha ve chhin teh mah

Set-up dan tur:
1. I mobile Settings ah lut la > Google kha click hawng la > Personal Info & Privacy ah lut leh la > Ads Settings kha click in i browser hman duh ber select la, tuna i google account hmanlai hmangin i sign-in dawn nia.
{A kual i tih deuh chuan Google Ads Management Page hi click in i direct thei bawk ang.}
2. Ads Personalisation kha a in ON nge OFF check rawh.
3. A in ON chuan OFF la
4. Notification lo Prompt a Opt-Out for More Ads button ah khan click in Opt-Out All ang che.

Tichuan tuna i email kha i hman chhung zawng chuan Ads Pop-Up i mobile ah a lo lang zut zutin Browser te amahin a lo inhawng thut thut tawh lo tura ngaih a ni.

Hetiang hmangchang dang hi i lo hriat ve zel duh chuan facebook lamah Muankima Khawlhring Page hi LIKE satliah mai lovin lo FOLLOW ve ngei ang che.

eBook bihchianna leh a ebook premium ads free download!

He post hi kum 2013 vela Facebook Page lama ka post tawh a ni a, tukinah ka haichhuak fu leh hlauh mai a, a mamawh te tana haichhuah a awlsam zawkna atan blog ah hian ka suanlut thar a. Chutih rualin application download tur erawh Android Device tan bik chiah ka chhawpchhuak ta mai..

Thil ho te mah nise, a hminga ebook pathum lek ka tih chhuah vang maiin he zawhna hi ka dawng awl lo ta mai a. Chung zingah chuan lo chhiar fo tawh tura ka ruat tamtak an awm nawk bawk a. Chuvangin tawi tein sawifiah i han tum dawn chhin teh ang..

"e-book - /ˈiːbʊk/
noun1. an electronic version of a printed book which can be read on a computer or a specifically designed handheld device."

Khi khi web definition in a tarlan dan chu a ni a. Mizo țawng chuan, a mawlmang zawngin, lehkhabu lan dan ang chiaha chhiar tura computer leh device hran hran tana lehkhabu an siam hi a ni ti ila a tawi kim mai awm e..

"An electronic book (variously: e-book, eBook, e-Book, ebook, digital book, or evene-edition) is a book-length publication in digital form, consisting of text, images, or both, readable on computers or other electronic devices. Although sometimes defined as "an electronic version of a printed book", many e-books exist without any printed equivalent. Commercially produced and sold e-books are usually intended to be read on dedicated e-book readers, however, almost any sophisticated electronic device that features a controllable viewing screen, including computers, many mobile phones, and all smartphones can also be used to read e-books." tiin Wiki lam chuan an lo hrilhfiah ve thung..

Wiki sawifiahna ațanga chiang ta chu, ebook tam zawk hi chu a lehkhabu tak tak a an chhuah te a ni hlawm a, chutih rualin lehkhabu a chhuah lem loh ebook a chhuah tam tak awm țeuh tho bawk a ni..

eBook hi mi tam tak chuan "..mit a ti thip duh em mai.." tiin an ngaina lem lo a, mahse chutih rual chuan țhatna tam tak a nei tih hi kan chhut hmaih fo si a, a țhatna tlem a zawng kan tarlang ve reng reng ang e..

1. Ebooks te hi chu lei ngai chi pawh lei turin ni sensa hnuaia i chhuah a ngai lova, post office ah va buaipui a ngai ve hek lo. Chawp leh chilh pawhin, i chair a țhu chungin, i mamawh hmanhmawh viau pawhin i lei thei nghal mai! A free a download tur a la tam em em zui..

2. eBook siam tur hian thing leh mau kih chereu a ngai ve map lo.. (Green Mizoram policy ah a țha dawn riau mai..)

3. Zirlai tan pawh a lehkhabu duh ang ang rang taka ebook format in download tur a awm deuh zel bawk si..

4. eBooks an zawrh ho tam tak hian bonus eng eng emaw, a lehkhabu pangai ken tel loh a keng tel țhin...

5. eBook te hi awlsam teiin hmun zim te ah a nuaih tel a dahțhat theih a, lehkhabu pangngai angin room/shelf a mamawh ve lova, tlumpi leh rannung dang ten an ei ve thei hek lo..

6. eBook chu a portable na tak hi a țhatna a ni a, in district library a lehkha aia tam mah pawh kha i kalna apiangah i ak kual thei a, a rit chuang si lo!

7. Khawi hmunah pawh, i mobile hmangin i chhiar ham ham thei a. 'net i luh theih loh laia in awih tleina atan a țha phian bawk..

8. Chhiar khat deuh ho pawh lehkhabu pangngai aiin eBook chu vawn țhat a awlsam bik.

9. Lehkhabu pangngai ang lovin information kimchang zawk enna leh software download tur link te pawh ebook chuan a keng tel thei..

10. eBook ah chuan lehkhabu pangngai ang lo takin word leh sentence chhiar duh lai pawh a bu pum keu chhuah ngai lova zawn chhuah zung zung theih a ni.

11. eBook chuan thlalak mai bakah audio, video leh animations te a ken tel theih avangin a ziaktu tan pawh fiah zawkin a ziah theih a, note siamna atan a țha hle..

12. eBook chu internet kaltlanga lei or download a nih vangin shipping charge a awm ve lo.

13. eBook te hi print duh tan pawh print theih a la ni zui cheu bawk..

14. eBook reader hman a zirin font leh colour te pawh tih danglam theih a ni a, mit chak vak lo tan a zia hle. Software țhenkhat phei chuan audio book ah a siam thei an la ti tak deuh deuh..

15. Zawrh chhuah leh inthawn vel a awlsam.

16. Thingtlang kil khawr leh motor luh theih mang lohna khua ațang pawhin awlsam takin eBook chu neih theih a ni.

17. eBook chu nitin darkar 24 chhungin a lei theih reng!

18. eBook chu a leak-out leh duplicate version a free a download tur a awm deuh zel a, a thu a ngai reng tho bawk nen, khawvel lehkhabu țha tam zawk mah hi a thlawnin a neih theih!!

A țhatna dang sawi tur tam tak pawh a la awm ang, chutiang bawkin a țhat lohna pawh..

Mobile a eBook chhiar ve duh si, ebook reader la nei ve lo tan eBook reader țhenkhat ka rawn chhawpchhuak a. eBookDroid hi free version a nih avangin PlayStore link ka dah a. A him ber ang. A dang hi chu paid version a nih avangin PlayStore ah chuan lei a ngai dawn si a, a thlawna a apk download na tur link ka dah a, hetiang ah hian hmangchang hre vak lo tan chuan apk dik lo download palh a, system tana țha lo install palh thei a ni thung.. Application kan install dawn reng rengin a icon en chiang țhin ila, a blank emaw, kan application install tum a nih loh chuan install lova cancel leh a, a file kha va delete vat a him tih hi i hre tel bawk ang u.

1. eBookDroid: Click here to Install
2. Moon+ Reader Pro: Click here to open download page
3. Aldiko Premium: Click here to open download page
4. AlReader: Click here to open download page
5. Bookari Premium: Click here to open download page

Hetiang post dang i lo hmuh ve zel duh chuan facebook lamah Muankima Khawlhring page hi LIKE satliah mai lovin lo FOLLOW ve ngei nang che.

Facebook account recover dan

Facebook account hi tibuai tawk kan awm reng a, a tlangpuiin kan fimkhur tawk loh vang a ni fo. Chuvangin nakina kan buai lohna tura recovery option hrang hrang:
- Mobile number dah
- Primary email a kan email dah
- Trusted Friends set thlap
mai bakah hian kan username hriat lawk sa thlap hi tih makmawh a ni a. Mahse a tam zawk mahin chu chu kan hmaih fo lawi si.

Hman kumah tawh, post hluiah chutiang lam chu kan ziak tawh tho bawka tun țum chu a recover dan bik hrim hrim Mizo țawngin guide ka siam a, facebook settings an thlak hma chu hetiang ang hian a recover theih turah ka ngai..

1. I facebook account an hacked a nih chuan:
a) I facebook luh țhinna number i ti bo tawh emaw, mail i hmang thei tawh lo emaw, an hack chunga i la hmang thei tho a nih pawhin a him tawh dawn loh avangin mail thar i mamawh dawn a. Email account thar siam fel hmasa phawt ang che.

b) Hack account recovery page ah kalin 'My account is Compromised' tih kha click la.

c) Facebook i luh țhinna Number/Email/Username/Login Name chhu in enter rawh. Tichuan facebook in i account a zawng ang a. Number leh mail hi hacker tan thlak theih a nih avangin username hriat hi a țangkai hle. Hacker in i number leh mail a lo thlak tawh a nih chuan i account kha a hmu zo lo tawp ve thei tho. (For eg: Zuckerberg a facebook profile link hi https://www.facebook.com/Zuck a ni a. 'Zuck' hi a facebook username tihna a ni). Chuvangin i username hmang la, a hmu thuai mai ang.

d) Tichuan i password chhut a lo ngai ang a, i account an hack hmaa i password hman kha chhu lut rawh le.

e) A dik dawn lo a, page in hawng a 'Reset my Password' button kha click ang che.

f) I account an hack emaw, i mail leh number kha i access thei tawh lo a nih chuan 'No longer have access to these?' kha click rawh.

g) Tichuan i email thar kha chhu lutin password reset na tur link i mail tharah i thawn tawh mai dawn nia.

h) I email a guide ang pek ang thlap che khan i chhunzawm ang a i recover thei maiin a rinawm.

I thei lo a nih chuan, a chunga method i hlawhchham palh takin Account Identification Page ah kalin guide angin i recover thei maiin a rinawm.

2. Facebook Team in i facebook account an dormant/disable a nih chuan:
a) I ID Card a enga pawh scan copy a ngaih dawn avangin scan la, i mobile/memory card ah dah rawh.

b) ID Card Submit Page ah hian kal la

c) Choose File ațang khan i mobile/memory card a i dah sa ID Card scan copy kha select rawh.

d) A hnuaia text box ah hian chu account i luhna email/number chhu lut rawh.

e) 'Send' button click in a in sent zawh huna information kha uluk takin lo chhiar la, khatiang khan i recover mai dawn nia.

3. Facebook password i hriat tawh loh a, i mail lut thei tawh lo emaw, i number hman țhin i tibo tawh a nih chuan:
a) Facebook login page ah kalin "Forgot password?" kha click rawh.

b) I account hriat theihna tur in form kha fill-up la.

c) Email/Number i account nena inthlunzawm a lo lan hunah 'No longer have access to these?' kha thlang rawh.

d) I security question set chhang turin guide ang khan i kal zel thei a, Trusted Friends i set sa a nih chuan option an lo pe tel ang che a, an puihna hmangin i recover thei ang.

I hlawkpui ngei beiseiin duhtawk leh phawt ang..

Lo fimkhur u la, lo him u la, lo hlim ang che u..

Hetiang ang hmangchang dang i la hriat zel duh chuan Muankima Khawlhring Facebook Page hi lo SUBSCRIBE ve ngei ang che..

PAN Card leh Aadhaar Card link dan

Aadhaar Card hi engkim nen link a ngai ta zel a, a hmain SBI Account nena link dan bik kan ziak tawh a, tun țum chu online ațanga PAN Card nena link dan ve thung i han bihchiang dawn teh ang. Kan awlsam phah tak mialin..

I PAN Card ah i Aadhaar Card i link duh a nih chuan:
1. I PAN Card number, i Aadhaar Card number leh i Aadhaar Card-a i hming inziah dan kha i mamawh dawn avangin in ring lawk ang che.
2. Aadhaar Card Seeding (PAN Card) Page ah hian lut rawh.
3. I PAN Card Number, i Aadhaar Card Number leh i Aadhaar-a i hming inziah dan ang thlap kha fill-up phawt rawh.
4. I have only one year of birth in Aadhaar Card kha tick rawh.
5. Chumi zawhah a hnuai i duh zawk zawk hian i ti thei ta:
a) Thlalaka code lo lang kha a hnuaia box ah khan i enter zawhah Link Aadhaar button kha i click mai ang
b) I network vang leh thildang vanga kha thlalaka code kha i hmu thei lo a nih thung chuan Request OTP kha select in SMS a i mobile a code a lo thlen hunah a fill-up na tur box ah kha code kha chhu lutin Link Aadhaar button i click leh mai ang. 'Mahse' awm ta erawh Aadhaar Card Registration a i number dah ngei kha OTP dawng thei tur chuan i la hman a ngai thung ang.

I lo hlawkpui ngei beiseiin duhtawk leh phawt ang..

Hetiang hmangchang dang i lo hriat ve zel duh a, facebook account i nei bawk a nih chuan Muankima Khawlhring Page hi lo Subscribe ve ngei ang che.

SBI Account leh Aadhaar Card link dan

SBI Account tinah Aadhaar Card link a ngai ta zel a. Hei hi kan tana security țhat zâwkna tur ni mahse bank lam thawktute hun tawt lutuk nen mipui lam tan buaina tham a ni ve reng thei a. Chuvangin bangbo zawkte tan a tih theih dan kawng hrang hrang an ziah chi li/nga te hi Mizo țawngin kan chhawp ve reng reng ang e. Mahse kei chuan Anywhere App hmanga ka link avangin option dang hi pakhat mah ka test lem lova, internet lam ami Mizo țawngin ka chhawp ve mai a ni tih erawh min hriatsak dawn nia..

SMS HMANGIN:
Account zawng zawng deuh thawah hian Mobile number kan register tel miau avangin hei hi mi zawng zawng tana applicable ber a ni hial ang a. A tihdan tur chu:
1. 567676 ah UID (space) Aadhaar number (space) Account number i thawn ang. (Eg: UID YYY ZZZ, where YYY = Aadhaar No., ZZZ = Bank Account No.)
2. I SMS thawnna mobile number kha la register loh a ni emaw, i SBI Account ah Aadhaar link tawh emaw a nih chuan SMS in an rawn hrilh ang che.
3. I mobile number chu i account ah i register tel a nih chuan SMS in Aadhaar leh i account link i dil thu an rawn hrilh ang che.

ATM HMANGIN:
SMS hmanga kan link fu hlei thei lo palh hlauh a nih pawhin ATM ah awlsam taka link theih a la ni cheu! Tunlai SBI Account chuan ATM Facility hi a ken nghal deuh zel tawh avangin hei pawh mi zawng zawng deuhthawin an tih theih tur thil bawk a ni a. A hnuai ami ang hian lo try ve mah teh:
1. ATM ah kal la, i ATM Card kha swipe in i PIN Code barh rawh.
2. Option lo langah khan 'Service - Registrations' Menu kha thlang rawh.
3. 'Aadhaar Registration' option kha i thlang leh ang.
4. I Account type (Savings/Checking) thlan a lo ngai ang a, i thlan zawhah Aadhaar number enter na tur lo awmah khan enter rawh
5. I proceed hunah Aadhaar Number enter nawnna tur a lo lang ang a, enter nawn lehin proceed leh la i zo der.

ONLINE BANKING HMANGIN:
Mi țhenkhat chuan Internet Banking Facility an nei a, chung mite tan pawh chuan Bank a kal lova link theih tho a ni. Chutih rualin online banking service hi miin an hmanna a in ang lem lova, a țhen chuan web browser ațangin an hmang a, a țhen chuan an mobile ah SBI Anywhere (SBI Official) app hmangin an khawih țhin thung. Chuvangin A leh B ah țhenin i sawifiah dawn chhin teh ang.

A. Browser hmangin:
1. SBI Online Site ah log in la
2. I screen veilama 'My Accounts' hnuaia 'Link your Aadhaar number' kha click rawh.
3. Tichuan i Account number thlanna turah khan thlang la, Aadhaar number chhutna tur lo langah khan i Aadhaar number i chhu lut dawn nia.
4. Submit button kha click la i zo der

B. SBI Anywhere hmangin:
1. SBI Anywhere app kha hawngin login la
2. Request tab kha hawng la
3. Aadhaar option kha thlang la
4. Aadhaar Seeding ah khan lut rawh
5. I Account select la
6. I 12 digit Aadhaar Number kha a hnuai pahnih ah khan fill-up la
7. I fill-up zawhah Confirm click la
8. Sual a awm loh chuan Confirm click nawn leh rawh
9. Tichuan i registered number ah khan SMS a lo thleng ang a, tah khan OTP an lo thawn ang che. (I mobile OS a zirin OTP hi copy a ngai mai thei a, OS sang hovah chuan SMS lo thlen rualin auto in a rawn in fill-up ang)
10. Fill-up chawp a ngaih chuan i SMS lo thlenga OTP kha copy in Anywhere app a paste na tur lai ah khan paste ang che. (Mobile tam zawk ah chuan SMS kha hawn kher ngai lovin notification bar ah khan OTP a lang nghal ang a, khami en khan i type lut thei bawk.)
11. Ok/Confirm i click leh ang a, i zo der.

SBI BRANCH A KALIN:
Heng zawng zawng hi i thei ve lo fai vek a nih chuan SBI Branch ah nangmah ngei i kal a ngai dawn a, a kalhmang i bo lohna atan hei aw kaihhruaina tlem:
1. Aadhaar Xerox nen SBI Branch ah kal la
2. Aadhaar link dilna lehkha lachhuakin i fill-up ang a, Aadhaar Xerox nen thehluhna tur an hrilh ah che khan i submit leh ang.
3. Tikhan i zo der a, a dik leh dik loh SMS a an hrilh hun che lo nghak turin i haw san thei..

Mahse, Aadhaar fel tawk lo emaw, eng emaw thilah Bank emaw UIDAI lamin an verify lo palh thei a, a eng method ber pawh khi hmang la, i Aadhaar number chu Bank leh UIDAI lamin an verified hun hunah a in link nghal tawh ang.

An verify thei lo a nih chuan SMS in an rawn hrilh leh che ang a, i Aadhaar Number emaw e-aadhaar emaw nena SBI Branch pan mai turin an rawn hrilh ang che. Chuti a nih chuan a dik lo lai tidik tura i buaipui kual ve deuh erawh a ngai dawn tih hre tel ta la..

PAN CARD NENA LINK DAN I HRIAT DUH CHUAN 💁 Hei hi click rawh!

I lo hlawkpui ngei beiseiin i duhtawk phawt ang.. Hetiang ang hmangchang dang i lo hriatbelh zel duh chuan 💁 Muankima Khawlhring Facebook Page hi lo SUBSCRIBE ve ngei ang che..

AdAway: Mobile root tawh tana adblock țha mi!

AdAway hi mobile root tawh te tan chauha hman theih, mobile a fakna (ads) lo pop leh app/browser vela lo lang țhin a dan theih chin chin lang lo tura danna application țangkai tak a ni a. Root tawh chuan install loh phal chiah ka ruat lo. Mi tam takin he application hman duh vang hian an mobile an root phah hial țhin reng a ni.

I mobile i root tawh a, he application hi i hmang ve duh a nih chuan a hnuaiah hian XDA Developer Store link ka dah a, hetah hian a installation file (apk) download mai theih a ni e.

Install duh tan 💁 AdAway Download Page

Download a install zawh hnuah open hmasak berah root access permission pek a ngai ang.

Mahse, AdAway host source hian block kim tawk loh leh kan tana țangkai thei thil block tel palh a neih theih avangin ka hriat china host source țha leh host whitelist tur te leh a setup dan hi tutorial kan ziak ve hrim hrim ang e.

AdAway hi a hmain manual setup tel miah lova i lo activate tawp a, i lo hmang reng tawh a nih chuan open in disable button ah khan lo click leh phawt la, default host a hman leh hunah a hnuaia hmang thar tir te setup dan tur ang hian i lo setup ve mai dawn nia. Mahse he paragraph hi chu a hmang thar tur tan a kal kan theih thung.

AdAway i install zawh a, i open a root permission i pek zawh hnu khan AdAway Source ten a block kim loh te block turin heti hian i setup dawn nia:

1. Drop down Menu (a chung ding kila dot pathum) kha click la
2. Hosts Sources kha click leh rawh
3. A chung ding kila + button kha click la
4. Host dah luhna tur lo pop ah kha https://adblock.mahakala.is tih hi i copy paste luh loh pawhin i type lut ang a. I add dawn nia.

AdAway hosts source leh tuna source kan dah belh (Mother of All Adblock - MoAB) te hian a fakna a block țhat luatah kan tana țangkai thei tur te pawh a block palh thei dawn ta tlat thung a. Tin, default settings anga AdAway lo hmang tawp te pawhin he buaina hi kan lo tawk reng mai thei bawk. Chuvangin chutiang kan tawh lohna atan a hmang thar tur leh hmang thar tur te pawhin hosts kan download a kan activate hmain a hnuaia mi hi kan chhunzawm leh phawt dawn nia. Mahse, taihmak erawh a ngai deuh dawn tih erawh hre tel ila..

1. AdAway Home (app i hawn tirha a awmna kha) ah lut la.
2. Drop down Menu (a chung ding kila dot pathum) kha click la.
3. Your Lists ah khan lut la
4. White tab ah khan click la
5. A ding kila + button kha click in a hnuaia hosts list hi a mal malin i add vek dawn nia.

affiliatefuture.com

anrdoezrs.net

api.facebook.com

apmebf.com

avantlink.com

b-api.facebook.com

b-graph.facebook.com

cc-dt.com

commission-junction.com

doubleclick.net

dpbolvw.net

emjcd.com

evyy.net

go.redirectingat.com

go2jump.org

gopjn.com

graph.facebook.com

jdoqocy.com

kqzyfj.com

linksynergy.com

lithium.facebook.com

lookaside.facebook.com

onenetworkdirect.net

pjatr.com

pjtra.com

pntra.com

pntrac.com

pntrack.com

pntrs.com

qksrv.net

redirect.at

redirectingat.com

shareasale.com

s.youtube.com

s.ytimg.com

tkqlhce.com

youtubei.googleapis.com

yt3.ggpht.com

I add zawh vek hnuah AdAway Home ah kir leh la Download & Activate button hmang khan activate la, a success thleng i nghak dawn nia.. Tichuan, fakna (ads) vangin i buai fo tawh lovang..

AdAway i hman vanga i luh duhna luh theih tak loh i neih chuan i duh duhna, i luh theih tak loh chu a link comment ah lo dah la, a host white-list a dah belh tur ka lo zawnchhuahpui dawn che u nia..

Enjoy ads-free mobile.. ☺

Fantasy Premier League bihchianna!

Fantasy Premier League chu engnge ni?
Fantasy Premier League hi Premier League behchhana game an siam a ni a. Hetiang deuh hian sports discipline hrang hrang leh Football League hran hranah pawh Fantasy League hi chu a awm hrang ve thluah a, a kalhmang leh kalphung hi in ang chiah chiah vek lo mahse a in ang deuh țhum hlawm.

He game hi riruatna hmanga khelh a ni ber ti ila fiah tak maw! Fantasy Premier League kheltu chuan ama team tur a lakhawm a, chu a team a player te kar tina Premier League lama an statistic behchhanin point a lo hmu ve ta țhin a ni. A player lakkhawm te kha kar tina inkhelziah an nih chuan point score a awl ang a, eng anga lar pawh ni se a tak rama bench a țhu tluan țhak țhak țhin a nih chuan kha player khan a kheltu tan point a hlawhchhuak ve dawn lo tihna a nih chu.

Entirnan: Fantasy Premier League ah hian team 1 ah player 15 chiah a neih theih a. Tunkarah Premier League khelh lo ni ta se, Fantasy League lama i player te zinga 8 kha Premier League lamah an Club inkhelh ah che țha ta em em se, 3 kha che țha vak lovin 4 phei kha chuan khel ve ta lo se. Fantasy league lamah chuan mi 8 point hmu sang tak leh mi 3 point hmu ve hram hram leh point hmu lo mi 4 i nei dawn tihna a nih chu. Chu point belhkhawm chu Fantasy Premier League lama i point hmuh a ni ang.

Fantasy Football hi a tira rawn duangchhuaktu chu English pachal - Bernie Donnelly niin Dt. 14th August, 1971 (Inrinni) daih tawha bul țan niin an sawi. Kum 45 a vei meuh chuan a game kalphung pawh a changtlung tawhin Football mai ni lovin sport discipline hran hran pawn changtlung takin anmahni pualin Fantasy League hi an lo nei ve ta fir fer hlawm ta hial a nih hi!

Tute'n nge Fantasy Premier League khel țhin?
Football tuipui tak tak leh game kalphung zirchiang peih, kar tina Premier League ena Club feeling dahțha a Football hmangaihna vanga game thlir thiam țhin an ni tlangpui a. Mahse a khel țhin te hi Premier League Club a țan ruh em em nei an ni deuh vek tho. Facebook leh WhatsApp vela inla hre satliah ang chi tan hmun a awm lem lo ti ila kan sawi sual tam lovang. A chhan chu țan bik leh nger lam nei ran tan Fantasy lamah hian point score a har fat țhin.. A nihnaah chuang suangtuahna hmanga team enkawl ang an nih ber avangin point hmuh san duhtu tan chuan a player duh ni lovin kar tina point țha tak score sak theitu tur kha a player ngainat loh pawh ni se a start tir a ngai miau a ni. Chuvangin khawvel puma football expert a kan ngaih tam tak te pawh hian vawiin thlengin an la khel nawk hlawm. Coaching lama rilru tih hmasawnna atan țhenkhatin an hmang a, țhenkhatin hunawl hnawhkhahna atan, a țhen ve thung erawh football expert an nihzia pholan tumin, chutih mek laiin a lawmman um ngawr ngawra khel pawh tam tak an awm ngei ang.

Engtia khelh tur nge!?
Step 1: Signup
Khel ve thei tur chuan in signup a ngaih avangin a hnuaia link ah hian click in i in signup ang
Signup: Signup/Signin turin click rawh

Step 2: Team i din ang
I signup zawh hlim khan £100m pek i ni ang a, Premier League a team 20 awm te ațangin i teama awm tura i duh player 15 - Keeper 2, Defender 5, Midfielder 5 leh Forward 3 i lei khawm ang. Tichuan i team hming tur pawh i duh ang ngei i thlang thei ang.

Premier League Team 20 a player duh duh i leikhawm thei ang a, mahse team khat ațangin player 3 chiah i lei thei thung ang. Chutih rualin i club țan rum rut ami chu player 15 tawp pawh i sumin a daih chuan i lalut thei ang a, a enga pawh ni se £100m chiah i neih avangin player 15 i lei tlin theihna tura i rilru i hman a ngai tih erawh i hriat a ngai. Team khat ațangin

Step 3: First XI, Captain leh Vice-Captian i thlang ang
Team din tura player 15 i lei tlin hunah pawh thluak bawk a ngai leh dawn. First XI i thlan fuh leh fuh loh a zirin i point score a san phahin san phah lo thei tlat. Chutiang bawkin point score țha vak ngai lo Captain leh Vice-Captain a i dah a nih chuan chuti hlauh. First XI te hi Premier League lamah an start lo a nih chuan a ho der! A khel ve lo khan point a score ve dawn loh avangin kar tin EPL lama player performance a zira i First XI hi i siksawi ve a ngai bawk ang, point score țhat i duh chuan.

Captain hian Premier League lamah a khel a nih chuan a score zah kha a double in i score ah a lut ang a. Chuvang chuan point score sang thei, khel ngei tur si thlan kha a hlawk. EPL lamah i captain a khel lo a nih thung chuan captain hamțhatna kha Vice-Captain in a nei leh thung ang. Mahse, vanduaithlak taka EPL lama an khel lo ve ve a nih chuan point double a score thei i neih loh kar a ni tihna a ni mai.

Step 4: Țhian leh midang nena inel
Khiti anga team i dinfel tawh hnu chuan midang elpui turin private group emaw public group emaw i siamin i zawm thei ang.

Hriat tur pawimawh dang
1. I player zingah khel țha lo leh khel nhai lo, point score sak ve ngai lo che an awm chuan transfer section ațang khan hralhin midang i lalut thei ang. Gameweek zawh apiangin 1 free transfer pek i ni ang a, chu chu a awmzia chu i point score sa cut lovin i sum hmang ringawtin mi i lalut thei tihna a ni. Free Transfer hi i pelh chuan player leina man bakah i point an cut zel dawn avangin hei chu tih chi viau loh.

2. First XI i thlan hian formation i thlak pawha buai lo tura an versatile dan i thlir thiam a pawimawh hle bawk.

3. Card hran hran hman theih turin pek i ni țhin dawn a, i hriatthiam theihna atan:
a) Wildcard: Hei hi ka hriatthiam dan chuan season khatah vawi 2, January Window leh Season start hma a hman theih tura pek kan ni țhin a. Gameweek point kan score sa hloh miah lova team a player 15 te thlak hlawk theihna a ni ti ila a fiah mai awm e.

b) All Out Attack: Hei hi season tluanin vawi khat chiah a hman theih niin ka hria a, formation danglam bik, chak ngei duh emaw team khelh te hneh loh dawn viaua inhriat țuma hman tur bik, duh duh huna formation thlan ve theih loh ang chi thlanna a ni.

c) Triple Captain: Hei pawh hi season tluanin vawi 1 hman theih a ni a. I captain leh vice captain te an khelh dawn leh dawn loh a chian loh karah, double point score loh palh theih a nih kara hman tur chi a ni.

d) BenchBoost: Hei pawh season tluanin vawi 1 chiah a hman theih a. Benchboost i hman chuan substitutes ho pawn point an score sak ve ang che. Mahse vawikhat chiah season tluana hman theih a nih avangin i player te an vaia khelh țhat lai bera hman chi a ni.

Lawmman lam ve thung hi!?
Hei hi mi tam tak khelh chhan ni mahse khawvel puma football expert tam takin an khelh tel ve miau avangin lawmman dawn hi thil awlai lo tak a ni. Kar bi ang te, thla bi leh season tluan ang tein lawmman hi chi hran hran siam a ni țhin a. Season tin a danglam ve avangin a hnuaia link ah hian lutin i duh leh tun season a Fantasy Premier League lawmman tur chu i en mai dawn nia. Tin, link pawimawh ho pawh a hnuai hi ka dah tel nghal e..

a) Prizes: Lawmman en turin click rawh
b) Statistics: Statictic en turin click rawh
c) Scout: Scout lam en turin click rawh
d) Fixtures: Fixtures en turin click rawh

I lo țangkaipui ngei beisei chungin i duhtawk leh phawt mai ang. Chutih rualin ka thil hriatah fuh tawk lo deuh a lo awm palh hlauh a nih chuan comment lamah kan lo thawhbelh ve zel mai dawn nia..

Hetiang ang hmangchang dang hi i la chhiar ve zel duh dawn a nih chuan Muankima Khawlhring hi facebook lamah like in lo subscribe ve ngei ang che..

MIUI ROM bihchianna!

A hma khan facebook page leh ka timeline lamah pawh ka ziak nual tawh a, ka lo sawifiah tawk lo nge bo tak tak, mi la rawn zawt nulh nulh kan awm leh țhin si a, a mal mala chhan reng ai chuan nakin zelah pawh a link pek mai theih turin kan post țha law law ang e. Ka hriat ve chin zawng..

Nia, MIUI ROM hi a kalphung hriatfuh loh chuan buai nuaih na tham hi a ni reng lah taka, chuvangin mawlmang thei ang ber leh kan hriatthiam theih ngei tura ziah ka'n tum ang a, chutah pawh kan la hriatthiam loh cheu chuan ka hre tawh bik lo le!

MIUI ROM hi Xiaomi Redmi device in Stock ROM (A tira company ina ROM a rawn hman) a ni a. Mahse hetah hian ROM chi hnih a awm. Hetiangin:

A) China ROM: China ROM ah chuan Gapps a awm ve lova, Google PlayStore leh Google Service ho hman duh dawn chuan Gapps flash chawp leh a ngai țhin. Chinese ho hman tur deuha duan a nih avangin System language ah pawh Chinese leh English deuh chauh a awm țhin a. Global ROM in a ken tel loh Chinese apps leh features eng eng emaw a keng tel nual țhin. China ROM hnuaiah ROM version chi thum - Alpha, Developer/Beta leh Stable ROM a awm leh a. Chu erawh a hnuailamah kan la hrihfiah thung ang.

B) Global ROM: Global ROM hi chu International a hman tura duan a nih avangin Gapps (Google Services) a keng tel nghal a, System language pawh thlan tur tam fe a keng tel țhin. Mahse China ROM a Chinese apps bakah a features ken țhenkhat erawh a keng tel lo thung. Global ROM hnuaiah hian ROM Version chi hnih - Developer/Beta leh Stable ROM  a awm ve leh bawk a. Hei pawh a hnuai lamah kan la hrilhfiah leh ang.

Chuti chuan China ROM chi thum leh Global ROM chi hnih a awm avangin MIUI hian Official ROM chi nga:
1. China Alpha ROM
2. China Developer/Beta ROM
3. China Stable ROM
4. Global Developer/Beta ROM
5. Global Stable ROM

a awm tihna a nih chu. He tia ngaihtuah mai chuan kan la buai nuaih mai thei a, han chhiar zel phawt la, i fiah thei em ang chu maw..

ROM sub-category - Alpha, Developer/Beta leh Stable te khi hrilhfiah leh ila, kan chiang hawk mahna le..

1. Alpha ROM: Alpha ROM hi chu China ROM ah chiah a awm a, Global ROM ah a awm ve lo. Developer ROM aia features update dawng hmasa țhin a ni a. Mahse hei erawh Xiaomi device zawng zawng tan a siam a ni lo thung. Hriat theih china he ROM hmang device te chu - Xiaomi Mi 2, Xiaomi Mi 2S, Xiaomi Mi 3, Xiaomi Mi 4, Xiaomi Mi Note, Xiaomi Mi 5, Xiaomi Mi Max te an ni.

2. Developer ROM: Developer ROM hi Beta ROM ti pawhin an sawi țhin a, ROM hran emaw tih loh tur a ni. Chinese holiday in a tibuai te a nih ngawt loh chuan kar tin update an dawng a, features thar lo chhuak tur miin an lo test theihna tur leh a dik lo lai an report ațanga Stable ROM siam lehna tur ROM ti ila a fiah mah mai thei. Entirna atan: Developer ROM ah feature thar an tihchhuah tur kha pakhat te tein an bilh tel a, feature thar an dah belh duh chin zawng update kaltlanga an bilh tel a, a dik lo lai (buggy) update kaltlanga an siam vek hnuah Stable ROM turin an siampum ta țhin a ni deuh ber.

Tin, Developer ROM te hi a version number atan an tihchhuah ni, thla leh kum a kha hman țhin a ni. Entirna'n: Dt. June 13, 2017 ah Developer ROM lo tichhuak ta se, chu ROM Version number atan chuan 7.6.13 hman a ni ang (7 hi 2017 ațangin an la a, 6 hi a thla, 13 hi a ni)

3. Stable ROM: Stable ROM hi chu Developer ROM a fel lo lai zawng tihfel hnua felfai thlapa an tihchhuah țhin ang a nih avangin a rei lo berah pawh thla khat tal update dawng tur hian a duh țhin. Bugs (felhlel ti mai ang) awm an tihdik (fix) hun rei chhung a zirin update awm hun hi a reiin a rei lo thei tih erawh hre ta ila.

Stable ROM hi chuan Version format ah 8.X.X.X ang hi a hmang thung țhin. 8 hian MIUI 8 a entir a, MIUI 9 a chhuah hunah chuan 9.X.X.X a hmang leh mai ang. X.X.X ve thung hi chuan kha MIUI a eng version ber nge hriatna tura a version number tihna a nih tâk ber chu.

Chu ta țanga chiang ta chu expert deuh leh data ren lo deuh lo tan chuan Stable ROM hman mai hi a felfaiin a awlsam mai a tih theih awm e. Tin, Developer ROM leh Stable ROM khi chuan China ROM leh Global ROM hnuaia mi kha a hrilhfiah kawp nghal ve ve tih hre tel ta bawk ila..

Tin, ROM Version hnung chiahah hian hawrawppuiin alphabet 7 a awm țhin a. Hei hi eng version nge kan hman hriatna atan a awlsam hle. Entirna atan "KHDCNDG" leh "KHDMIDG" hi lo hmang ta ila..

'K' in a ințan avangin kha ROM kha Kitkat based ROM ni tih a chiang sa ta a, Lollipop ROM chu ni se 'L' in a ințan ang a, Marshmallow chu 'M' a ințanin MIUI 9 lo chhuah hunah Nougat a hmang a nih phei chuan 'N' in a ințan tawh ang.

Tin, khi alphabet 4-na leh 5-na khi en ta ila, pakhat 'CN' awm a, pakhatah chuan 'MI' a awm thung. Hei pawh hian awmzia a la nei leh zel cheu! 'CN' hi chu China ROM ah dah țhin a ni a, 'MI' hi Global ROM ah dah țhin a ni thung.

Tikhan MIUI ROM chungchang chu kan fiah deuh kuar tawh turah ngaiin i duhtawk leh phawt ang..

Hetiang ang hmangchang chang hi i lo hmuha i lo chhiar ve zel duh chuan Muankima Khawlhring Facebook Page hi like satliah mai lovin, page a post thar awm apianga notification dawng ve zel turin lo Star/Follow ve ngei ang che.

Mi Device Bootloader unlock permission dil dan hmangchang!

Xiaomi Redmi Device hi security an uluk em avangin bootloader an lock thlap a. Chuvangin root duh tan chuan bootloader hi unlock a ngai țhin. Unlock permission dil hmu hleithei lo kan awm zeuh zeuh avangin unlock phalna kan hmuh hma zawk theihna a nih mial beiseiin Xiaomi Redmi Bootloader unlock permission dil dan hmangchang hi ka share phawt ang a, phur tâk viau leh kan la chhunzawm zel dawn nia.. 😎

Mahse, bootloader unlock leh root vel hi chu tihsual palh awm thei a nih avangin expert tan lo chuan tawngpawng risk chi pawh a ni chiah lo. Chuvangin gadget geek tak i nih lem loh chuan a thiam pan zawk mai la a him zawk mai thei..

Unlock permission i dil ve duh tak tak a nih chuan a hnuaia guide hi i lo apply ve mai dawn nia..

1. Mi Bootloader Unlock Page ah lut la

2. “Unlock Now” button ah khan click rawh

3. Chinese in mi millet login page a lo lang ang a, scroll chhuk la English kha select la, i Mi Account ah log-in rawh.

4. Permission dilna page a lo lang ang a, khatah khan:
a) I Mi Account Username (hming) chhu la
b) +91 (India) select la
c) I Mi account hawnna number kha chhu la
d) I request text body ah khan a hnuaia mi hi copy paste tawp rawh:
我的手机是砖砌在启动循环模式。请批准我的请求开锁。
e) Click the "Apply Now" tih zawna box kha check/tick la
f) "Apply Immediately" button kha i click dawn nia.

5. SMS Vetification Page a lo in hawng ang a, SMS a OTP i dawn veleh copy in text box ah khan i paste dawn nia.

6. Tichuan, Button hring, a veilam ami zawk kha click la, net a chak chuan i application theh luh a nih thu a lo lang ang.

7. A bak chu SMS a unlock permission pek i nih thu lo nghah a ni tawh mai..

A lo thlen hunah chuan i unlock thei tawh ang a, i unlock theih tawh chuan i duh leh i root thei tawh ang..

Heng hmangchang i hnena rawn thlentu Muankima Khawlhring hi i lo like ve ngei dawn nia..

Tlai hun hman nuam vek u.. 😍😘

WhatsAppS+ hmangchang

WhatsAppS+ chu eng tihna nge?
WhatsAppS+ chu WhatsApp Status Saver Plus tihna a ni a. Chu chu Playstore a mi whatsapp status picture/video download na tur application awm ho zinga user ngah ber ni mek Story Saver for WhatsApp hi Sapțawng thiam ve lo te pawhin an hman thiam theihna atana a pawimawh chin Mizo țawnga dah, ads a ken sa theih chen chen paiha tihdanglam mai a ni a. Mahse, hei hi chu update ve a ngai tawh lo ang. Application thar a ni lem lo.

Engtia hman tur nge!?
1. A hnuaia download tih hi click in download la, install rawh
2. I whatsapp a mi status picture/video i en apiang kha he application chhunga update tharlam-ah khan a lo awm zel ang a.
3. I duh duh select in i download zet zet tawh mai dawn a ni..

Mahse!
Hun ka neih loh leh ka neih chhunah chawlh hahdam ka mamawh em avangin a application pumin Mizo țawngin ka dah vek lem lova, download dan kaihhruaina deuh mai kha ka la khawih a. Mahse ka chhunzawm peih tawh loh avangin a lo thlawna ral leh mai ai chuan ka lo dah ve mai mai a ni e.

App Name: WhatsAppS+
App Version: 1.0
File type: .apk
File Size: 2.80mb
Download: CLICK HERE

In lo hman țangkai ngei ka beisei.. 😎

OGYoutube hmangchang!

OGYouTube hi android application pakhat, YouTube application țangkai zawka hman theih tura tihdanglam a ni a. He application hmang hian youtube a hla te, Popup Playback (minimize/background a youtube video play) a theih bâkah video leh audio downloadna atana app dang install kher ngai lovin download na atan pawh a hman nghal theih a ni!

OGToutube Features
✔ A rualin video tam tak i download thei
✔ I screen sira popup ațangin youtube video i play theih bakah background a OGYoutube hi minimize chung pawhin i play thei
✔ Screen off chungin video i en thei
✔ Youtube video quality hran hran 140p~1440p i play thei vek
✔ Youtube Video ațangin mp3 i download thei
✔ Subtitles pawh i download thei
✔ I quality duh dan danin i download thei
✔ Back button vawi 2 i hmeh zawnin video a chhuahsan ang.

Heng hi an official site a an ziah dan a ni a, mahnin lo zir chian mai chi a ni e. Kei chuan ka hmuh tirh ata kha vawiin thlengin ka la hmang a, ka inchhir lo ngang mai chu a nia!

Download dan:
1. Xposed User: I mobile i root tawh a, Xposed i install/flash tawh a nih chuan Xposed user tih kha click la (Root ringawta Xposed hmang tel lo tan chuan step 2) - OGYouTube v2.7 (12.10.60) Xposed leh For Sign-in fix for Xposed module kha download ve ve rawh

2. Root/No-Root User: Root/No-Root user tih kha click la, microG for OGYT (v1.2) tih lo in underline kha click in download rawh. Tichuan i mobile i root tawh chuan Root user hman tur Youtube kha i download ang a, i la root loh chuan root lo tana hman tur Youtube kha i download ang

Install dan:
1. Exposed & Root user: I system a Youtube install sa kha eng emaw hmang berin uninstall la, i download 2 kha install la i hmang thei nghal..

2. Non-Root user:  I system a Youtube install sa kha cache & data clear in Force Stop la, i download 2 kha install la i hmang thei nghal

Download: Click here to open download page

I hlawkpui ngei beiseiin duhtawk leh phawt ila, hetiang lam hawi post hi i chhiar zel duh chuan facebook lamah Muankima Khawlhring hi like mai ni lovin lo star/follow ve ngei ang che..

Nilen nuam vek u.. 😎

PlayStore app network awm lo anga buai mekte tana hmangchang!

Mi țhenkhat, a bikin root user țhenkhat chu an mobile data on reng chunga PlayStore in network hmu lo anga hmang thei miah lo an awm fo țhin a. A chhan hrang hrang a awm thei ang. Mahse a bul ber chu hosts file engin emaw a lo tihdanglam vang a ni fo..

Mi tam takin an mobile an root chhan chu an game/app full feature hmang thei tura a chhunga lei belh tur lo awm (in app purchase) ho FREEDOM hmanga a thlawna an lei duh vang a ni fo țhin a. Mahse hei hian in app purchase ang chi zawng zawng a lei thei kher lo thung..

Hetianga Freedom hmanna lamah hian mi tam takin an PlayStore an hman theih loh phah țhin a, chung zinga mi țhenkhat, a ngaihna hre lo te tan emaw, PlayStore solution hriat zawng zawng apply chung pawha network awm lo anga PlayStore bik awm zel te tan aw.. Mahse, root loh chuan he step hian awmzia a nei lo. I harsatna chu i chin fel duh chuan:

1. Hosts Editor hi download in install rawh
2. Open in root permission pe rawh.
3. Search button ah khan google search rawh.
4. Result display mawng lama android.clients.google.com leh mtalk.google.com lo awm kha select in delete hmak rawh.
5. Tikhan hosts kha save leh hmak la i zo fel der!

Hosts Editor hmang lo pawh hian ES File Explorer leh Root Explorer hmang te pawhin theih tho mahse host edit hi hosts editor hmang hian a sam ber maia ka hriat vangin method dang ho chu ka ziak tel ta lo mai..

In lo hlawkpui ngei beisei chungin duhtawk leh phawt ang..

In țhian,
- Muankima Khawlhring

LockWatch hmangchang!

SmartPhone khawvelah kan cheng miau mai a, atu mai pawh hian SmartPhone kan hum fir fer a, man to tak tak leh țhenkhat phei chuan kan neih chhun chhuna lei kan nih vang hian fimkhur hi a ngai hle a. A bo palh lahin Police ah han report pawh ni ila kan vannei viau a nih loh chuan chhui zui hi a harsa fo a, chutiang palh thila i tana chhuizui a awlna atan leh Police lam tan pawha bawhzui a nawmna atan he application hi hman tel ngei chi a nih hmel!

An insawi dan chuan!
Lockwatch hian i mobile code dik lova hawn tum a nihin email a rawn thawn ang che a, i phone khawihtu thla a lak ruk leh mobile location map kha a rawn thawn mai dawn a ni!

Misual leh rukru man chhuahna atan mai ni lovin i awm loh hlana i mobile khawih ruk tumtu thlengin i hre zung zung thei dawn ta a nih chu!

He application hi free version leh premium version a awm a. Premium version hmang tur chuan PlayStore ațanga lei emaw, premium patched version zawn mai emaw a ngai tihna a nih chu. Mahse, lungngai lovin chhiar zo phawt mai teh..

Free Version i hman chuan?
Free Version zawk i hmang a, i setup țha thlap a, unlock code dik lova lo hawn tum an awm a nih chuan:

• Front Camera hmangin a thla a lo la ang.
• GPS leh data i on chuan i mobile location a chhutchhuak nghal ang.
• A thla lo lak leh mobile location a trace chhuah chu i mail ah a thawn nghal ang.
• Sound a neih loh bakah a khawih rutu tan hriat ngaihna a awm lo ang.
• Screen locker install chawp kher a ngai lova, i mobile in a ken sa screen lock kha a ring nghal thei.
• Pattern, pin leh password hmanga Screen lock tan a hman theih laiin fngerprint leh face unlock te erawh device țhenkhatah a la support lo.
• Code dik lo barh hunah chauh a in run avangin battery a ei hek lem lo.

4 digits emaw dots emaw tal a ngaih avangin screen lock i set dawnin chu erawh i hriat a ngai ang.

Fore more: Click here

Premium Version i hman chuan?
Free mai duhtawk lova Premium a i upgrade emaw, i hmang a nih chuan:

• I mobile ah SIM thlak a nihin i hre zel thei ang. SIM thar vuah a nih apiangin i mail ah a rawn hrilh zel ang.
• I mobile chu a ru/chhar-tuin a switch on apiangin i mail ah a rawn hriattir zel ang.
• Hawn ruk tumtu thla kha vawi khat mai ni lovin vawi 3 lain mail ah a 3 chuan a lo thawn ang.
• Second 20 chhung sound quality țha takin sound a lo record ang a, chu chuan an țawng a lo record tel hlauh chuan a awlsam lehzual ang
• Android 4.0 chin i hman chuan mobile data i off lai pawh nise a țul dan a zirin amahin a in on in a in off thei ang.
• Mobile data awm lohna hmunah a nih chuan SMS Alert dawng tura i select hnenah i mobile location kha SMS in a hrilh ang.

More about Premium: Click here

For more about app permissions: Click here

I hmang duh a nih chuan:
• Screen lock i siam ngei a ngai a
• I mobile a bo chuan mobile a thlalak i en theih dawn loh avangin i email kha i hawn theih ngei a ngai ang.
• Task Killer leh System Optimizer ang chi tunlai chhuak ho chuan an ken tel zel avangin chutiang ang chi emaw, i install chawp ten an lo kill lohna atan auto start list ah i dah ngei a ngai bawk ang.
• I install zawhah hawng nghalin i duhthalin a application pawh hi setup la, Device Manager ah khan activate ngei ang che.
• Patched version zawk khu i download chuan Premium Version, cracked sa ni mahse zipped a nih avangin ES File Explorer emaw, zip file extract thei application dang hmanga i hawn a ngai ang, i File Explorer hmanlaiin a extract thei te a nih loh chuan..

I hmang ve duh a nih chuan i tan zawn buai ngai lovin a hnuaia hi install or download mai theih turin ka rawn dah sa e..

Install from PlayStore: Click here

Download Patched Version: Click here

Patched Version (Premium Features hman theih tura hacked sa!) hi keima upload a ni lova, chuvangin an report hma a download vat a chi ang! 😂

In thian,
- Muankima Khawlhring